Maun Lere monu iha grupu petisionario, Somotxo, Araújo no Florindo nia lasu

Lita Mendonça

Horiseik hau lee iha media katak Maun Lere dehan ke nia konkorda ho petisionario sira, Somotxo, Rui Araujo no Osorio Florindo sira  nia petisaun hodi halo kongresso nasional ida hodi troka Maun Lu no Maun Alkatiri.

Kuidadu Maun Lere keta monu iha petisionario sira nia lasu, sira buka maka kadeira no hakarak hamonu Fretilin tanba sira ema traidor ba Fretilin no servisu ba partidu CNRT nomos ba Maun Xanana.

Jornal STL hakerek:” “Hau aseita ho karta petisaun ne’ebe membru CCF balun tau kestaun atu reforma estrutura, tanba ita haree partidu FRETILIN nee partidu istoriku ida, maibe tanba saida sempre derota ba kada eleisaun, entaun ita tenke halo mudansa politika,” hatete Jeneral Reformadu Lere Anan Timur ba jornalista sira iha Quartel Jeral, Fatuhada, Dili, Sesta (02/02/2024).”

Maun Lere tempo kleur halo serbisu Militar,foin maka fila ba Maun nia uma Fretilin,  la bele halo deklarasaun ba media hanesan ne’e,  tanba petisionario nain tolu ne’e sira hakarak kongresso extra ordinario  maibe militante Fretilin la fo’o ona fiar ba sira iha kongressu liu ba. Sira nia liafuan kongressu, hatun lideransa no hatun partidu historiku ida ne’e, sira nia atuasaun hanesan ema frustradu fali. Foin lais sira ba husu militante partidu seluk nia assinatura, ami hatene ida nee. Kuitadu..

Petisionario sira ne’e sira moe laiha duni, sira hetan previlizio boot iha Fretilin, Osorio Florindo tinan 15 sai membrus Parlamento, no Secretario Estado, Rui Araujo simu knar Primeiro Ministro, Somotxo sai deputadu no membrus do Governo, kompletamente simu tan osan pensanun vitalisia, sira  abandona CCF  ho tempo kleur, sira harii ikipa dinamizador hodi kompete iha kongresso liuba no sira la hetan apoio, no sira husu resigna an hosimMembrus CCF, e  agora sira sai deit militante, iha partidu nia laran sira laiha forsa ka poder desizaun nian, tanba sa maka sira hakarak beibeik halo revolusaun iha Fretilin nia laran? Kria instabilidade, klaru. Agora mos sira hari tan Grupu Petisionario, sira hakarak buat barak maibe sira laiha domin ba partidu, merese bolu saida ita lahatene…

MAUN LERE NEBE AMI HADOMI NO RESPEITO

Maun Lere nia deklarasaun hafraku lideransa Fretilin nomos partidu Fretilin, maibe ita hotu se basa rein to-os.

Maun Lere labele halo petisionario sira nia  jogada foer hodi destroi Fretilin,Maun Lere temki hamutuk  Maun Mari No Lu Olo hodi sai opozisaun,  laos halo opozisaun ba malu.

Opozisaun nebe  forte hasoru governu Maun Xanana nian,  se ita la kontrola Maun Xanana nia governu ho diak, Maun Xanana nia ema sira,  otonomista nebe hale-u Maun Xanana mak  se lori  nasaun doben ba desgrasa karik imi funu malu iha Fretilin nia laran. 

Iha  politika laiha inimigo maibe ohin loron iha Timor Lorosae ita iha duni inimigo barak, otonomistas, traidores no ema inkompetente maka ukun ita, hodi hamonu ita nia luta hasoru Indonezia, ema ke ukun ita agora  sira neo-colonizadores, sira ukun ba sira nia aan rasik no halo esplorasaun ba povu.

Maun Lere, haree deit petisionario Rui Araújo, ema nia aman ida ne’e nia mediku, krizi boot aimoruk, ema barak mate tanba laiha aimoruk, maibe petisionario ida ne’e nia preokupa deit ho petisaun hodi halo kongressu hodi hamonu Maun Lu no Maun Mari. Ne’e hatudu lolos ninia karakter aat no katak nia hamoorok deit ba kadeira.

Petisionariu nain tolu ne’e laiha sentidu Estadu ka domin ba povu Maubere liu ba partidu historiku Fretilin,Sira dehan hadi'a Fretilin, liafuan hadia  nee lia falun kee sira subar Hela sira nia intrese, sira buka deit diak ba sira nia aan rasik, tanba ne’e Maun Lere diak liu hasees aan hosi sira, tanba sira hanesan ema politiku sira falha ona no sira agora sai deit petisionariu frustradu, militante Fretilin la fiar liu sira, sira hanesan ema marjinal iha Fretilin nia laran.

Maibe karik Maun Lere hakarak ba ho sira karik imi bele harii PARTIDU FOUN hodi nune’e bele halo petisaun nomos kongressu tuir imi nia hakarak. Petisionario nain tolu ne’e lakon ema hotu nia tempu halo atividades hasoru Fretilin, sira la brani harii partido ida ka? Karik nune’e duni, karik sira hatene ona katak militante Fretilin nian no povu sei la fiar liu petisionario sira ne’e… 

Loron ida Fretilin sei presiza duni troka lideransa, maibe tuir regras partido nian no vontade militante sira, laos tuir  petisionario sira nia hakarak ka sira nia petisaun, ema sira ne’e moe laiha duni, hakarak ukun ema nia partidu maibe lejitimidade laiha, diak liu imi para ho imi nia surat-tahan aat ne’e , ema nein interessado ho imi nia lixu.

Fretilin la presiza lideransa hanesan Somotxo, Rui Araújo ka Osorio Florindo, ema sira ne’e hanesan lolos Maun Xanana, sira fahe hodi ukun. Fretilin presiza ema ida hanesan Maun Taur, ema ke ukun ita nia rai ho kompetensia, onestidade no domin, ema hanesan TMR maka bele sai lideransa diak hodi hamutuk ho Maun Mari no Maun Lu Olo, atu lori hanoin diak ba partidu Fretilin no rai doben Timor Leste. To’o ona tempo Maun Taur fila ba nia uma Fretilin, tanba partidu ida ne’e presiza duni ema hanesan Maun Taur.

Tuir lolos imi temki hamutuk ba bolu Maun Taur no nia alin sira hodi fila mai Fretilin, laos ba hafahe malu.

Maun Lere monu iha grupu petisionario Somotxo,  Araújo no Florindo nia lasu.