Zizi Pedruco
Hau haree insidente sira ke akontese iha fatin lulik ida iha Portugal no halo hau triste tebes, haree Timor-Oan balun oho malu, baku malu halo hau hanoin katak joven sira ne’e sira lakon Timor-Oan nia espiritu, respeito no sira hanesan ema selvajen iha malae nia rai.
Hau iha oan nain tolu, mane ida no feto rua ho tinan 31, 26 no 18 no akontesimentu sira iha Fatima halo hau triste tebes no halo hau hanoin barak joven sira ne’e hanesan inan ida.
Diferente ho Ramos-Horta ke koalia hanesan ema selvajenn no hanoin hasoru joven sira iha Portugal, hau la kontra sira iha Fatima hau nia fuan moras no hau husu ba hau nia aan rasik. Tanba sa ita nia joven oho malu, tuku malu iha malae nia rai, iha fatin lulik ida ? Saida maka perturba sira nia ulun hodi utiliza violensia, tanba sa maka sira nia kompurtamentu aat liu balada fuik?
Karik tanba sira lakon ona esperansa hodi moris ho dignidade iha ita nia rai entaun sira ba malae nia rai hodi hetan a “ Terra Prometida” maibe iha Portugal sira hetan maka mizeria, hamalaha no sira hetan fali “luta hodi sobrevive” no dala barak mizeria no violensia sira lao hamutuk, prinsipalmente ho joven sira.
Ramos-Horta hatenu katak tenki “blacklist” sira ke halo problema maibe la buka solusaun ba sira nia mizeria no desesperu iha malae nia rai, la buka tulun ho dignidade sira hodi sira moris ho dignidade. Hau la fo’o deskulpa ba joven sira ke oho no baku malu, maibe hau hatene ke miseria no violensia lao hamutuk. Horta haluha katak iha ita nia rai rasik joven oho no baku malu loron kalan no nia nonok deit, la halo buat ida. Komportamentu sira ne'e ne’e reflete ita nia sosiedade doente (moras), laos deit joven sira nia kulpa.
Merda ba ó Ramos-Horta.
Ramos-Horta no Xanana Gusmao loron kalan hatenu katak sira aman ba nasau. BOSOKTEEN, sira aman ba sira nia familia no belun sira, haree deit sira dehan ba Portugal blacklist ita nia joven ke halo problema maibe nia fo’o indultu ba korrupta boot ida ke naok povu nia osan no halai lakon ba Portugal. Tanba sa ó la husu ba Portugal deporta asu inan ida ne’e tanba tuir ita nia lei nia ema kriminozu, Ramos Horta? Pffftttttt!
Imi luta duni ba ita nia rai independensia maibe imi aat liu tee bainhira imi ukun, imi nia ukun sabraut maka halo joven sira buka moris iha rai liur maibe sira laiha “skills” ka maturidade hodi sobrevive iha malae nia rai bainhira governo TL la fo’o tulun ba sira bainhira sira iha rai liur.
Embaixadora asu inan iha Portugal hatene maka halo selfie no lao pasiar tun sae, servisu maka lai liu. Imi la moe haree ita nia rai ho naran foer tanba imi la ukun hodi ita nia joven bele hetan moris diak? Imi la moe haree joven sira tur loron kalan iha luron iha Dili no la mehi ona tanba imi nia ukun sei lori ita nia rai ba Estado Falhado? Imi maka devia tama iha Timor nia blacklist hanesan persona non grata! Asu sira diak liu imi!!!!!
Hau nia amigo boot Mauk Moruk dehan beibeik mai hau, “ Tenki ukun ita nia rai ho domin”, maibe imi hatene deit domin ba imi nia husar rasik, imi nia hahalok halo hau hakarak muta. Hau haree imi tulun malae sira hodi sai Timor-oan maibe ita nia ema rasik imi trata ho desprezo no laran-toos. Ida ne’e justu ka?
Ita nia rai ema iha mundu uluk hateke ho admirasaun no respeito maibe agora malae sira bolu Xanana no Ramos-Horta nia rai, rai hosi drogados no kriminozos.
HAHAHAHAHAHAHAHAHAHA!
Kriminozu duni, maibe laos povu maka ema kriminozu, imi ukun nain sira maka ema kriminozu duni tanba uza povu nia osan hodi hariku imi no imi nia familia. Ida maka Sr. Prezidente ke gasta osan la halimar hodi ba pasiar ba rai liur maibe laiha benefisiu nein ida para Timor-Oan sira, halo aan deit no alimenta fali ninia ego. Depois ba Facebook (asu sira blok ona hau) hodi hatudu ba mundu katak nia ema diak tanba fo’o migalhas envenenadas ba povu hodi taka povu nia ibun. Hahahaha, moe laiha ka?
Metem nojo aos cães!!!!!
Semana balun liu ba hau simu e-mail ida hosi senhor leitor ida ke dehan mai hau ke Ramos-Horta kondekora senhor UDT ida iha Australia ke halai ba Indonezia iha 1975 hodi husu ba Suharto nia rejime invade Timor. Tanba sa maka ema traidor ida ne’e hetan kondekorasaun, tanba hanesan nia hahalok maka Timor-Oan rihun ba rihun mate durante invazaun Indonesia nian. Hau konkorda ho rekonsiliasaun maibe rekonsiliasaun hamutuk ho justisa, se lae imi goza deit ho povu nia terus no povu nia luta hodi hetan independensia.
Quo Vadis, Horta?
Espera ke insidente triste ida ne’e iha Fatima bele hader ita nia ukun nain hodi fo’o tulun ba ita nia joven ke emigra ba rai liur hodi sira hetan susessu iha sira nia jornada hodi buka moris diak iha rai seluk.
Ramos-Hora ó ba buka solusaun ba ita nia joven sira iha Portugal laos koalia deit hasoru sira, ó labele uza deit estatuto aman nasau hodi hetan privilegios ba ó nia aan rasik.
Moe oituan ba pá!!!!!
Sem comentários:
Enviar um comentário
Nota: só um membro deste blogue pode publicar um comentário.