Xanana Gusmão Hakfodak ho OJE 2023

Timor Post - Mário Costa

DILI (timorpost.com) — Eis Primeiru Ministru (PM), José Alexandre Kay Rala Xanana Gusmão, hakfodak ho Governu husu Orsamentu Jerál Estadu tinan 2023 (OJE).

“Ha’u mak hakfodak uitoan dehan orsamentu iha tinan oin mai ne’e 3 miloens kedas ne’e atu halo netik saida, eleisaun besik ona ita tau kedas miloens ne’e, nia hateten hafoin halo vizita ba Xefe Estadu iha Palásiu Prezidensiál, Bairru-Pité, Segunda lokraik (17/10).

Xanana subliña, hanesan aman ko’alia de’it hanesan ne’e, nia (Xanana) sei hein buat ne’e, sei iha diskusaun iha Parlamentu, depois mak ema hotu-hotu no inklui nia sei haree tok.

“Ha’u temi de’it 3 milloens ne’e waooo, ha’u mak temi hanesan ne’e, 2 milloens ne’e Waooo,” Eis PM ne’e hakfodak.

Líder Karizmátiku ne’e dehan tan, agora konta responsabilidade iha tinan-tinan kotuk ne’ebá ne’e, imi (Jornalista) mak buka hatene took, iha ona ka lae, tanba buat ida dehan fundu Covid-19 ne’e rezultadu, buat sira ne’e, rona bá seidauk mosu tan.

“Fundu Covid-19 ne’e sasán sira balu, fou-foun ne’ebé fó hela hahán ba ema sira ne’ebá, ou bolu saida mak ne’e catering sira ne’e dehan seidauk selu tan. Nune’e buat sira ne’e hotu, ne’ebé dólar amerikanu 3 milloens ne’e atu halo de’it saida,” Xanana relata.

Nia acrma tan relasiona ho OJE 2023 nian, estrada barak atu monu daudaun ona iha Lolotoe ninian, Rai-laku ne’e to’o tesik ba ne’ebá ne’e, buat sira ne’e.

“Mais eleisaun mós besik ona, nune’e ha’u mak reasaun ida de’it kona-ba orsamentu 3 milloens ne’e atu halo saida. Kuandu responsabilidade ba tinan hirak ne’e hotu tiha ona, ita la haree tanba konta ne’e mai públiku para ita hotu-hotu hatene”, nia relata.

Enkuantu iha biban ne’e mós jornalista tenta husu kona-ba se membru Governu balu halo interferensiál ba osan ne’e? “Ha’u atu temi de’it katak, iha ita-nia estadu ne’e sei frasil tanba instituisaun husi Estadu seidauk kumpre didi’ak sira-nia funsaun”.