Defeza Kalohan Lamenta Prezidente Repúblika La Respeita Dignidade Umana

Timor Post- Beatriz Belo Editor & Liduway Xavier

DILI, (timorpost.com) – Representa ekipa defeza kondenadu, António da Conceição ‘Kalohan’, Advogadu, Arlindo Dias Sanches, lamenta ho desizaun Prezidente Repúblika (PR), José Ramos Horta, nian ne’ebé halo ezonerasa ba António da Conceição ‘Kalohan’ husi Embaixadór Estraordináriu no Plenipotensiáriu ba Rebuplika Indonézia, la respeita ba dignidade umana.

Tanba ne’e, ohin (21/02) ekipa defeza ba kondenadu Kalohan realiza konferénsia ba imprensa hodi hatán ba dekretu Prezidente Repúblika ho númeru 14/2024 Feveréiru 2024 kona-ba ezonerasaun ba António da Conceição ‘Kalohan’.

“Bazeia ba KRDTL artigu 87 pontu B, Presidente Repúblika iha kompeténsia atu nomea no hasai embaixadór maibé ezonarasaun ba señor António da Conceinção laiha razaun jurídiku ba desijaun Tribunál Primeira Intánsia ne’ebé maka kondena tinan 5 ba señor António da Conceição”, dehan Arlindo Dias Sanches, ba jornalista sira liuhosi konferensia ba impresa iha sira-nia edifísiu Advogadu, Bidau, Kuarta, (21/02).

Nia hatutan, haree ba dakretu Presidente Repúblika númeru 14/2024 de Fevereiru 2024, ba ezonerasaun señor António da Conceição husi Embaixadór Estraordináriu no Plenipotensiáriu ba Repúblika Indonézia laiha rajaun polítiku no rajaun jurídiku.

Tanba ne’e, Sai pergunta ba advogadu husi António da Conceição mak hanesan tuir mai:

1. Governu no Presidente Repúblika hatene ka lae señor António da Conceição sei iha prosesu judisiáriu nia-laran maibé nomeia.

2. Governu no Presidente Repúblika hatene ka lae konsekuénsia husi prosesu judisiáriu iha tribunál.

Nia hatutan, prinsipu lei kona-ba kondenadu; desizaun Tribunal Primeira Instánsia vale iha loron 30 nia-laran bainhira iha rekrusu husi parte ida mak estatutu nu’udar kondenadu laiha ona estatutu fila-fali ba arguidu, ne’e mak prinsípu de lei Presumption of Innocence ba señor António da Conceição tanba desizaun tribunál seidauk tranzitu em julgadu.

Rekursu husi señor António da Conceição rejistu ona iha Tribunál Primeira Intánsia iha loron 1 Fevereiru 2024, Maka iha data refere estatutu señor António da Conceinção kondenadu ona maibé la’os ona nu’udar arguidu.

Sai perguntas nu’udar advogadu ba señor António da Conceição maka;

“Antes señor António da Conceição hetan nomeasaun ba Embaixadór Estraordináriu no Plenipotensiáriu ba Rebúplika Indonézia status arguidu. Depois advogadu hatama rekrusu estatutu Sr. António da Conceição, diferente ne’e iha ne’ebé?”,Advogadu ne’e kestiona.

Baze ba fatu no prosesu tuir kódigu penál maka nu’udar advogadu ba António da Conceição katak;

1. PresidenteRepúblikalaihakuiñesimentubaleipenálnoprosesuáltuirkódigupenál

2. Presidente Repúblika laiha kuiñesimentu di’ak kona-ba konsekuénsia husi prosesu iha

tribunál.

3. Presidente Repúblika abuzu puder no la respeitu dignidade humanu señor António da

Conceição, ikus liu

4. PresidenteRepúblika la respeitu prinsípu Presumption of Innocence.(*)