"REITÓR NIA KARTA BOOT LIU LEI, PNTL ILEGALMENTE KAER MANIFESTANTE"- AMN

Aliansa Maubere Nasional - AMN - Facebook 

Kapturasaun hosi PNTL ba membru AMN nain 27 ne'ebé mak akontese tuku 11:34, iha Kampuz Sentrál UNTL (Parlamentu Nasionál oin) ne'e ilegál.

Ilegál tanba tuir lei nú. 1/2006 ko'alia kona-ba Liberdade Reuniaun no Manifestasaun iha artigu 11 númeru 1 katak Desizaun kona-ba restrisaun haktuir artigu 5.° tenke fundamenta no notifika ho hakerek ba promotór-sira, iha hela-fatin ne’ebé sira indika, iha prazu loron rua nia laran, sura hosi simu avizu hosi autoridade-sira. 

Kona-ba númeru 1 ne’e Komandante ne'ebé orienta nia membru mai kaptura manifestante, ne'e kontra tiha ona, tanba karta ne’ebé mak ita boot asina liu tiha ona loron rua kuantu mais entrega. Tuir loloos iha restrisaun ruma, ne’e komandante obrigatoriamente entrega mai AMN iha loron-31 fulan-outubru tinan-2022, laloos iha loron-4 fulan-novembru tinan-2022 hanesan ita boot entrega mai ami. 

Ho ida ne’e, ita bele ba haree klaru liu iha númeru 2 hosi artigu haktemik katak bainhira la iha notifikasaun tuir prazu ne’ebé indika ona, prezumi katak la iha objesaun ba realizasaun reuniaun ka manifestasaun. 

Ne'e katak lei fó biban ba AMN atu halo Manifestasaun iha Kampus Sentrál.

Ho ida ne'e mak AMN halo manifestasaun kontra injustisa ne'ebé mahukun kanten-sira kria. Manifestasaun ne'e hala'o iha kampuz sentrál - UNTL, hahú iha 7 novembru 2022.

Derepente Reitór UNTL haruka karta ida ho razaun absurda (tidak masuk akal)  ba PNTL hodi hapara AMN nia asaun iha Kampuz oin.

Realidade ida ne'e, atu dehan katak úniku 'Estado de Direito Democrático Timor-Leste' mak karta Reitór nian bele halakon fali lei ida ne'ebé vigór hela hodi regula Liberdade Reuniaun no Manifestasaun.

Kapturasaun la tuir lei. Kapturasaun ida ne'e AMN konsidera nu'udar aktu kriminál ilegál.

Manifestante ne'ebé mak PNTL kaer ho dalan ilegál mak:

1. Gaspar Maugamu (Kordenadór Jerál AMN);

2. Tomásia de Araújo da Costa;

3. Antero Pinto Pereira;

4. Gerónimo Gusmão;

5. Celestino M. Carvalho;

6. Nazário Pereira;

7. José Maulolo;

8. Fizai B. Guro;

9. Luzinho Soares;

10. Marçal Goncalves;

11. Adão da Costa;

12. Samuel H. I. Sanches;

13. Alnecio Falo;

14. Erik;

15. Januário;

16. Adriano;

17. Arão;

18. Paula;

19. Dário;

20. Faustino;

21. Benjamin;

22. Rosalia;

23. Omar;

24. Ryo;

25. Aluma;

26. Liborio;

27. Paul Negro.

Ho ida ne'e ami husu atu liberta ami-nia membru AMN 27 agora!

Liberta ami nia membru agora!

Viva AMN!

'A luta continua'!

Foto, AMN Facebook