Somotxo, Rui Araújo no Osório Florindo ema traidor, serbisu ba Xanana hodi destroi Fretilin

Lita Mendonça

Kamarada Somotxo, Rui Araújo, Osório Florindo ema traidor sira halo serbisu ba Xanana no  Partidu CNRT, inklui mos kamarada Rogerio  Lobato no ida ne’e bele sai problema boot ida tanba sira  halo jogada Xanana nian hodi afasta povu husi problema Naktuka.

Sira hakarak desvia atensaun povu nian hodi taka Fretilin nia pozisaun ba kazu Naktuka tanba povu agora preokupa tebes ho kazu ida ne’e no sira mai halo politika barato liu,  petisaun tun sae hodi desvia povu ba problema boot ida ke Mau Xanana kria iha Oekussi ne’eba.

Hanesa ema politiku, sira  la serve no laiha kapasidade analiza ba situasaun Rai laran,  sira laiha sensibilidade ba situasaun Rai laran.  Ita la hatene tanba saida mak CNRT entrega  Rai Naktuka  ba Indonesia, devia hamutuk ho povu hodi hasoru situasaun nee, agora ema nain 3 nee ba halo fali Serbisu kontra opiniaun, nee ita atu bolu saida? Sira hanoin deit mak kargu, hanoin deit mak projeto, ema hanesan ne’e Timor Lorosae la presiza sira atu ukun ita.

Parese iha sira nia hanoin mak remodelasaun no petisaun deit..saida deit Ssra temki halo, nunee opozisaun Fretilin, karik iha kongresso extra ordinario, Sira mak eleito e sira mak ba hamutuk ho CNRT, baratu liu. Ema traidor maka hanoi  halo aat ba partidu istoriku Fretilin. Sira sai fali ema petisionariu, ema kontra, ema traidor. Sira hakarak destroi Fretilin hodi satisfaz sira nia patraun Xanana, sira bele mehi nafatin.

Komunidade  Naktuka lakon to-os,n atar no ema nain tolu ne’e la hanoin liu, hanoin deit mak kargo.  Kamarada Mari no Lu Se deit bele ba troka, maibe atu troka kamarada nain rua ne’e tenki tuir dalan organizasaun nian, laos tur tur ba troka ona. Sira laiha sentidu estadu sira sai duni cavalo mandadu Xanana nian.

 Kamarada nain tolu ne’e matan mihis ba kargu iha remodelasau no Naktula mak sai sasukat no sasin ba sira nia ambisaun. Ema ambisozu laiha patriotismo no domin ba povu ida ne’e sira buka maka kadeira hodi satisfaz sira nia ambisaun, sira nia intresa boot liu povu nian.

Para ona ho imi nia ambisaun aat, para ona ho kongressu, petisaun no kria instabilidade iha rai laran, hakarak ukun Fretilin entaun hein kongressu maka imi halo lista/petisaun ida maine povu la fiar liu ema traidor hanesan imi,buka diak ba imi nia aan rasik.

Imi sai ona hosi Fretilin, sai deit, ami la presiza ema traidor hanesan imi, aat liu tan imi la hanoin ho imi nia kakutak rasik, imi tuir deit imi nia patraun Xanana Gusmao. 

Imi traidor dala rua, trai povu no trai partidu Fretilin!