KONSTITUISAUN FUNSIONA, DOUTÓR SIRA NIA KAKUTAK MAKA LA FUNSIONA

Hafoin asiste debate Dr. Coelho ho Dr. Tilman iha TVE 24 Abril 2022, ami sira la estuda direitu husu malu! 

Konstituisaun funsiona hela maibé Ramos Horta hakarak repoin orden konstitusionàl? Orden ida ne'ebé la funsiona? 

Husu took Dr. Jose Ramos Horta selae Dr. Coilho? Se Konstituisaun mak la funsiona Eleisaun Presidensial bele realiza? Dala ruma Doutór sira nia kakutak mak la funsiona dehan fali konstituisaun! 

Dehan lideransa meza Parlamentu Nasional hadau deit! 

 Tuir lolos CNRT sadar katak, bainhira CNRT xumba OJE 2020, CNRT rasik mak deside retira husi VIII Governu, kuandu FRETILIN viabliza VIII Governu automatikamente mosu maioria foun iha PN, FRETILIN, PLP, Khunto ho 36 kadeira iha PN hodi sustenta VIII Governu. 

Tanba samak mosu , rekerementu destituisaun ba PPN sesante Deputadu Arao Noé? 

 Destituisaun ne'e bazeia ba rejimentu Parlamentu Nasional, artigu 16 B mak hatete, bele destitui PPN, bainhira rekerementu destituisaun ne'e tama, labele liu loron 5 tenki realiza plenaria hodi destitui. 

Rejimentu Parlamentu Nasional hatete, loron segunda no tersa ne'e loron plenaria tanba samak PPN sesante Deputadu Arao Noé iha hela gabineti maibé nia la diriji plenaria? 

Nee husu ba Deputadu Arao Noe nusa mak momentu ne'eba, nia iha Gabineti maibé nusa mak nia la direji plenaria, aktu PPN sesante Arao hatudu nee, iha konflitu interese,tanba destituisaun nee liga ho nia. 

Iha 2017 rekerementu destituisaun ba PPN momentu ne'eba nusa la realiza? 

Rekerementu desituisaun 2017  lori to'o tribunal no desizaun Tribunal katak laiha inkonstitusionalidade, maibé PPN momentu ne'eba Deputadu Aniceto Guterres nudar pesoál nia hatama prosesu provedensia cautelar ba Tribunal, konaba desizaun ne’e tanba ne'e, hein desizaun finál molok atu halo agendamentu no halo deskusaun maibé sedauk agenda PN desolve tiha ona. 

Dehan Destitui PPN nee kontra konstituisaun! 

Artigu 16 B rejimentu PN, Deputadu CNRT mak tau iha 2016 bainhira sira hakarak hatun Dr. Vicente Guterres nudar PPN hodi troka ho Aderito Hugo bainhira Deputadu FRETILIN, PLP no Khunto uza ida atu hatun Arao Noé, Deputadu CNRT mak husu fali tribunal atu halo fiskalizasaun abstrata, maibé desizaun Tribunal Rekrusu iha loron 12 Juñu 2020 hasai nia akordaun ho númeru:0034/20.TRDL ba keixa ne’ebé mak Deputadu CNRT hatama.

Tribunal Rekrusu deklara katak, aktu ne’ebé akontese iha Parlamentu Nasionál ne’e, aktu polítiku la kontra konstituisaun RDTL tanba hili PPN ne’e kestaun konfiansa polítika, wainhira maioria Deputadu lakon konfiansa bele troka .

CNRT dehan PPN ne’e ilegal tanba seidauk simu posse? 

Rejimentu Parlamentu Nasionál artigu artigu 15 aliña 5 hatete, eleisaun PPN foun komunika ba PR no PM depois publika iha Jornal da republika, la dehan simu posse. 

CNRT dehan Vice PPN laiha kompetensia lidera plenaria? 

Rejimentu PN fo dalan kaundu PPN ho nia Vice nain rua laiha hotu, Deputadu/a idade boot liu iha PN bele lidera plenaria!

Artigo daqui.