Francisco aterra iha Díli ba vizita loron tolu

Lusa em Português - Tradusaun ba Tetun hosi Timor Hau Nian Doben

Papa Francisco to’o  ohin iha Díli, Timor-Leste, atu halo vizita ofisiál loron tolu, ne'ebé mak marka momentu istóriku ba nasaun ida ne'ebé relijiaun katólika maka domina. Ida nee primeira vez maka  Papa ida ne'e vizita Timor-Leste, no vizita ida ne’e hakarak hametin relasaun entre Igreja Katólika no nasaun timorense, ne’ebe relijiaun importante tebes ba populasaun nia moris loron-loron.

Durante vizita ida ne'e, Papa Francisco sei partisipa iha evento barak, inklui missa balun, hasoru malu ho lider polítiku no relijiozu sira, no vizita fatin istóriku no kultural importante. 

Iha esperansa katak Papa sei hatudu mensajen  kona ba dame, rekonsiliasaun no solidariedade, ne'ebé maka sai asuntu principal iha nia pontifikadu, partikularmente iha nasaun ida ne'ebé sei iha kanek hosi konflikto sira  no luta ba independénsia.

Papa nia vizita ba Timor-Leste haree hanesan bensaun no momentu uniaun ba timor oan sira, timor oan barak hein vizita ida ne’e ho ansiedade. Iha nia ajenda, Papa sei hasoru malu ho joventude no komunidade lokal sira, hodi sublinha importansia juventude nian no konstrusaun ba futuru ida sustentavel ba nasaun ida ne’e.

Vizita ida ne’e simboliza apoio ne'ebé Igreja Katóliku kontinua fó ba dezenvolvimentu sosial no espiritual Timor-Leste nian, no espektativa makas tebes kona ba impaktu pozitivu ne’ebe Papa Francisco bela iha kona ba  questaun hanesan justisa sosial, kiak no direitus umanus iha rejiaun.