Prezidente Guiné-Bissau lamenta kritika husi irmaun timorense líder sira no nia goza ho Xanana no Alkatiri

Lusa- Tradusaun ba Tetun no titulu husi Timor Hau Nian Doben

Bissau, 28 ago 2024 (Lusa) – Prezidente Guineense, Umaro Sissoco Embaló, ohin lamenta kritika husi “ irmaun”  líder sira Timor Oan  kona ba Guiné-Bissau, ne’ebé nia dehan, Guiné-Bissau la husu atu lidera Komunidade Países de Língua Portuguesa (CPLP).

“Kona ba kritika husi  irmaun timorense sira kona ba Guiné-Bissau, hau hakarak esplika katak hau lamenta tebes, maibe ami la bele responde. Sira ami nia “ irmauns”, dehan Embaló, bainhira halo deklarasaun ba jornalista sira, bainhira halo vizita ba Ministério dos Combatentes da Liberdade da Pátria, iha Bissau.

Prezidente Guineense mós iha dúvida  kona ba kapasidade Primeiru-Ministru Timorense, Xanana Gusmão, nia hatete katak "ema hotu-hotu hatene katak nia iha memoria fraka”", no kona ba Sekretáriu-Jerál Frente Revolusionária Timor-Leste Independente (Fretilin), Mari Alkatiri, nia halo referénsia ba nia tinan.

Iha entrevista ho Lusa, iha okaziaun aniversáriu 25 ba referendum ne'ebé fo dala ba restaurasaun  independensia  Timor-Leste nian, Xanana Gusmão afirma katak Guiné-Bissau troka golpe estadu ba golpa presidensial desde 2014, no defende katak CPLP mak to'o agora  passivu tebes  no tenke husu "mudansa radical" iha nasaun ne'e.

Líder Governu Timorense mós hatete katak situasaun ne'ebé akontese hela durante dekada ida iha Guiné-Bissau "mak ameasa real ba demokrasia".

Iha entrevista ho agência Lusa, Mari Alkatiri, ne'ebé lidera partidu oposisaun iha Timor-Leste, defende katak instabilidade iha nasaun ida ne’e  tanba “forsa ne’ebé atua iha Guiné-Bissau”, ne’ebé, “ema hotu-hotu hatene, maka droga”.

Alkatiri defende katak, tanba situasaun sira ne’e, Guiné-Bissau laiha kondisaun atu simu, iha 2025, presidensia rotativa no simeira líder sira CPLP nian.

“Saida maka  akontese iha família ida ne’ebé ami hola parte, CPLP, Guiné-Bissau la husu atu lidera CPLP. Lae. No, depois Guiné-Bissau husi Umaro Sissoco Embaló, la’ós arrogante , iha enkontru oin-oin ne’ebé ami sira hotu-hotu hola parte, laiha  iha ema ke  hare Timor-Leste,” hatete ohin Prezidente husi Guiné-Bissau.

Umaro Sissoco sublinha katak nia la hakarak responde ba “maun-alin timorense sira”, liu-liu tanba nia vizita nasaun ne’e iha 2023, no simu kondecorasaun bo’ot liu.

“Sira la bele trata Guiné-Bissau hanesan ne’e.No lamentavel tebes hare’e partidu balun kontente ho situasaun ida ne’e.  Ne’e triste, la’ós Umaro Sissoco Embaló, maibé Guiné-Bissau maka iha sentru problema ida ne’e,” hatete chefe estadu Guineense.

Partidu Afrikanu Independénsia Guiné no Cabo Verde (PAIGC) emite komunikadu ida no kongratula ho observasaun sira ke lider Timor Oan halo kona ba situasaun iha Guiné-Bissau.

Umaro Sissoco Embaló hatete katak nia simu chamada telefónika solidariedade husi Prezidentes Portuga nianl, Marcelo Rebelo de Sousa, husi São Tomé no Príncipe, Carlos Vila Nova, no husi Senegál, Bassirou Diomaye Faye, no ho sira nia  diskuti kritika sira ne’e ke líder Timor-Leste nian halo.