Ramos-Horta laiha fuan, ema falsu, la preocupa ho povu nia terus, hakarak maka rona musika iha Facebook

Maubere Tuba Rai Metin

Horseik kalan senhor Maubere Fretilin bolu ami nia atensaun hodi ba haree Prezidenti Ramos-Horta nia Facebook tanba  enquantu povu terus barak tanba inundasaun, Ramos-Horta la halo publikasaun nein ida kona ba situasaun nia povu iha territoriu tomak.

Ramos-Horta hasai tiha ona publikasaun muzika nian hosi nia Facebook maibe ami iha foto hosi publikasaun refere iha leten. Ema ne’e moe laiha duni. Labarik nain hat lakon tanba bee iha mota sai no nia hakarak rona muzika? Fuan laiha duni, imi nia fuan malirin ona ka fuan laiha? Uza mos labarik ba sira nia ajenda politika, imi hanoin ami la hatene imi nia jogada foer? Ami laos beik.

Sr. Maubere Fretilin husu ba Senhor Prezidenti: Povu terus makas tanba inundasaun no ita boot tau muzika? Sa Prezidenti maka halo ida ne’e? 

Resposta simples tebes, Sr. Maubere Fretilin!

Ramos-Horta uza povu tuir nia ajenda, tanba sa  preokupa ho povu   se nia hetan ona kadeira iha Palasiu Prezidensia, tanba sa preokupa ho povu se nia la presiza ona povu nia votu. Ema ne’e ema ida ke  laiha fuan, ema falsu, la preocupa ho povu nia terus, hakarak maka rona musica deit , no hetan diak ba sira nia aan rasik. 

Primeiru Ministru mos hanesan Ramos Horta, uluk nia dehan katak tempu siak Taur Matan Ruak tanba lakohi TMR ukun ita, no tempu ida ne’eba nia sai atu hamutuk ho povu  atu halo “Banana Show” maibe agora ke tur ona iha kadeira Primeiru Ministru nia haruka ema seluk ba besik povu, Maubere Oan sei la haree Xanana nia klamar, nia  tur iha AC hanoin halo nusá  assalta Kofre Estadu hamutuk ho ninia asulear sira.

Se maka vota ba Xanana maka sei terus tebes, maibe imi rasik maka tau sira rua hodi ukun ita, ne’ebe tur deit no terus nafatin, atu halo tan saída los ka lae?

Xanana hanesan “Salvador da Pátria” tanba sa la besik povu no fo’o tulun diretamente ba sira? Hetan ona kadeira los ka lae? Imi halo hau muta. 

Hanesan hau belun ida dehan horseik: “ Hitler (Xanana) bele uza povu tuir nia hakarak, maibe saudozu sira sei julga nia”. Ironiku maka loron rua deit Xanana ukun no natureza siak tebes  ona nia nomos nia asulear sira ke toma posse sabadu liu ba. 

Diak liu imi rua ba reza no halo hanesan uluk, ba besik povu no foo tulun diretamente ba sira. Karik imi la ba, ne’e hatudu momos katak imi ema oportunista boot uza deit povu doben no rai doben ba imi nia intrese rasik. 

OPORTUNISTAS!