Horta husu Alkatiri labele mete iha ninia politika rekonsiliasaun ho autonomista sira

Timor Hau Nian Doben 

Prezidente Repúblika (PR), Ramos-Horta, iha entrevista ho jornalista sira iha Dili dehan katak, sekretáriu jerál Fretilin, Mari Alkatiri, labele interfere iha polítika rekonsiliasaun entre Xefe Estadu no  autonomista sira ne’ebé hela iha Timor Osidental no tuir lolos preokupa koriji problema sira iha partidu Fretilin nia laran ne’ebé lakon votus ba beibeik .

“Sekretáriu jerál Fretilin nian di’ak liu preokupa ho problema Fretilin nian, tanba iha eleisaun partidu sempre monu (lakon votu), loron ida sei laiha ona Fretilin, entaun avo sekretáriu jerál di’ak liu preokupa ho rekonstrusaun Fretilin nian no  la presiza preokupa ho Prezidente Repúblika”, tenik Horta.

Ramos-Horta  hatan ba krítika ne’ebé Mari Alkatiri halo iha semana kotuk kona ba polítika rekonsiliasaun ho autonomista sira iha Timor Osidental ne’ebe PR hahu halo. 

Xefe Estadu ba Kupang iha loron balun liuba hodi halo negosiasaun ba rekonsiliasaun ho timoroan otonomista sira ne'ebé maka hela iha Timor Osidental hodi nune'e bele “hakotu kapítulu 1999 nian”.

Iha vizita ida ne’e ba Indonézia, Horta hasoru malu ho líder milísia Aitarak, Eurico Guterres, kondenadu ida hosi ONU tanba komete  krime grave hasoru timoroan sira iha tinan 1999, hodi ko’alia kona ba planu rekonsiliasaun no PR konvida kriminozu ida ne’e atu fila mai Timor-Leste hodi selebra  Restaurasaun Independensia nian iha loron 28.

Polítika rekonsiliasaun Ramos-Horta nian no konvite ne’ebé halo ba Eurico Guterres hamosu revolta ida iha media sosial hosi parte timoroan nian, ho ema barak ho  opiniaun katak “tempu seidauk to’o” atu ko’alia kona-ba “rekonsiliasaun ida ne’ebé loos” tanba sei iha hela “kanek nakloke barak”.

Em Português - Horta pediu a Alkatiri para não se intrometer na sua política de reconciliação com os autonomistas

Fonte, GMNTV