Naimori ema bandidu no sei lori Taur ba tahu laran, diak liu TMR rezigna aan

Maubere Tuba Rai Metin

Taur Matan Ruak lakon ona ninia dignidade bainhira nia simu pedidu bandidu Naimori hodi koalia ho autoridade kona ba assunto 130 mil dólares ke membro Khunto koko lori ba Indonezia hodi karik halo krimi fase osan boot ida ne’e.

TMR tenki kuidado boot ho ema ke nia iha iha ninia leet tanba ema sira ne’e hatene katan Taur hamorook ba kadeira primeiru-ministru no sira aproveita situasaun ida ne’e hodi hariku aan ka komete krime hasoru ita nia rai doben.

Naimori ema bandidu ita hotu hatene ona ida ne’e, nia uza deit governo no TMR hodi pratika krimi hanesan fase osan Maubere Oan nian iha rai liur. Lori 130 mil dollar ba Indonezia no la halo deklarasaun ba autoridades ida ne’e krimi ida hasoru Estadu Timor. Nune’e ita bele dehan katak membro governu ema kriminozu no ema kriminozu la bele ukun rai doben ida ne’e. 

Diak liu TMR rezigna aan tanba la merese sai ona primeiru-minustru. Bainhira nia simu telefone ida hosi bandidu Naimori hodi koalia ho autoridade, Taur halo ona interferensia ba justisa no ida ne’e mos krimi tanba TMR la respeita ona separasaun poder nian iha ita nia rai. Baihira Naimori husu ba nia koalia ho Sr. Gastao, primeiru-ministro devia dehan kedas katak nia la ba koalia ho autoridade tanba la bele iha Estadu Demokratiku interfere ho justisa, maibe lae, Taur koalia duni ho Sr. Gastão. Sala boot, hanesan primeiru-ministro laos ninia kompetensia halo justisa. Ita hotu iha lei nia okus no primeiru-ministru nomos bandidu Naimori mos iha lei nia okus.

HARE'E VIDEO IHA NE'E.

Triste tebes haree iha vídeo iha leten katak bandidu Naimori sente katak nia bele halo ameasa ba TMR, ida ne’e hatudo momos katak nia hatene katak Governo ida ne’e iha nia liman no bainhira sira la halo saída maka bandidu ida ne’e hakarak, nia sei sai husik koligasaun no hamonu governu no hamonu TMR.

Problema ho Taur Matan Ruak no governo aitonka ida ne’e maka Taur sai refén ba FRETILIN nomos ba KHUNTO, no TMR sai hanesan “boneka” iha partidu nain rua ne’e nia liman. TMR tenki halo saída ke sira hakarak hanesan halo ona ba FRETILIN ho roo Haksolok no foin ho bandidu Naimori ke hakarak fase osan iha rai Indonezia. 

Tan deit hamorook ba poder partidu nain rua ne’e iha TMR iha sira nia liman, PLP haluha ona saída maka sira promete ba povu no aat liu tan sira lakon ona sira nia dignidade tan deit lakohi lakon sira nia kadeira. Tristi tebes. 

TMR eroi nasional ida, luta nain ida, la devia submete nia aan ba ema bandidu hanesan Naimori se lae loron ida bandidu Naimori sei lori Taur ba tahu laran, karik iha neeba ona. 

Espera katak Ministeriu Publiku sei investiga krimi lori osan ba rai liur sem halo deklarasaun nomos investiga teleponemas ke bandidu Naimori ba halo ba primeiru-ministru hodi hatene se viola lei separasaun poder nian ka lae?

Fatin ba ema hanesan Naimori maka Bekora laos iha governu hodi ukun ita nia rai doben.

Primeiru-ministro kuidadu tanba saída maka nia halo iha rai seluk nia tenki demite ona nia aan, MEMBRU GOVERNU LABELE HALO INTERFRENSIA BA JUSTISA.  

Imi moe oituan ba, imi ukun laos atu servi imi nia aan, imi ukun povu doben, keta hanoin imi boot liu povu. 

Moe oituan ba.

HARE'E  VIDEO SELUK IHA NE'E.

Foto, Facebook.