Ministra Justisa afirma katak Timor-Oan sira "benvindu" iha Portugal

Lusa - Tradução para Tetun de Timor Hau Nian Doben

Díli, 07 jun 2014 (Lusa) -Ministra Justisa, Rita Alarcão Júdice, afirma ohin katak ema Timor-Oan sira "benvindu" iha Portugal" no hatete katak konflitu ne'ebé akontese iha Fátima sei trata tiha hanesan "insidente ne'ebé akontese", independentemente husi nasaun ne’ebe deit.

Ministra ne'e, durante vizita iha Dili, jornalista Timor-Oan sira kestiona nia kona ba  lejizlasaun imigrasaun foun, ne'ebé Portugal adopta , se iha ligasaun ho akontesimentu sira iha Fátima entre grupu Timor-Oan sira, Ministra assegura katak la'e, no esplika katak mudansa ina ne’e planu kleur ona.

"Mudansa ba lejislasaun imigrante laiha relasaun ho konflitu ho Timor-Oan sira. Ne'e situasaun ne'ebé planu kleur ona, tanba Governu sempre deklara katak hakarak iha polítika imigrasaun humanista, ne'ebé bele simu ema hotu ke to’o iha Portugal no bele fó kondisaun sira nia integrasaun," hatete Ministra Justisa.

"Laiha relasaun ida, Timor-oan sira "benvindu" iha Portugal," Ministra hatete tan.

Rita Alarcão Júdice, ne'ebé to’o iha Dili ohin ba halo vizita ida , ke remata iha Domingu, koalia ba jornalista sira hafoin hetan enkontru ho Presidente Timor-Oan, José Ramos-Horta.

Dezenas joven Timor-Oan ke alegadamente  pertense ba grupu artes marciais rua  involve iha konflitu iha Fátima, iha Domingu, ne'ebé rezulta iha  ema ida  mate no ema haat kanek.

Akontesimentu ida ne’e  ne'e koinsidi ho promulgasaun husi Prezidente Marcelo Rebelo de Sousa ba lejislasaun imigrasaun foun husi Portugal, ne'ebé halo Timor-Oan sira halo espekulasaun katak  lejizlasaun foun ida ne’e iha ligasaun ho akontesimentu sira iha Fátima.

"Situasaun ne'e sei iha investigasaun husi Polísia Judisiária no sei trata iha tribunais, sei tuir dalan normal nia laran, hanesan akontesimentu kualker ke  akontese ho joven sira husi nasionalidade ne’ebe deit," esplika Ministra Justisa.

Molok enkontru ho Xefe Estadu, Ministra halo enkontru ho Primeiru-Ministru, Xanana Gusmão.

Xefe Governu Timor-Oan hatete, iha tétum, katak durante enkontru sira koalia kona ba reforma iha seitor no fó hatene katak primeira vizita ba Timor-Leste  hosi  membru Governu foun Portugal nian.

"Governu Portugal hetan posse recentemente. Ministra Justisa mai atu hatudu katak Portugal iha kompromisu forte ho Timor-Leste. Nesessidade saida deit ne'ebé ita iha iha termus kooperasauni Portugal sei tulun Timor. Ami koalia liu kona-ba reforma justisa," Xanana Gusmão hatete, iha final enkontru.

Primeiru-Ministru Timor-Oan adianta katak tuir planu atui asina akordu entre Ministru Portugal no Timor-Oan, maibé la akontese"tanba kuestões balun ne'ebé pendente".

"Ministru Justisa Timor-Oan, Sérgio Hornay, sei ba Portugal atu asina akordu," Xanana Gusmão hatete.

Deslokasaun Ministra Justisa ba Timor-Leste mós inkuadra iha kontestu  selebrasaun Dia Portugal, Camões e das Komunidades, ne'ebé sei assinala iha Dili no Sabadu iha Liquiçá.