Iha ona akordu hosi líderes ASEAN nian hodi integra Timor-Leste iha organização rejional ida ne’e

Timor Hau Nian Doben

Tuir ajensia Lusa líderes hosi Associação das Nações do Sudeste Asiático (ASEAN) hetan ona akordu ida de prisipiu hodi integra Timor-Leste iha organizasaun rejonal ida ne’e, ohin, durante simeira anual iha capital Camboja nian, Phnom Penh.

“Ami halo akordu ida, iha prinsipiu, ami ba admite Timor-Leste hanesan 11º membru ASEAN nian”, refere dekarasaun simeira ASEAN nian ne’ebe akontese iha Phnom Penh, explika ke iha tempu  tuir mai Timor-Leste sei hetan “ roteiru ho kriterius objetivos to’o partisipasaun tomak”, ida ne’e bele akontese iha simeira ida ke bele akontese iha 2023.

To’o ne’eba Timor-Leste sei hetan estatuto observador, “ bele participa iha sorumutuk hotu-hotu ASEAN nian, inklui mos simeira plenárias”, refere comunicado.

Prezidente Ramos-Horta no Ministra Negosius Estranjeirus Adaljiza Magno dehan ba Lusa katak sira sei reaje ba notisia iha oras balun nia laran.

Líderes Timor-Leste nian sei halao ohin sorumutuk ida hodi koalia ba assuntu ida ne’e.

Simeira ASEAN nian iha tinan 2023 sei bele akontese iha Indonesia ne’ebe assume oras ne’e prezidensia rotativa ASEAN nian.

Deklarasau ida ne’e husu “ba Estadus-membru sira no parseirus esternus atu fo’o apoiu tomak ba Timor-Leste hodi alkansa objetivos definidus no ida ne’e inklui assistensia no reforsu kapasidades no kualker apoiu adisional hodi hetan (Timor-Leste)  adezaun tomak ba ASEAN”.

Fonte, Lusa