Membru Governu koko hata’uk no halo pressaun ba jornalista sira?

Timor Hau Nian Doben 

Iha edisaun ohin nian Jornal Independente hakerek katak sira nia xefe redasaun no jornalista ida  simu karta notifikasaun hosi Servisu Investigasaun Kriminal Nasional (SIKN) nomos hosi PNTL no iha deskonfiansa katak membru Governu balun maka haruka autoridade sira ne’e notifka Independente.

Surat notifikasaun ke SIKN no Polisia Nasional Timor-Leste (PNTL) haruka ba xefe redasaun, Domingos Gomes, halo hamosu deskonfiansa balun katak karta notifikasaun ida ne’e ke autoridade refere haruka tanba sira “ monu  ba intervensaun no pressaun hosi membro Governu balun”.

Domingos Gomes simu karta notifikasaun ida ne’e iha loron 21 de Outubro no surat ida ne’e relasiona ho notisia rua ke Jornal Independente publika.

Iha Estadu Direitu Demokratiku Timor-Leste nian dala barak ona ke sidadaun nomos jornalista sira hetan amiasa ka pressaun hosi membru Governu sira, liu-liu bainhira partidu FRETILIN ukun, sira halo perseguisaun nomos amiasas ba ema ke la konkorda ho sira nia politika.

Tinan 2016 jornalista ida, Raimundos Oki, hetan perseguisaun hosi primeiru-minustru rasik (iha tempu ne’eba), Rui Araújo. Nia lori Oki ba tribunal no koko julga nia ho lei draconiana sira, ne’ebe laiha fatin iha Estadu Demokratiku ida. Rui Araujo mos halo halo deklarasaun ba media balun hodi influensia juízes sira. Maibe tanba Araujo hetan pressaun husi organizasaun nasional no internasional nia desiste ho asaun criminal hasoru Raimundos Oki.

Timor-Leste hanesan Estadu Demokratiku ida labele fo’o fatin ba Governu ka orgaun soberania sira seluk halo interferência ba jornalista sira nia servisu no bandu hata’uk, ameasa ka halo perseguisaun ba jornalista tan deit sira la gosta saída maka sira hakarak. Jornalista sira sério sira la servisu ba membro ba governu, sira nia servisu maka informa ho imparsialidade publiku. 

Jornal Independente halo servisu diak tebes no hanesan Timor Oan ita tenki orgulho sira nia servisu.

Hanesan George Washington dehan:

“If the freedom of speech is taken away then dumb and silent, we may be led, like sheep to the slaughter.”