Violénsia hasoru vendedor ambulante sira iha Díli hatudu tendensia autoritaria - ONG

Lusa em Português - Tradução para Tetun de Timor Hau Nian Doben

Dili, 29 Out 2024 (Lusa) – Organizasaun não -governamental (ONG) ida hatete  katak violénsia hasoru vendedor ambulante sira iha Díli hatudu  “tendensia autoritaria” no “ desrespeitu ba direitu umanu baziku sira”, ne’ebé daudaun hahu halo“divizaun no konflitu” iha sosiedade.

“Aplikasaun violental “lei no orden” nian sei la’ós deit  violasaun direitus umanus sira, maibé mós fó divizaun no konflitu iha sosiedade nia laran”, dehan Fundasaun Mahein (FM), iha análize ida ne’ebé publika iha ninia pájina ofisiál .

“ Em vez  rekorre ba violénsia hodi intimida ema kiak sira ba konforma, líder sira tenke reflete ba sira nia responsabilidade rasik iha situasaun atual iha nasaun ida-ne’e”, destaka ONG ne’e.

Problema maka kampaña hosi despeju  no sobu sira ne'ebé hahu iha tinan ida ne'e hosi Governu, liu hosi Sekretaria Estadu ba Asuntu Toponímiku no  Organizasaun Urbana, hodi halakon konstrusaun ilegál sira no atividade ekonómiku sira ne'ebé laiha lisensa, no iha kazu balun, hala'o ona ho violénsia. 

Insidente maka  ikus akontese iha semana liuba, bainhira ofisial sira hosi Sekretaria Estadu refere no membru sira hosi polísia nian envolve iha baku malu ida ho vendedór ambulante sira iha Díli, ho mane ida hetan kanek ho tiru ida ne'ebé alegadamente tiru hosi membru ida hosi forsa seguransa nian.

“Diskursu públiku ne’ebé justifika uzo violénsia mos preokupante. Deklarasaun sira ne’ebé sujere katak forsa estadu sira iha justifikasaun atu uza violénsia tanba “se lae ema sei la rona” kontradiz ho prinsípiu sira Repúblika Demokrátika ida nian, ne’ebé harii iha Estadu Direitu no respeitu ba dignidade umana,” afirma Fundasaun Mahein.

Ba ONG, deklarasaun sira ne'e fó hanoin fali kona ba "ditadura militár indonézia nian, ne’ebe Estadu ida ne  justifika brutalidade no violénsia iha naran  orden no estabilidade”.

“FM tauk katak normalizasaun violénsia Estadu nian hodi impoin orden sei hamosu presedente perigozu ba interasaun futuru entre Estadu ho sidadaun sira,” nia alerta.

Ba FM, komersiu ambulante no konstrusaun ilegal hanesan sinal “problema estruturál ne’ebé profundu liu” no revela fallansu husi autoridade sira iha “modernizasaun ekonomia no sosiedade”.

"Em vez de, sira konsentra sira nia enerjia barak liu iha kompetisaun ba poder, no, bainhira iha poder, implementa mega projetu sira ka eskema sira ne'ebé hariku elite sira no sosa apoiu polítiku", akuza ONG ida ne'e.

Organizasaun  dehan mós katak sekretariu  Estadu nia kampana “kontrasta maka’as ho impunidade ne’ebé elite polítika no ekonomika Timor-Leste nian goza”.

"Enkuantu sidadaun baibain sira hetan persegisaun, baku no sobu sira nia uma no estraga sasan sira, elite sira goza imunidade ba violasaun lei nian ne'ebé maka grave liu", afirma FM.

Ba Fundasaun, "violénsia" no "tátika represivu sira" la'os solusaun ba problema sira ne'e no husu ba Governu atu "konsidera hikas aprosimasaun", hodi foka ba análize "kauza kompleksu liu hosi informalidade no pobreza iha Timor-Leste".