Fretilin husu ba Governu Timor-Leste hodi koopera ho Portugal iha legalizasaun hosi imigrante sira

Lusa em Português- Tradução para o Tetum de Timor Hau Nian Doben

Díli, 11 jun 2024 (Lusa) – Frente Revolusionária Timor-Leste Independente (Fretilin), partidu prinsipal ida iha opozisaun, husu ohin ba Governu atu koopera ho Portugal relasiona ba  lei foun imigrasaun hodi ajuda sidadaun  Timoroan atu respeita regra sira.

“Ho alterasaun ida ne’e iha regras imigrasaun, regime exesionál la iha tan. Signifika katak ema estranjeiru ida, inklui mos sidadaun Timoroan sira ne’ebé hakarak servisu iha Portugal, tenke dahuluk  hetan visto (visa) no kontratu servisu, ne’ebé prosesa iha konsuladu portuges,” dehan deputada Nurima Alkatiri iha intervensaun ida iha Parlamentu Nasional.

Deputada Fretilin hanoin fali katak iha Portugal besik 5.000 imigrantes Timoroan moris iha ne’eba “balun hetan servisu ka  buka servisu” no parte boot ida iha situasaun ilegal.

“Lei foun ida ne’e bele fo impaktu ba sidadaun Timoroan ne’ebé iha situasaun ilegal,” dehan Nurima Alkatiri, no nia sublinha  katak sira bele hetan deportasaun.

Autoridade portuguesa sira  termina ona “regime exesionál,” ne’ebé iha Planuba Migrasaun hosi Governu portugues, ne’ebé “ permiti entrada ida ke laiha regras “.

Portugal no Timor-Leste assina iha Outubru memorandu entendimentu kona ba Mobilidade Laboral ho objetivu atu fasilita imigrasaun legal hosi trabalhadór Timoroan  ba teritoriu portugés, hodi asegura sira nia direitu laboral no proteksaun sosial.

Tuir Censos 2022 Timor-Leste principal  destinu  ba  emigrantes Timoroan sira  maka nasau neen hanesan tuir mai: Reino Unido, Irlanda, Coreia do Sul, Austrália, Indonésia no Portugal.