Governu:”Laiha membru nein ida hosi ezekutivu ke sai arguidu ka hetan akuzasaun”

Timor Hau Nian Doben

Tuir ajensia Lusa, Governu Timor nian dehan ohin katak laiha membru nein ida ke sai arguidu ka hetan akuzasaun hosi krime nein ida, assuntu ne’e  relasiona ho buskas ke Comissão Anticorrupção (CAC) halo ba gabinete ministro ida.

“Iha kontinuasaun dilijensias ke halo ona, laiha membru nem ida ke sai arguidu ka hetan akuzasaun katak pratika krimi ruma. Governo nafatin fo’o konfiansa ba poder judisial no ninia orgaun sira sei servisu ho independensia no legalidade” refere komikadu Governu nian.

Lusa hakerek tan katak Governu destaka importansia rejime konstitusional  kona ba imunidade titulares orgaun soberania nian  hodi asegura funsionamentu normal insituisaun demokratiku nomos ba prosessu konsolidasaun ba ita nia Estadu Direitu Demokratiku. 

Governo mos dehan katak “sei kolabora ho orgaun judisial sira baihira sira husu hanesan akontese ona uluk”.

Iha semana kotuk CAC husi ekipa investigador ezekuta mandadu Tribunal Distrital Dili nian hodi detein ema nain rua. Segunda-feira liu ba ajentes Comissão Anticorrupção  hala’o operasaun buska no aprensaun  ba Ministru Asuntu Parlamentar no Komunikasaun Sosiál (MAPCOMS) relasiona ho kazu instalasaun set-top box RTTL, EP.

Ajente sira ezekuta mandadu buska no aprensaun ba Ministru MAPKOMS ne’e hodi halo auto inkeritu tanba iha indikasaun nu’udar autór prinsipál iha kazu instalasaun set-top box RTTL, EP ne’ebé indika rezulta prezuizu boot ba Estadu.

Investigasaum ida ne’e indisia katak ministru ida ne’e favorese ninia sekretaria iha prezidensia FFTL nian no fo’o kontratu ba nia ho valor besik 900 mil dólares.

Comissário Anticorrupção, Sérgio Hornai , a dehan ba Lusa katak, “kazu ida ne’e sira alegadus kazus de krime partisipasaun ekonómika iha negosiu nomos abuzu poder”.

Ministru ba Assuntus Parlamentares nomos ba Komunikasaun Social, Francisco Jeronimo, dehan ba Lusa semana kotuk katak akuzasaun sira ne’e falsu no nia akuza ajentes CAC nian katak  sira nia atuasaun ho “falta etika”no rejeita kualker akuzasaun.

“Akuzasaun sira ne’e falsu. Laiha favoresimentu ka abuzu poder. Regras, lei sira no regulamentus provisionamentu nia ami halo tuir ho normalidade”, nia dehan.

“Hau laiha komentariu kona ba detensaun sira ne’e. Hau akompanha hela kazu ida ne’e ba hau percebe saída maka akontese. Se CAC iha evidensia, ita sei hare’e”, explika ministro Jeronimo. 

Foto, CAC, Facebook.