PREZIDENTE PARLAMENTU NASIONAL LANU TODAN KA MORAS MENTAL?

Maubere Tuba Rai Metin

Hau lee Prezidente Parlamentu Nasional ninia deklarasaun ba lusa no hau senti revoltadu iha hau nia laran no hau hanoin hanesan ne’e: Prezidente Parlamentu Nasional lanu todan ka hetan ona moras mental? Karik rua hotu...

Deklarasaun sira Aniceto Guterres hatete ba ajensia Lusa grave tebes, ilegal no hatudu katak nia ema ditador no hakarak deit hanehan se se deit maka ba hasoru sira nia ukun sabraut. Ita nia lei la fo’o dalan hodi nia husu PNTL ba halo intervensaun hasoru estudantes no manifestantes, para ona ho ó nia hahalok ditador, Aniceto moe la iha! 

Imi dePUTAdu sira senti ofendidu tanba manifestantes bolu imi naokten? Imi naokteen duni, hatene maka naok povu nia osan hodi nakonu imi nia bolsu, foin lalais imi iha planu hodi assalta dala ida tan kofre estadu hodi hola kareta luxu ba imi nomos komputador, los ka lae? Karik hanoin ami haluha tiha ona! 

NAOKTEEN! BOSOKTEN! NAOKTEEN! BOSOKTEN! NAOKTEEN! 

Aniceto ó moe laiha duni koalia hanesan ema lanu boot ida hasoru ita nia joventude, ó haluha tiha ona katak tanba joven sira maka ó tur iha Parlamentu Nasional hodi koalia hanesan palhaço boot ida hasoru ita nia joven sira. 

Ó haluha tiha ona katak loron balun liu ba ita selebra ita nia eroi sira ke mate iha Massacre de Santa Cruz, joven sira ke fo’o sira nia aan ba mate hodi ohin loron ema aat hanesan ó iha korajen hodi hatenu hasoru ita nia joven sira ke tuir lei sira iha direitu tomak hodi halo manifestasaun. Ó nonok ho ó nia liafuan ditador tanba ó mos ema ilegal, ho tur iha kadeira prezidenti Parlamentu Nasional tanba imi assalta poder hodi hamutuk naok no hanehan Povu Maubere. 

Karik joven sira la halo barullu ba manifestasaun hasoru Indonezia rejime ita hein ó no ó nia kamarada FRETILIN 2000 sira, ita sei hein ita nia independensia. Imi agora goza loos, maibe halo merda nein ida ba luta libertasaun, imi sai fali chulo sistema nian! Moe la iha liu!

Ó bulak duni Aniceto, lei la fo’o dalan ba ó halo intervensaun ho PNTL hodi atua hasoru joven manifestante sira, hakarak halo saída? Violensia hasoru sira “ Suharto style?”, moe la iha. 

Nonok, kolonialista foun, nonok!Laiha fatin iha Timor-Leste independente ba ema oportunista hanesan ó Aniceto Guterres.

Imi tur iha AC nia laran no imi nia kakutak sai ona afetadu ho moras mental todan tebes, asu han tiha ona ó nia moe?

Ó nia hatenu maka halo barullu barak no povu xateadu ona ho ó nia bulak no sei devia halo lei foun ida hodi kaer ema ke assalta poder no sulan sira hotu iha kadeia no soe xavi ba tasi. La gosta barullu ita nia joven sira halo? Ba uma tanba imi nia servisu mos merda boot ida ne’ebe imi servisu ka lae, povu nia moris sei la troka tanba imi (asu sira) servisu deit ba imi nia aan rasik. Karik joven sira la halo barullu iha manifestasaun Santa Cruz ó sei servisu hanesan TBO ba milisia no Indonezia sira. Iha era independensia ó mos sae TBO ba Alkatiri, kala moe la iha duni.

Sorte boot maka Timor-Leste sei iha eroi foun , ita nia joventude, hodi fo’o onra ba ita nia eroi sira ke mate ba liberta ita nia rai doben, imi ke ukun, balun hanesan ema ho milisia nia ran, ida maka ó Aniceto, no imi hamoe deit ita nia eroi sira no imi nia ukun hamoe mos ita nia luta sangrenta ba libertasaun, imi aat liu asu, imi sai fali kolonialista foun iha MAUBERE NIA PÁTRIA. 

Aniceto, ó haluha tiha ona Lei Pensaun Vitalisia ke ó nia patraun Alkatiri inventa? Ida ne’e maka ilegal duni, tanba imi naok povu nia osan no povu ida ne’e moris iha kiak no mukit nia laran, bainhira maka imi moe no halakon lei imoral ida ne’e? Imi naok la halo barallu maibe Maubere Oan sira sateadu tebes ho imi nia hahalok kriminozu no imoral.

Imi mos naok millaun ba millaun ba ro’o Haksolok tanba sa la sai fali sateadu ho assuntu ida ne’e, imi naok la halimar maibe naok iha silensiu tanba la halo barullu la sateia ó, los ka lae Aniceto moe la iha? 

Tempu ona  hodi Maubere Oan Hakilar:

TO’O ONA! DEHAN LAE BA KOLONIALISMU FOUN! DEHAN LAE BA INJUSTISA!