Governu Timor-Leste aseita katak ezekusaun orsamental iha 2024 “moderadu tebes”

Lusa- Tradusaun ba Tetun hosi Timor Hau Nian Doben

Primeiru-ministru Timor-Leste, Xanana Gusmão, admiti ohin katak ezekusaun orsamental durante semestre dahuluk iha tinan ida ne’e “moderadu tebes”, no nia halo previzaun katak sei aumenta to’o fulan-Dezembru.

“Ezekusaun governu nian to'o ohin loron kalkula besik 63%, maibe deve rejista aumento iha fin tinan ida ne’e . Ami hein atu ezekuta 86% to'o loron 31 fulan Dezembru, ne'ebe reprezenta aumentu ida hosi 9% kompara ho tinan 2023”, afirma líder Governu timoroan nian.

Xanana Gusmão halo intervensaun  iha Parlamentu Nasional, ne'ebe hahu halo debate no votasaun iha jeneralidade ba Orçamento Geral do Estado (OGE) ba 2025, ho valor 2,617 mil milhões de dólares (2,410 mil milhões de euros), no dedika ba tema “Investimentu iha Infraestruturas Estratégikas, Hametin Ekonomia no Hadi a Sidadaun Sira Nia Moris”.

“Iha parte seluk, ami iha konfiansa katak ezekusaun sei hadia progresivamente ba la menus ke  90% to’o 2027,” tenik xefe ezekutivu Timor-Leste nian.

Primeiru-Ministru hatete mos katak atu garante ezekusaun ida “efisiente liu” hosi OGE ba tinan 2025, Governu sei kontinua reforsa “sistema jestaun finanseira publika sira”, ne’ebé inklui “implementasaun hosi  prosedimentu akizisaun foun sira hodi hadia taxa ezekusaun kapital nian no hamenus atrazu  iha projetu sira.”

Kona-ba perspetiva ekonómiku sira ba tinan 2025, Xanana Gusmão destaka katak hanesan promissio (diak), katak kresimentu real iha Produtu Internu Brutu sei aselera ba 4,1%, kompara ho 3,7% iha 2024.

“Aumentu ida ne'e maka hetan  dudu hosi investimentu públiku diresionadu   no recuperação setor privado, ne'ebe ambus ( sira rua ne’e) importanti ba kresimento ekonomika sustentadu,” nia dehan.

Primeiru-Ministru hatete katak Governu mos hein  inflasaun sei tun ba 2,2%, hodi hadia a populasaun nia poder de compra ( kbiit ba sosa) no estabiliza kustu moris nian.

Debate jeral kona ba OGE 2025 sei dura to'o loron sesta. Diskusaun no votasaun ba espesialidade no votasaun final global sei halao entre loron 11 no 25.