Igreija Timor kolonialista foun ida ke hakarak hanehan no halo terus Maubere Oan sira?

Maubere Tuba Rai Metin

Ita hotu assiste ona saida maka ukun nain sira halo hasoru Maubere Oan bainhira halo selebrasaun ba loron Restaurasaun Independensia nian ba dala 25. Festa boot ho malae sira no ema boot sira maibe ita buka no la hetan nein Maubere Oan nia espiritu santo.

Sira tur hemu tua karun, fo’o medalla sira ba malae sira, halo festa tun sae no pior liu gasta osan Maubere Oan nian, enkuantu Maubere Oan moris iha kiak no susar nia laran.

Agora Amu Papa mai Timor, eventu ida ne’e devia halo ita hotu kontenti no fo’o oportunidade ba Maubere Oan mai hamutuk hodi selebra festa relijioza ida ne’e, hodi haree no mos rona Sua Santidade, Papa Francisco, maibe realidade ba Maubere Oan diferente.

Papa sei mai Timor no igreija Timor nian  kolonialista foun ida ka hakarak hanehan no halo terus  Maubere Oan sira? Tanba sa? 

Tanba sa maka Papa Francisco tenki reza missa ho lian Portugues, tanba sa la reza missa ho lian Tetun? Maubere Oan maioria la koalia kolonialista nia lian, bele iha lei katak Portugues mos lian ofisial maibe elite deit maka koalia portugues, Maubere Oan la koalia no sei la kompreende tan. Tanba sa Portugues? Imi gosta duni rai malae nia kidung los ka lae? Imi la orgullu imi nia kultura rasik tenki kontinua fo’o ulun ba malae mutin sira, imi hakarak maka Maubere Oan sai atan ba beibeik.

Maubere Oan sei rona Papa no sei la kompreende saida maka Papa dehan, hanesan malae sira dehan vai ser como um burro a olhar para um palácio. 

Igreija iha tempu susar, tempu invazaun tane aas kultura Timor, tane aas Maubere nia identidade, foin ita haree lao ba kotuk fali, lao fali ba tempu kolonialismu, ne’ebe ita husu, igreija sai kolonialista foun iha Maubere nia rai?

Papa Francisco ema ida ke simples tebes, nia sei moe bainhira hatene katak padre Timor Oan sira la defende Maubere Oan bainhira governu destroi sira nia uma iha Tasi Tolu, rahun sira nia sasan hodi hasai povu husi dalan no labele faan sira nia sassan. Tanba sa Igreja la tane povu, tanba sa nonok deit ho hahalok kriminozu governu nian? Igreja Timor nian HALO MAROMAK MOE!!!

Espera katak bainhira Papa Francisco fila ba Roma, ita nia padre sira kontinua reza missa iha lian Portugues, no loron ida igreja hotu sei mamuk, povu sei la ba tan. Imi nia “kliente” iha igreja maka kriminozu sira hanesan ema korupto, pedofilo sira no kriminozu seluk tan. Hanesan ema ke imi ba tau iha primeira fila hodi rona Papa Francisco iha Tasitolu, imi hotu hamutuk hodi halo povu terus no gasta sira nia osan arbiru deit, imi halo Igreja Katolika moe boot, moe boot duni.

Imi gasta povu nia osan barak loos ba simu Papa, imi hanoin imi nia beilala sira maka fo’o osan ba imi ka? 

Imi hanesan duni kolonialista sira ke durante  tempo tinan atus ba atus nia laran halo esplorasaun ba povu Maubere, hanehan sira nia kultura no hasai sira nia identidade, atu nune’e imi bele esplora sira tun sae hanesan kiloniazadores sira seluk, foin imi maka kolonialista foun iha ita nia rai, moe la iha!!!

Haree video ida ne'e, halo violensia hasoru povu tanba Papa Francisco nia visita? Asu sira ne'e laos ema katoliku, asu sira ne'e  Satanás nia ema, tanba sa Igreija la hapara hahalok kriminozu sira ne'e hasoru povu? Lakohi lakon osan ke imi simu husi Governo ka? Lakohi lakon imi nia privilejiu iha sosiedade korupta Timor nian, los ka lae? Diabu sei hein imi iha Inferno tanba povu nia terus hanesan Maromak nia terus, imi ke hanehan povo ida ne'e sei ba direitamente ba INFERNO, imi DIABU NIA OAN! 

Moe la iha!!!