ELEISAUN ANTISIPADA VS VII GOVERNO MINORIA

.

Hosi: Asuwain Maubere

Loron hirak ne'e ema barak perocupa ba situasaun rezultadu debate programa VII Governo "minoria" ne'ebé hato'o tiha ona sira nia programa iha Parlamento semana liu ba no ho resultado hetan kedas "voto rejeição" hosi Partidu oposição hanesan CNRT PLP ho KHUNTO ne'ebé mai ho Bloku Oposição Maioria Parlamentar (BOMP).

Tuir Constituição RDTL katak bainhira apresentação ba Governo nia programa hetan rejeita ba dahuluk sei iha oportunidade atu apresenta tan dala ida. Se karik mak hetan voto rejeição nafatin nune'e PM bele hetan demição no automaticamente Governo nia mandato mos caduca kedas no PR RDTL mak sei demite Governo nia PM, ho consequências  PR RDTL mak sei toma decisão tuir coridor CRDTL nian.

MAIBE iha tempo Governo deklara katak sei lori fali Programa ba Parlamento (maske PM rasik declara ba público katak nia lakohi fila fali ba Parlamento), ao mesmo tempo PM Alkatiri mos halo hela reunião ho simpatizantes Fretilin iha Oekusi hodi koalia konaba programa Governo nebe hetan tiha ona Voto Rejeição.

Interessante tebes, iha parte ida PM Alkatiri koalia namanas Eleisaun Antisipada iha ninia wall Facebook, hamosu mos ideia Referendum nebe CRDTL seidauk bele permite tamba seidauk iha lei konaba Referendum (art. 66 CRDTL). 

Povo ho sira nia ignorância continua tama iha laços informação sira iha leten, e la iha autoridade ka ema ruma mak bele informa LOLOS ba povo konaba processo sira nee tuir CRDTL haruka (Tan Timor-Leste nu'udar Estado de Direito). 

Público só rona claro mak konaba asunto Defesa e Segurança nebe avisa husi Maijor General Lere ho Comandante PNTL katak sira asegura 100% ba situasaun atuál no la iha ema ida mak bele halo arbiru, husu atu hakmatek no continua hala'o vida hanesan lorloron. 

ELEIÇÃO ANTICIPADA nebe ema hotu koalia sei la facil tamba Parlamento Nacional foin maka hala'o nia função seidauk to'o fulan 6. CRDTL ho leis sira hateten katak PR RDTL labele dissolve Parlamento durante iha fulan 6 liu tiha eleição jeral nian. 

Nune'e, claro katak PR RDTL atu decide eleição geral ka atu dissolve Parlamento mos sei hanoin dala rua.

PARTIDO OPOSIÇÃO (CNRT PLP E KHUNTO) sai alvu ba ema balu nia políticas de manobras situação real. CRDTL garante no permite katak oposição sira iha direito halo ações sira hanesan voto rejeição, voto confiança e moção censura. 

Tan sa tem que fo sala ba Oposição, e ainda pior hateten tan katak posição oposição nebe lakohi vota a favor ba VII Governo nia programa sai fali vítima de informações katak la iha sentido estado, la apoio povo nia situação no la interesse povo nia situação.

OPOSIÇÃO sira mos iha programa nebe a favor ba povo no nee questão de tempo deit. Sira mos iha política atu oin nusa desemvolve rai Timor ho sira nia programa nebe claro sei a favor ba povo, não me digas oposição atu halo fali programa la a favor ba povo no rai RDTL.

Se los mak lohi malu? Se los mak lohi beibeik povo Timor nia ignorância? Konsekuênsia Governo minoria mak nunee duni, e oposição bele halo qualquer ações nebe CRDTL permite atu salva guarda Democracia no Estado de Direito. Tamba Oposição mak maioria e F-PD nebe forma Governo ho minoria. Minoria mak submete an ba maioria laos ao contrário.

Sa tan programa hirak nebe apresenta hosi Governo Minoria maioria mai husi oposição sira nia programa mos, nunee oposição hanoin diak liu sira mak executa no halao sira nia programa ho ukun maioria para depois Governo ida nebe estavel do que la estavel tamba bele afeta ba situação política no economia internalmente.

