Ramos-Horta kontra pagamentu fulan 13º ba assessor nasional no internasional sira ke simu mais de mil dólares

Timor Hau Nian Doben

Tuir notisia ajensia portuguesa Lusa, pagamentu fulan 13º ba funsionariu publiku nakonu ho polemika depois ke governu supostamente aprova alterasaun ne’ebe esklui trabalhador sira kontratadu ne’ebe simu osan boot liu 500 dólares. 

Esklusaun ida ne’e Governu foin anunsia liu hosi komunikadu imprensa, depois de reuniaun Conselho Ministros horseik, ke refere katak sira aprova alterasaun ida ba diploma kona ba “ pagamentu estraordinariu de fulan ida de salariu adisional ba Administração Pública”.

Ministro da Presidência do Conselho de Ministros, Fidelis Magalhães, dehan ba Lusa katak proposta de alterasaun seidauk haruka ba Prezidente Ramos-Horta, Xefe Estadu simu deit ba promulga ka veta dekreto inisial, ho kariz universal.

“Diploma original haruka ona dia 17 de novembro ho proposta baibain Governu nian. Teknikamente Governu labele halo alterasaun ida bainhira diploma ida ne’e sei hela ho Prezidente da Replublika”, explika ba Lusa.

Fonte balun dehan ba Lusa katak katak alterasau ba dekretu lei tanba Ramos-Horta la konkorda ho aspetu universal medida ida ne’e no sira halo alterasaun ida ne’e maibe la halo konsulta ba Ministeriu Finansas. 

Prezidente da Republika explicou ba Lusa katak “tanba kestaun etika” nia manifesta kontra pagamento fulan 13º ba assessor nasional no internasional sira tanba sira simu salariu boot.

“Hau totalmente a favor ho 13º ba funsionariu hotu-hotu, kontratados nomos temporarius, tanba sira ema ke la manan barak. Maibe hau kontra fulan 13º ba assessor nasional no internasional sira ke simu mais de $1000”, dehan Ramos-Horta.

“Hau mos apoia se la atribui ba Prezidenre, membru governu no deputados, ami hotu manan liu $5000. Maibe hau nunka kontra ba funsionarius, ho kualkuer estatuto”, dehan.

Ministru Finansas, Rui Gomes, dehan ba Lusa katak nia konsidera katak pagamento ida ne’e tenki iha kariz universal, ne’ebe sei kontinua nafatin, no esklui dei’t assessore estranjeiru sira.

“Intensau Governu nian maka subsidiu ida ne’e universal, no la halo diskriminasaun iha traballador sira nia leet. Ne’ebe tenki atribui ba funsionariu, ajente no kontratadu sira, hanesan halo iha tinan kotuk. Traballador sira ne’ebe kontratadu husi Governu sei la compreende nusa maka traballador hotu-hotu laiha direitus hanesan”, explica. 

Iha Facebook  publikasaun balun akuza Ramos-Horta katak Prezidente halo ona veto nomos katak Xefe Estadu ameasa veto, maibe publikasaun sira ne’e hotu-hotu falsu, Horta kontra deit fo’o fulan 13º ba assessor estranjeiru nomos nasional sira ke simu liu $1000 tanba sira nia salariu boot teb-tebes.

Fonte, Lusa