Maun Xanana hahu ona manobra politika hodi lohi no hanehan Povu Maubere?

Hosi: Manuel Soares

   

POVU DEVE KORUPTOR EMILIA PIRES KA KORUPTOR MAK DEVE EMILIA PIRES? 

Deklarasaun Primeiro-Ministro IX Governo nian, hanesa los malaikat ba eis Ministra Finanças Emília Pires.

Ironia mak uluk Xanana dehan Amu Dasback la halo pekadu hasoru labarik feto minoridade, ikus mai eis Padre Dasback simu Pena prizaun. Tebes duni ida terbalik ona, EMA SALA SAI BA LOS-EMA LOS SIRA LORI BA HALO MATE, Ida nee Ita atu dehan saida, desrespeito ba inan feto sai moral foun iha Ita Rai.

 Quo vadis moral politik ita rai?  Ita lakon ona moral politik, lakon moral justica, Ita lakon moral religiosa tanba Religioso sira hakmatek e nonok.  Intelektual sira cobarde tanba tauk, opozisaun hanesa orgaun legal mos hili dalan silencio, Ita la hatene, Timor nee atu lori ba nebe??? 

Teki teki Maun Boot Xanana deklara" Povu Timor deve Emília Pires" koruptor mak debe nia, HAU MANUEL SOARES la debe buat nein ida ba Emília Pires" 

Hau laiha serbisu, buka hahan mos araska, sosa fos la kotu, hau la debe Nia, sorte boot hau bele dasa rai hodi sustenta vida moris, sorte hau moris iha Timor, karik hau susar hau bele ba husu familia hodi tulun hau.

Povu halerik ba Justica, Povu halerik ba Moris Diak no  Maun Boot ita korajen atu deklara katak  ami mak deve fali Emilia Pires, Ida nee lalos ona. Lalos ona!

Pergunta maka nee:

Povu ba deve saida hosi Emília? Laiha buat Ida ke Emília Pires halo ba Povu ida nee!  

Empresário CNRT PD mak ba deve Emilia nee hau aseita 100 %, Maun Xanana  ba halo politik saida maka nee? Dúvidas boot!!! Liafuan nebe la tama ema nia Ulun, Projeto fahe ba malu, taka kuak ba mai, lori lakon osan billaun ba Billaun, mais ohin Maun deklara ita mak deve Emília Pires, saida maka nee? Moras mental ataca ona Maun Ka saída los? 

156 Millaun/Juta hosi 336 Juta dollares lakon iha dalan klaran, ami hanoin relatório financas nebe husik hela hosi Eis Premeiro Ministro Taur Matan Ruak ba iha kadeira manas Primeiro- Ministro foun, iha indikasaun korupto lubuk boot iha ukun IV, v to’o  VI Governo, Ukun ba da toluk nee Emilia mak kaer pasta Ministru Finanças, pagamento ilegal ba projeto ilegal, halo kofre Estado sofre konsekuensia;  osan lakon, osan mout iha mundu Balu, Timor nee mak nia osan uja ain rua, osan bele halai lakon rasik.

Ohin Xefi Governu foun deklara Povu deve Mana Emília, ida nee los ka lae? 

Ami hanoin Ida nee bosok momos los, uluk dehan ro haksolok Maun Mari mak hatene no responsabiliza, ikus mai ema hatene Maun Xanana  no Ministru Lay mak assina, serake Ida ne mak Ita bolu drama politik? 

Ita nia Rai nee nakonu ho dramator, ibun koalia seluk, kakutak halo buat seluk.

Tebes duni? Ema dehan: Ita nia povu fasil para ema lider sira lohi. Lohi Ida la diak, lohi fali ho buat seluk. 

EMILIA PIRES BELE SAI ANJU NO SANTA BA CNRT NO PD  

Ba povu Ida agora, Povu nebe sofre ba sira sia ukun tinan 15 ba kotuk Hahu 2007-2017, Alin foin sae barak la hatene situasaun  , sira rasik mak sofre, dala barak alin foin sae sira hili dalan ba serbisu iha ema nia rai.

Pergunta boot ba ita hotu, se tinan 15 ba kotuk Maun no Governante sira uja osan Estado tuir dalan los, ami hanoin Timor nia situasaun la hanesa agora, maibe Ida nee realidade, ema ba serbisu iha Korea, UK, Australia, no fatin seluk klaru laos ba debe Emilia Pires nia osan, laiha sistema ida mak dona Emilia Pires estabelese hodi fasilita ami iha tempo nia ukun. 

Laiha... laiha...Imi Mak devee malu laos ami, Ida iha mak agora nee imi mak deve ami, deve ami nia votus ba ukun, ami hein mudansa ba salario hosi 115$ por mess ba 300 $ por mês, fos nia folin sae makas, ami hein imi ba hatun masin midar, aihan seluk nebe presu sae derpenti, ami hein imi ba hatun presu nessesidade basiku hodi ami povu moris ho dignidade. 

Maun Sira Mak debe Ami Povu nee.Laiha Povu laiha Ukun Rasik Aan, realidade ida ida ne’e ita la bele haluha. 

To’o bainhira maka imi para ona bosok ida ne’e? Baihira maka Maun Xanana para ona defende ema ke maltrata povu ida ne’e? 

Povu la deve buat nein ida ba ema nein ida, as tan deve koruptor sira ke naok povu nia osan, osan povu ida ke terus no susar loron kalan hodi imi tur iha kadeira boot atu ukun deit imi nia família, belun sira no aat liu tan defende  koruuptor sira. Tanba Maun Xanana la hatene ukun no defende deit kpruptor sira  maka povu sei terus makas, sei halerik ba buat hotu.

Maun Xanana hahu ona manobra politika hodi lohi no hanehan povu Maubere? Tusan saida maka ida ne'e?

Quo Vadis, Maun Xanana?

Nota: Maun Xanana, explika took ba Povu Maubere  saida maka dokumentu sira iha mesa leten iha foto iha leten? Bele ka lae?