POVO HO SIRA NIA IGNORÂNCIA no informação sira nebe fo sai la responde ba público nia preocupação. 

INFORMAÇÃO BA PÚBLICO nebe la claro só hamosu deit distorcio iha comunidade nia leet no sei la iha ida mak balanço e no fim sei contribui ba situação ida nebe ladun diak.

ELEIÇÃO ANTICIPADA presija orcamento no presija programa nebe lidera hosi Governo. Se orcamento la iha no Governo ida monu no hamosu deit Governo Gestão sei labele halo buat ida no só PR RDTL maka bele foti medidas concreta ba situação política.

No caso oposição forma fali Governo Sexa PR RDTL mak sei decide ho neon ho laran atu hatúr interesse nacional as liu interesse seluk. 

Referendum ba programa nebe público moa rona hotu ona só para hamosu desintendimento fração iha comunidade sira nia leet, tamba SEIDAUK IHA LEI KONABA REFERENDUM (art. 66 CRDTL), referendum sei halo nusa no lao oin nusa? Se mak sei asegura no se mak bele garante ? Até imposivel ona atu halo referendum.

Iha situação hanesan nee PRESIJA TEBTEBES HONESTIDADE BA PÚBLICO ATU LABELE PÂNICO e labele hanoin oin-oin tamba povo ho sira nia ignorância sai fali alvo ba agitação informação falços sira nebe la a favor ba povo.

PROCESSO CONTITUCIONAL hateten katak Maioria mak kaer ukun laos minoria, laos tan deit maioria la aceita minoria nia programa ne'ebé maioria la iha ona pensento e sentido de Estado, pelo contrário Maioria mak hakrak salva guarda tiha CONSTITUIÇÃO e sei asegura.

Bainhira oposição nebe maioria no forma fali Governo mos sei hatoo programa hirak nebe A FAVOR BA POVO no sei labele halai ses husi situasaun real povo nian. É uma questão de tempo.

.

KONSEKUENSIA HUSI GOVERNO MINORIA

.

Husi: Kay Loy Maubere

Requesitos ne'ebé hatur iha artigo 106 Constituição RDTL hateten momós konaba oin nusa atu hamosu ou forma Governo ida Constitucional.

Bainhira la considera ba requesitos hirak iha artigo 106 CRDTL sei hamosu consequências oin-oin. Oras ne'e mundo hatene no ema hotu hatene katak VII GOVERNO hari ho coligação entre Partido Fretilin ho PD nebe maka ho cadeira 30 deit, hamosu kedas termos GOVERNO MINORIA.

Nune'e GOVERNO MINORIA iha riscos barak no bele dehan la estavel. Em quanto OPOSIÇÃO ho cadeiras 35 ne'e iha vantagem político barak no oportunidade Constitucional atu halo VOTAÇÃO MAIORIA iha Parlamento no bele afeta ba existência Órgaun Soberano sira hanesan PRIMEIRO MINISTRO, PRESIDENTE PARLAMENTO nebe bele husik kedas sira nia cargo bainhira mosu ACÃO CONSTITUCIONAL OIN-OIN nebe CRDTL PERMITE E GARANTR ATU HALO NUNEE. Ema barak seidauk hatene e barak mak hatene maibe halo finji manobra fali processo Constitucional nebe fo dalan ba OPOSIÇÃO ATU HALO AÇÃO CONSTITUCIONAL OIN OIN TAMBA ORAS NEE SIRA MAIORIA IHA PARLAMENTO.

1. Ho Cadeiras 35 nebe monu iha Oposição hanesan CNRT PLP ho KHUNTO bele halo Mosaun oin oin tuir CRDTL haruka hanesan : VOTO CONFIANÇA BA PM, VOTO REJEIÇÃO BA PROGRAMA GOVERNO E MOÇÃO CENSURA BA PM Quando Oposição SENTI katak sira iha oportunidade legal atu halo ações sira nee.

.

