Governo Xanana nian despede ema atus ba atus tanba sira laos ema CNRT

Foto, Facebook

Timor Hau Nian Doben 

Tuir Timor Hau Nian Doben fonte ida, funsionariu  atus ba atus h hetan despedimento iha ministério no sekretaria Estadu hotu-hotu tanba sira ema hosi partidu opozisaun sira.

“Sira despede hosi ministério no sekretarias de Estadu hotu-hotu, laiha razaun legal, funsionarius kazuais no ajentes ne’ebe iha kontratu tinan rua, tolu no balun tinan sanulu, ne’ebe pertense ba partidu Fretilin, PLP no Khunto” nia dehan

Funsionariu balun ke hetan despedimento sira “iha konfuzaun boot” tanba sira nia kontratu seidauk hotu, balun sira nia kontratu sei validu to’o Dezembru, maibe sira  hetan despedimento no sira la hatene se sira sei simu sira nia vensimento (osan) to’o Dezembro ka lae.

“Sira ne’ebe hetan despedimento sira konfuzaun boot tanba balun assina kontratu to’o Dezembro no de repenti sira hetan despedimento no sira la hatene se sira sei  hetan osan to’o Dezembro bainhira sira nia kontratu ramata ka lae. Sira hetan despedimento tan deit sira ema Fretilin, PLP no Khunto.

Fonte ida ne’e dehan tan katak,” nia persebe katak knaar balun knaar politiku no CNRT iha direitu tomak hodi tau sira nia ema rasik, maibe laos iha situasau ida ne’e. Servisu sira ne’e baibain deit laos knaar politiku, sira (Governo) halo maka perseguisaun politika hasoru ema partidu opozisaun sira.

Ministro Administrasaun Estatal, Tomás Cabral, dehan katak nia mos hetan despedimento hosi Ramos-Horta ne’ebe funsionariu sira ne’e mos bele hetan despedimento

“Hau, Tomás Cabral, servisu ba Prezidente Ramos-Horta no hau rasik hetan despedimento, tanba sa imi labele?”, nia husu.

Iha media sosial, timor oan balun hatudu sira nia hirus kona ba despedimento sira ne’e no ema balun hahu insentiva ema sira  ke hetan despemento hodi halo manifestasaun iha Parlamento Nasional nia oin, ne’ebe bele akontese iha semana tuir mai. 

Tuir fonte ida ne’e nia dehan katak,  “ hau tauk maka Xanana Gusmão sei ukun ho nia teknica ida, nia sei dividi Timor Oan  hodi ukun. Hahu ona”.