Tempotimor (Dili)-Governu dasia ne’ebé lidera husi Primeiru Ministru (PM), Xanana Gusmão prepara ona planu no promete séi halo auditoria ba prosesu sosa Ró Haksolok.
Tanba Ró ne’e ho folin ne’ebé karun tebes no proseu ho tempu naruk ona, maibé sidauk lori mai Timor- Leste.
Halo mós auditoria ba atividade sira ne’ebé durante ne’e la’o iha Rejiaun Administrativu Espesiál Oekussi Ambenu (RAEOA) no Zona Espesiál Ekonomia Merkadu Sosiál (ZEEMS).
“Revoga Lei númeru 3/2014 ne’ebé kria RAEOA ho ZEEMS atu subordina fali autoridade RAEOA nian ba kontru ida ne’ebé di’ak liu husi governu sentral, tanba objetivu ne’ebé hakerek iha lei ne’e, ba kriasaun ZEEMS la mosu, la hakerek, nein ituan, apezar de tinan 9 ona no halo kedas auditoria ba tividade hotu-hotu ne’ebé hala’o iha ne’eba inklui mós prosesu akizasaun ka sosa Ró Haksolok ne’ebé karun tebes”, dehan Xanana iha ninia diskursu hafoin simu pose iha palásiu prezidensiál, Bairo Pite, sábadu (01/07).
Auditoria ba prosesu Ró Haksolok ne’e prioridade ida ba Governu dasia, ne’ebé lidera husi Primeiru Ministru, Xanana Gusmão. (*)
Sem comentários:
Enviar um comentário
Nota: só um membro deste blogue pode publicar um comentário.