Xanana no Ramos-Horta moras mental todan, diak liu ba deskansa

Maubere Tuba Rai Metin

Bainhira Ramos-Horta no Xanana halo kampana atu lohi povu hodi sira tur iha kadeira atu hanehan dala ida tan Povu Maubere, sira rua hakilar katak sira sei halo repozisaun ba orden konstitusional no sei halo reforma ba sistema justisa nian…Bosok maka barak!

Mai ita analiza komportamentu buatamak nain rua ne'e hasoru Povu Maubere nomos hasoru justisa...

Buatamak nain rua ne’e moe laiha duni no  bosok povu tanba sira nia ajenda maka uja povu hodi  hetan sira nia objektivus hodi foo previlejiu ba sira nia familia nomos sira nia belun sira. Ida maka eis ministra Finansas nian, Emilia Pires. Horta no Xanana hamutuk planeia hodi fo’o indultu ba Emilia tanba Emilia sira rua nia belun boot nomos hatene sassan barak ke karik sira rua lakohi nia foo sai ba publiku. Buatamak sira ne’e viola Konstituisaun, viola Kodigu Penal tan deit hakarak fo’o indultu ba Emilia Pires. Ehhhhh...

Emilia halai ba Portugal la hatan iha tribunal, la kumpre pena, nia fujitiva ida hosi justisa, la hetan requizitus hosi lei hodi hetan indultu maibe buatamak nain rua hanoin katak sira boot liu lei no fo’o indultu ba Emilia fujitiva. Sira halo lei lalais hodi Xanana nia TBO foun (Horta) fo’o indulto ba Emilia. Imi moe laiha duni, imi maka nain ba rai doben ida ne’e ka? 

Asu han tiha ona imi nia moe, imi moras mental todan, diak liu ba deskansa tanba povu la hetan benefisiu nein ida ho imi nia ukun sabraut ne’e.

Loron rua liu ba Xanana hakilar ba jornalista feto ida, hakilar hanesan ema bulak, ignorante nomos ema ida ke tauk KAK, Xanana hanesan ditador ida, nia halo moe povu nia luta, halo moe ita nia matebian ke mate hodi Timor Lorosae hetan independensia, ditador ida ne’e la serve ba ukun ita nia rai, nia moras mental todan ona, diak liu haruka nia ba kuda lakeru.

Bainhira nia hakilar, Xanana nia TBO foun (Horta) ke hetan Premiu Nobel Pas nian, nia nonok deit, la dehan buat nein ida bainhira Xanana hakilar nonok ba feto jornalista ida, imi gosta kontrola media, los ka lae? Lae, imi gosta kontrola buat hotu ho imi nia ditador nia maneira. 

Xanana mos hakilar ba deputada Fretilin ida no bolu nia “estupida” tan deit dehan buat ruma ke nia la konkorda, maibe Xanana maka ESTUPIDO, IGNORANTE NO DITADOR ida tanba la hatene respeita ema ida nia opiniaun. Moe laiha, katuas ona maibe sei iha komportamentu hanesan labarik estupido beikteen ida. 

Imi la moe ka?

Imi kalan toba la sente katak povu doben ne’e fo’o konfiansa ba imi ukun hodi sira hetan moris diak? Imi, imi nia familia no imi nia belun sira maka goza mesak Timor Oan nia riku soin? Imi nain rua Timor nia heroi boot rezistensia nian, no imi sei trata, trai no hanehan povu doben, tanba sa?  Karik tanba imi moras mental todan, diak liu ba deskansa, imi nia tinan mos boot ona, demensia karik ataka ona imi nia kakutak tanba ne’e maka imi nia komportamentu la normal ona. 

Ba deskansa ba…

Natal imi hasai povu $200 ke Governu Taur Matan Ruak fo’o ba povu no povu susar tebes tanba presu sasan baziku sae, maibe imi nain rua goza duni, halo festa boot, hemo champanhe no han diak tebes no depois Xanana ba fo’o modo ba povu aileba sira. Ehhhhhhh, imi nain rua moe laiha duni. 

Enkuanto Xanana nia TBO foun preokupa ho prezepio povu kiik mate tanba aimorok laiha tanba ministra saude asu inan boot ida ke la hatene ukun no povu mate tanba asu inan ida ne’e ema aat no inkompetente, devia tau asu inan ida ne’e iha kadeia nia laran tanba nia koko oho povu tanba nia inkompetensia.

Saida tan maka imi ba halo hasoru povu ida ne’e?

Imi moras mental todan, diak liu ba deskansa...