Deskonfia Hatama Ai-moruk Ilegál PNTL Detein Jerente Farmasia Moris Foun

Timor Post - Jaime Pires & Liduway Xavier

DILI (timorpost.com)- PNTL liuhosi Polísia Nasionál Servisu Investigasaun Kriminál (PNSIK), halo buska no aprensaun ba Klínika Moris Foun, ih Kolmera inklui kaptura Diretór ho estaf na’in rua.

PNTL halo buska no aprensaun ba Farmasia Moris Foun, inklui kaptura Diretór Farmasia ho nia jerente na’in rua seluk tanba deskonfia hatama ai-moruk ilegál.

Nune’e Polisia Nasionál Timor-Leste (PNTL), liuhusi Komandu Jerál, husu mandadu buska iha domisiliariu ba Farmasia Moris Foun, hodi Prende sasan no halo detensaun jerente na’in tolu.

Iha ne’ebé iha loron Kuarta Feira (21/02), loraik ne’e PNSIK halo kedas kapturasa, ba jerente na’in-3, no ohin dadeer halo buska domesiliáriu no prende sasán iha farmásia Kolmera.

Durante madadu buska domisiliáriu ne’e PNSIK Prende ai-moruk, kuaze liu Aitem (6), inklui ho brankas ida, enkuantu aimoruk deskonfia ilegál sira ne’e deskonfia públiku konsumu tiha ona.

La’ós ida ne’e de’it PNSIK mós sei kontinua ba halo buska domesiliariu ba no Prende tan Kontetor Farmasia Moris Foun nian iha Tibar, depois han meudia nia remata.

Hafoin halo buska domisiliariu, Prende sasan no halo kapturasaun, evidensia hirak ne’e lori hotu ba rai iha edifísiu PNSIK Kaikoli, hodi sai hanesan evidensia nune’e suapeita ba jerente na’in tolu Farmasia Moris Foun, ne’ebé deskonfia hatama ai-moruk ilegál ba Tribunal Distrital Dili.

Enkuantu jerente na’in tolu ne’ebé mak PNSIK kamputura ne’e ho naran inisial, J, DI no HDC, hodi lori ba detein iha sela detensaun Komandu Munisipiu Dili.

Komandu Jerál PNTL, liuhusi Polisia Nasionál Servisu Investigasaun Kriminál Nasionál, ezekuta mandatu Tribunal judisial primeiru instansi Dili, ho numeru nuc 0350/23. PNSIK.(*)