Tribunal ohin haruka halo buska iha rezidensia Longuinhos Monteiro nian iha Díli

Timor Hau Nian Doben

Tuir ajensia Lusa , ajentes hosi Polísia Sientifica Investigasaun Kriminal (PSIC) halo ohin buska ida, ho mandato judicial, ba rezidensia Longuinhos Monteiro nian iha Díli tanba tribunal hanoin katak  buska sira seluk iha uma Longuinhos nian iha Likisa ilegal.

Fonte ida hosi ekipa defesa Longuinhos Monteiro, atual assessor ba Prezidente da Repúblika Ramos-Horta, konfirma ba Lusa katak PSIC hahu halo buskas iha Monteiro nia uma iha Díli besik 18:00 oras local.

PCIC, Servisu Nasional Intelijensia no PNTL maka halo buska iha rezidensia Longuinhos Monteiro nian iha Díli no nia hetan detensaun horseik. 

Iha sorin seluk, Tribunal Distrital Díli ohin haruka libertasaun imediata ba Longuinhos Monteiro, tanba konsidera katak buska ke autoridade halo horseik  “ilegal”.

“Há’u determina liberdade imediata ba arguido Longuinhos Monteiro, tanba ha’u considera ke detensaun ida ne’e ilegal”, refere despacho ida ke Lusa hetan.

Horseik autoridade sira halo buskas iha Longuinhos Monteiro uma iha Likisa no sira hetan kilat fogu ilegal no munisoens iha niniaa rezidensia iha Likisa maibe Monteiru dehan katak buska ida ne’e ilegal tanba laiha mandato judisial.