Primeiru Ministru La Mosu lha Palásiu Prezidente

Timor Post -Reportajen: Jeremias Soares

DILI-Xefe Governu Taur Matan Ruak la mosu ba iha palasiu prezidente Ai-tarak laran, kinta Feira ohin 23/02/2023, posibilidade kansela Enkontru semanál ho Xefe Estadu José Ramos Horta.

loloos ohin Kinta (23/02), tuku 9:30, Prezidente Repúblika José Ramos Horta, enkontru regular ho Primeiru Ministru Ta’ur Matan Ruak, iha Pallasu Prezidensial, Bairru- Pité.

Maibé oras baku ba tuku 9:40 ona, Xefe Governu seidauk sama ain iha Pallasu Prezidente.

“Enkontru semanal ne’e Primeiru Ministru mak kansela”, dehan fonte husi Pallasu Prezidente ne’e.

Auzénsia PM Taur iha relsaun ho konferénsia imprensa ne’ebé iha ligasaun ho kazu Kazu Longuinhos Monteiro kona ba kazu rai kilat.

Tuir PM taur klatak, mandadu husi tribunal hetan mós intervensaun husi parte Prezidensiá Repúblika nian Xefe Kaza Militar, tanba nee Taur konsidera PR Horta abuzu podér hodi intervein Serbisu (SNI).

“Ha’u to’o iha Darwin Australia, ha’u haruka ha’u nia xefe Gabinete buka hatene saida mak akontese iha Timor...entaun ha’u hakfodak, see ida ne’e mandadu tribunal tanba saida mak Prezidente Repúblika fó fali ultimatu ba Primeiru Ministru,”

“Ha’u hanoin ida ne’e abuzu poder uitoan, prepotensia oituan husi parte Prezidente Republika, ne’ebé tuir loloos labele,” dehan hafoin bla husi Singapura iha Aerportu Internasional Nicolao Lobato, Kuarta nee (22/02).