PR Timor-Oan husu “justisa maka’as” ba responsável sira ba omisídiu iha Fátima

RTP em Português - Tradução para Tetun de Timor Hau Nian Doben

Prezidente Timor-Leste nian, José Ramos-Horta, husu ohin deskulpa ba povu Portugés kona ba incidente ne'ebé akontese iha Fátima, ne'ebé kauza ema ida mate, no husu ba justisa tenki "maka’as" ba responsável sira ne'ebé komete omisídiu.

"Hau nudar Timor-Oan no nudar Prezidente husu deskulpa ba amigu no irmaun Portugés sira tanba distúrbius kauzados ", dehan Chefe Estadu Timor-Oan ba Lusa no nia fó hanoi katak  Portugal nasaun ida husi nasaun balun  ho laran di'ak nomos seguru liu iha mundu.

José Ramos-Horta mos propoin katak vistu hosi ema sira ne'ebé envolve iha problema ida ne'e tenki kansela no deporta sira ba Timor-Leste.

Dezenas joven Timor-Oan ke alegadamente pertense ba grupu artes marciais rua  involve iha konflitu iha Fátima, iha Domingu, ne'ebé rezulta iha  ema ida  mate no ema haat kanek.

Ami husik kestaun ida ne’e  ba justisa Portuguesa no espera katak justisa sei maka’as. Sira ne'ebé viola lei imigrasaun Portuguesa, viola tan lei portuguesa seluk ne'ebé proíbe violénsia ho natureza hanesan ida ne’e, nune’e  tenki hetan punisaun  tuir lei Portuguesa", hateten tan  laureadu ho Nobel da Paz.

"Por ezemplu, responsável sira ba kazu omisidiu tenki kumpri pena ne'ebé  tuir desizaun judisial portugues nian. Ami la sei fo apoiu ba ema aat sira ne'e", enfatiza Chefe Estadu Timor-Oan.

Prezidente Timor-Leste dehan katak numeru ema Timor ne'ebé "halo perturbasaun kiik liu", kompara ho ema Timor ne'ebé moris iha rai liur no ne'ebé sira konesidu.

"Sira pertense ba grupu rua arti marsial, ne'ebé iha record aat liu iha Timor-Leste, bainhira iha konflitu entre sira, PSHT no 77 sempre envolvido no foin mai tan grupu 22, sira maka laiha lideransa forte, ka iha divizaun iha lideransa iha nivel organizasaun", esplika José Ramos-Horta.