Francisco fo’o hatene ba timor oan sira kona ba "lafaek" sira ne'ebé hakarak troka identidade no istória

Sapo - Lusa em Português - Tradusaun ba Tetun husi Oan Kiak  ba Timor Hau Nian Doben

Díli, 10 set 2024 (Lusa) - Papa Francisco ohin fo’o hatene timor oan sira, iha faze final misa iha Tasi Tolu, ba kuidadu ho "lafaek sira" ne'ebe hakarak troka identidade no istória Timor-Leste nian.

"Imi tenke  atentu, tanba ema hatete mai ha'u katak iha tasi  lafaek sira  moris iha ne’eba. Lafaek sira ne’e  nani no sira tata maka’as. Tenke iha atensaun ho lafaek sira ne’e, lafaek ne’e hakarak troka imi nia  identidade no istória”, dehan Francisco.

"Labele ba besik lafaek  sira nee tanba sira tata no tata tebes", nia  dehan, ho timor oan sira basa liman, hafoin halo tradusaun ba Tetun.

Francisco dehan dala ida tan katak buat ne’ebe diak liu ke Timor-Leste iha maka ninia Povu, no saida maka diak liu maka Povu iha maka labarik sira.

"Povu ida ne'ebé hanorin sira nia labarik atu hamnasa, maka povu ida ne'ebé iha futuru," dehan Francisco no husu ba timoroan sira hodi kontinua iha labarik barak.

Papa mos husu hodi timoroan sira tenki fó atensaun ba katuas sira, tanba "sira mak ita-nia rai nia memória”.

"Obrigado, obrigado barak ba imi nia karidade, ba imi nia fiar. Imi kontinua la’o ba oin ho esperansa”, nia dehan no momentu balun tan no nia husik Tasi Tolu nia palku, ne’ebe ema rihun ba rihun sei hela iha ne’eba. 

Autoridade sira estima  atak liu hosi ema meiu miliaun iha Tasi Tolu, iha nasaun ida ne’ebé iha 1.3 miliaun ema ne’ebé 98% mak katóliku sira.

Papa Francisco komesa vizita ba Dili, kapitál Timor-Leste, iha segunda-feira, parte husi vizita ida ba rejiaun ne’e,  nia vizita ona  Indonézia no Papua-Nova Guiné, no sei remata iha Singapura iha Sesta-feira, vizita ida ne’e hanesan vizita naruk liu iha nia pontifikadu.

Nota do blogue: Foto da página do Crocodilo, ahhh, desculpem, quero dizer do Primeiro-Ministro Xanana Gusmão.