Francisco defende “impulsu iha evanjelizasaun ” kontra “ buat hotu-hotu ke hatun ka halo moe”

Lusa em Português - Tradusaun Tetun hosi Oan Kiak ba Timor Hau Nian Doben

Francisco hatete ohin katak Timor-Leste tenki renova “impulsu  iha evangelizasaun” kontra buat “hotu-hotu “ ke hatun ka halo moe” no destroi “ema nia moris” no inklui violensua no “ laiha respeitu ba dignidade feto sira”.

Papa ne’ebé komesa vizita loron tolu iha kapital Timor nian,  hahú husi segunda-feira, ko’alia iha Catedral Imaculada Conceição, iha enkontru ho bispu, sacerdotes, diakonu, ema konsagradu , seminarista no katekista sira.

"Ita boot sira nia nasaun ne’ebé iha istória kristaun naruk, presiza ohin loron atu renova impulsu iha evangelizasaun, hodi halo mina-morin hosi evangelhu to’o ba ema hotu: mina- morin rekonsiliasaun no dame nian  hafoin terus  tinan barak ho sofrimentu hosi guerra," hatete Francisco.

Papa ne’e koalia kona  ba Evangelhu hosi João no istória bainhira Maria hamoos ain Jesus ho mina-morin nardu puru nian,  no depois hamos nia fuuk no  espalha perfume iha uma.

 

Tuir  Francisco, iha Timor-Leste, “mina-morin  evangelho ” tenki mos ajuda “ema ki’ik atu hamriik fila fali” no sussita “kompromisu halo hamrik destinus ekonomikos no sosiais  nasaun nian” no hanesan “mina morin justisa kontra korupsaun,” ne’ebé la bele tama iha komunidade no paróquia sira, Papa dehan.

"No , liu-liu, perfume evangelhu tenki fahe kontra  hot- hotu ne’ebé hatun an ka halo moe,  adultera (halo falsu) no destroi  ema nia moris , kontra kanek ne’ebé kria vazio iha laran no sofrimentu, hanesan lanu , violénsia no falta respeitu  dignidade ba  feto sira," Papa hatete.

“Feto sira mak di’ak liu iha Igreja, sira  alin ka inan Povu Maromak  nian,”nia dehan, no nia simu aplauzu hosi ema hotu prezente iha eventu ida ne’e. 

Francisco hatete katak “Evangelho Jesus nian iha poder atu hadia realidade sira  ne'e no kria sosiedade foun,” sublinhando katak tenki “hatohar kulit ” no sai husi “religiozidade ne’ebé barukteen no kómoda."

Papa mos husu ba amu lulik  sira atu la iha “sentimentu superioridade relasionadu ho povu, ne’ebé bele indús iha tentasaun ba orgullu no poder.”

Tuir Francisco, ministériu la’ós “prestíjiu sosial.”

“ Lembra ida ne’e: ho mina-morin ita unta Kristu nia ain, maka ain hosi maun-alin sira iha fé (fiar), hahú husi ema kiak liu,” Papa hatete, nia lembra  katak amu lulik mak “instrumentu bensaun nian” no “la bele  aproveita nia funsaun”.

Papa mos husu atu “ aprofunda doutrina kristã hodi “tasak  formasaun espiritual, katekétika no teolojika,” tanba “buat hotu mak serve  atu anúnsia Evangelhu”,  iha kultura Timorense no “iha tempo hanesan purifika husi forma no tradisaun arkaika sira no dala ruma superstiziozu.”

Loron segundu  hosi vizita Papa iha Dili inklui mos enkontru privadu ho membru sira hosi kompanhia de Jesus no missa papal, ne’ebé sei hala’o iha Tasi Tolu, serka kilometro 10 husi oeste Dili no sei simu Timor oan rihun ba rihun .