IHA TIMOR LESTE como ema barak mak seidauk hatene processo sira hanesan nee, nunee halo sira hakfodak e hanoin kala OPOSIÇÃO halo GOLPE ka halo asaun hatun Governu, lae! Nee asaun hotu nebe CRDTL Timor-Leste GARANTE basta Maioria deit iha Parlamento nee hanesan kaer cartão"JOKER" no bele halo asaun Constitucional oin oin.

2. OPOSIÇÃO nebe ho cadeiras 35 iha oportunidade legal bele halo MOÇÃO CENSURA BA PRESIDENTE PARLAMENTO tamba sira maioria no Fretilin ho PD forma coligação ho votos Minoria nebe ladun a favor ba existência minoria.

4. OPOSIÇÃO CNRT PLP KHUNTO nebe maioria iha Parlamento (35 cadeiras) bele halo Moção CENSURA BA PM, VOTO CONFIANÇA BA PM, VOTO REJEIÇÃO BA PROGRAMA NO OGE, VOTA CONTRA POLÍTICA HOTU HOTU husi Governo Minoria TAMBA OPOSIÇÃO MAK MAIORIA nunee iha oportunidade e sa tan CRDTL GARANTE NO LOKE DALAN ATU HALO NUNEE.

5. GOVERNO MINORIA IHA RISCO barak tamba sira la maioria iha Parlamento nebe bele halo vota maioria, pelo contrário oposição mak bele vota maioria ba buat hotu E IDA NEE CRDTL GARANTE.

6. TAMBA SA ema tem que hakfodak no tem que bosok beibeik povo Timor nia ignorância ho boatus sira hanesan Oposição halo halo Golpe...la gosta Programa etc.

7. FRETILIN HO PD laos partido foun no laos ema foun ba CRDTL, koalia honesto ba povo katak processo democracia nebe ita hari mak nunee no nee laos buat ka hahalok crimes, nee processo legal e la viola leis ruma.

8. TAMBA SA TEM QUE  BOSOK HO SISTEMATICO ba povo nia ignorancia, katak obriga an hari Governo minoria sei hasoru CONSEQUENCIAS SIRA NEE HOTU tamba REGULA HOTU IHA CONSTITUIÇÃO RDTL LARAN no nee laos buat foun ida, só que pela primeira vez acontece iha história DIREITO DEMOCRÁTICO TIMOR-LESTE nian tamba leis fo dalan atu halo hanesan nee.

9. GOLPE ESTADO baibain mosu bainhira ema Militar sira mak halo ou grupo civil armadas ho Militar mak baibain halo iha país sira nebe nakonu ho krime político oin-oin. AÇÃO NEBE OPOSIÇÃO CNRT PLP E KHUNTO halo nee laos GOLPE ESTADO, E NEE MOS LAOS KAN PODER, maibe ida nee processo Democrático e nee laos buat crime ida.

10. LABELE BOSOK BEIBEIK POVO NIA IGNORÂNCIA tamba Partido sira mak tem que honesto ba povo katak UKUN NEE MAI HUSI POVO no atu kaer UKUN GOVERNO E PARLAMENTO TEM QUE MAI HOSI PARTIDO SIRA NEBE MAIORIA laos MINORIA.

.

Dalan ba Eleisaun Antesipada Naruk Tebes

.

CNRT MEDIA - Facebook

Hafoin Bloku Partidos Maioria Parlamentár submete no vota afavór ba mosaun rejeisaun ba VII Governu nia programa, espekulasaun no ejijénsia militante sira husi Partidu FRETILIN maka hakarak halo eleisaun antesipada. Husi sorin seluk Sekretariu Jeral Partidu FRETILIN, Dr. Mari Alkatiri, hakarak halo referendum ba programa Governu nian no nia rasik jura no deklara katak sei la fila ba Parlamentu Nasionál atu aprezenta programa ba daruak nian.

Mai ita hare pasu ida-ida kona-ba prosesu sira tuir ejijénsia no mehi husi Partidu FRETILIN nian.

1. La’os kompeténsia partidu FRETILIN nian atu deklara referendu, maibé referendu ne’e kompeténsia Prezidente Repúblika nian no so bele halo kuandu iha aprovasaun 2/3 husi deputadu ativu iha Parlamentu Nasionál. Tanba ne’e Referendu sei la akontese!

2. