CAC Ezekuta Mandadu Juiz TDD, Detein Suspetu Nain 2 ba Projetu Set-Top Box iha RTTL, E.P

Comissao Anti Corrupcao CAC TimorLeste - Facebook 

Farol – Ekipa Comissão Anti Corrupção (CAC) nian Kuarta-feira (12/10) ohin ezekuta mandadu juiz Tribunal Distrital Dili (TDD) nian liu husi operasaun polisial ida halo buska iha domisialiariu,  prende sasan evidensias no detein suspeitu nain rua (2) ho inisial GFC e de GM no MdSFC iha servisu fatin no hela fatin iha capital Dili no capital Munisipiu Liquiça.

Mandadu Buska apreensaun no detensaun ba suspeitu nain rua ne’e relasiona ho projetu instalasaun Set-Top Box iha Ministeriu Asuntu Parlamentar no Komunikasaun (MAPCOM) Lidera husi Ministro Francisco Jeronimo ne'ebe servisu hamutuk ho RTTL, E.P. 

Projetu ida ne'e ajudus husi governu China ho total orsamentu besik $500.000.

Karta Mandadu Buska Apreensaun no detensaun ne’e asina husi Juiz Direitu José Goncalves ne’ebé haknar-an iha Tribunal Distrital Dili iha loron 26 fulan Setembru 2022 ho numeru NUC 0016/21 CACTL. 

Iha mandadu ne’e Juiz Direitu José haruka no fo ordem ba CAC nudar orgaun polisia criminal espesializada halo buska iha domisiliariu ho posibilidade ba prende sasan ne’ebé bele iha ligasaun ho faktus hirak ne’ebé investiga ona, tuir dispozisaun iha artigo 37 no 2, husi KRTL, iha artigo 226 no 1 alines c), artigo 168 no 1 no artigu 170 hotu-hotu husi Kodegu Prosesu Penal (KPP) ba suspeitu sira ninian hela fatin iha Matadoru no Liquiça.

Juiz Direitu José Gonçalves fo ordem ba orgaun polisial spesializada CAC halo buska ne’e konsede iha auto inkeritu nian ne’ebé investiga dadaun hela suspeitu konaba autoria krime, p.p. husi art Kodegu Penal nian.

Mandadu ne’e mos Juiz Direitu José Gonçalves mos haruka CAC halo detensaun ba ema ne’ebé temi iha karta mandadu ne’e nudar suspeitu ne’ebé sei investiga tamba halo krimi p.p. husi artigu Kodegu penal nian.

Katak hafoin CAC halo detensaun durante 72 horas nian laran orgaun polisial spesializada CAC obrigatoriamente aprezenta  sira nain rua (2) ba iha juiz iha Tribunal Distrital Dili hodi halao primeiru interogatoriu judisial.

Suspeitu nain oras ne’e detein ona iha sela detensaun CAC Farol no sei aprezenta ba Tribunal Distrital Dili iha loron Sesta-feira (12/10) hodi halao Primeiru Interogatoriu iha tribunal. 

Durante suspeitu nain rua detein iha sela detensaun CAC nian iha Farol, CAC la viola direitu fundamental suspeitu sira nian hodi loke oda matan ba familia no kolega servisu sira aksesu mai vizita hatoo sira ninian solidaridade, enkoraja no hametin suspeitu sira ninian moral atu halao prosesu justisa. (*)

Foto, CAC