Timor Post- Beatriz Belo & Hermenegildo Da C. Tilman
DILI, (Timorpost.com)—Prezidente Repúblika (PR), Jose Ramos Horta hasoru malu ho Ministra Justisa Portugal, Rita Alarcão Júdice husu halo proseu investigasaun rigorozu ba Timoroan ne’ebe halo krime iha Portugal.
“Ha’u deskonfia iha ema balun iha kotuk ba kazu Timoroan iha Fatima-Portugal tanba ne’e, husu ba Polisia Judisiriu Portugal atu halo investigasaun rigorozu ba aktu ida ne’e”, dehan PR Horta hafoin hala’o enkotru ho Jornalista destakadu sira iha Palásiu Prezidensiál Bairu-Pite, Sesta (07/06).
Xefe estadu ne’e hatete, problema entre jovem iha Portugal, laos primeira vez, hahu kedas antes de independensia, kuandu grupu sira halai husi seluk embaixada depois ba Portugal, sempre halo problema, hanesan iha Inglatera dala problema sira hanesan nee akontese.
“Ha’u espera katak lei Portugues rigoruzu investiga, se mak iha kotuk, depois hau hare komentariu balun iha media, parese ke, politiza buat ne’e, maneira nia hakerek ne’e, hanesan pertensia ba ema partidu ruma ne’ebe laos partidu iha governu.
Xefe estadu ne’e hateten, nia parte hatete ida ne’e,tanba maneira kuandu sira halo komentariu iha media sosil ne’e, bele hatene se mak iha kotuk, tanba ne’e polisia judisiriu Portugál halo investigasaun daudaun.
“Tanba ne’e, Portugal estadu de direitu funsiona, sira infrenta dezafiu oin-oin iha, no ita sei hatene elementu kriminozu sira ne’e, se maka manipula sira no se maka haruka sira ba buka problema iha Fatima, ida ne’e hare planeadu,” nia akresenta.
Sem comentários:
Enviar um comentário
Nota: só um membro deste blogue pode publicar um comentário.