Haksolok: Maun Taur tauk lakon kadeira ka tauk FRETILIN? Ka lohi ita hotu?

Oan Kiak

Governo Timor-Leste riku tebes, foin fo’o tan osan hodi kompleta ro’o Haksolok nomos investe osan boot hodi hadia Estaleiros Portugal nian iha Figueira da Foz, Portugal.

Maun Taur tauk lakon kadeira ka tauk Fretilin? Maun Taur tauk halo Maun Mari hirus no sei la suporta tan Governo nune’e Maun Taur lakon kadeira primeiru-ministro, tanba ne'e maka fo-o deit osan saugati ba FRETILIN? Karik maka ne'e duni.

Hau la fiar Maun Taur ema beik no la hatene saída maka akontese iha ro’o Haksolok iha Portugal ne’eba. Maun hakarak lohi Maubere oan, dala ida tan?

Mana Zizi nia belun boot ida hela besik Figueira da Foz no Mana Zizi husu nia ba hasai foto no filma ro’o Haksolok nomos Estaleiros ne’ebe ro’o hela. Estaleiros ke Timor investe osan bo’ot mos ninia situasaun aat los, hanesan Zizi nia belun dehan, “degradação total”.

Ro’o Haksolok hela abandonado hela no Estaleiros Mondego no fatin ne'e  mos aat los, tanba sa maka ita tenki ba halo investimento iha malae nia rai? Ita la moe katak ita joven sira iha Portugal terus tebes iha malae nia rai no ita boot sira sei ba halo investimento boot iha malae nia rai invez investe iha rai laran? Ro’o ida ke “dodok” ona. Tanba sa iha osan hodi investe ba ro’o ida ke gasta osan barak ona no sei la mai ba Timor?

Maun Taur invez de gasta Maubere oan nia saugati deit, tanba sa la investe osan ida ne’e hodi hadia ita nia eskola nomos halo investimento iha rai laran hodi hadia joven sira nia moris? Osan laos imi nia, Maubere oan nia osan. Ba halo investimento iha malae nia rai no ita nia rai sei la haree ro’o ida ne’e ninia lalatak. 

Hau la fiar ro’o Haksolok sei mai Timor iha tempu badak, hau hanoin katak ro’o ida ne’e sei transforma hanesan mate-klamar no ita sei la haree nem nia nia espiritu santo, maibe ita nia osan lakon tan, millaun ba millaun ro’o mate-klamar nia folin ke Maubere oan tenki selu ba Portugal. Imi la moe goja ho Maubere oan nia terus? Imi moe la iha liu.

Para ona gasta Maubere oan nia osan hanesan imi nian, para ona lohi povu ho ro’o mate-klamar ida ne’e. 

Eleisaun tuir mai maka Maun Taur sei hetan kastigu boot no sei lakon kadeira no nein hetan kargu primeiru-ministro nia mate-klamar.

Para gasta povu nia osan ba ro’o Haksolok, para ona!

FOTOS HOSI MANA MTV