PM Taur Promete Rezolve Problema Timoroan Enfrenta iha Portugal

Timor Post - Mariano Abi

DILI (timorpost.com) — Atu responde problema ne’ebé Timoroan enfrenta, Primeiru Ministru (PM), Taur Matan Ruak, sei esforsu servisu hamutuk ho Governu Portugal.

Nia hatete, Governu preokupa timoroan sira- nia situasaun tanba primeiru sira sai ho inisiativa própriu ou inisiativa rasik.

“Situasaun ida ne’ebé toba iha estrada ou iha ema nia tatis sira ne’e, infelizmente akontese, entaun saida mak Governu halo, primeiru Governu sei halo esforsu hodi serbisu ho Governu Portugál”,nia hateten hafoin enkontru ho Prezidente Repúblika, José Ramos Horta, iha Palásiu Prezidensiál, Bairru- Pité, Kinta (27/10).

Nia dehan, proposta foun primeiru mak hapara Timoroan labele beneWsia hanesan rejime ida ne’ebé fó liberdade ba ema sira la’o iha área Uniaun Europeia nian.

Nune’e segundu mak atu halo kona-ba reforsa serbisu kooperasaun tekníka, ne’e katak iha serbisu migrasaun sira (Portugál) bolu Serbisu Estranjeiru Fronteira (SEF).

“Ne’e sira sei haruka tekníku oin tolu para mai hodi serbisu ho ita-nia Imigrasaun, atu halo pasa revista ou chek ba dokumentu hotu-hotu husi ema ne’ebé hakarak ba Portugál, hanesan ema hotu-hotu haree kona-ba Euro Atlántiku mai sira lori kedas sira-nia migrasaun iha laran,” PM Taur informa.

Nune’e Chek dokumentu ba ema ne’ebé ba tenk kompletu, nia tenke iha osan atu nune’e ba iha ne’ebá durante loron 90 ou loron hira ne’ebé nia hela iha ne’ebá, husi ne’e mak nia bele iha kapasidade atu sustenta nia aan ou sé mak sustenta nia tenke hatene, hodi evita

“Ida seluk mak esforsu Governu nian, halo nusa mak atu apóiu sira iha ne’ebá no sira ne’ebé hakarak Wla ita bele lori Wla, tanba iha estranjeiru ita konsege lori Wla, hanesan iha Malázia balu deporta de’it, sira balu 300 ou 400 ne’ebé ba Inglatera depois sira Wla fali mai to’o iha Portugál,” PM Taur relata.

Xefe Governu, aWrma tanba ne’e mak ema hotu-hotu bele haree hela ida ne’e, saida mak Governu bele apóiu depois balu integra sira, balu lori Wla sira, karik to’o iha kazu hanesan ne’e.

“Ba oin ita-nia migrasaun ita-nia instituisaun Estadu sira prontu iha ne’ebá hanesan PSIK, Polísia Migrasaun iha ne’ebá hotu, husi ne’e mak sira akompaña, sé mak ba iha ne’ebá ho kondisaun saida, se nia ba iha ne’ebá ne’e nia iha kondisaun atu sustenta nia aan ka lae”, nia Esplika.

Nia hatutan, “Agora buat ida ne’ebé ita labele husik mak ida ne’e, toba tiha iha estrada depois halo moe ita hotu-hotu, dehan Governu mak la haree, nune’e husi inisiativa sira ne’e labele. Primeiru ita labele passa ida, hanesan ita hotu haree, Governu esforsu haruka ema ba iha Austrália, Korea no dadaun ne’e iha país sira seluk”.

Foto, Facebook.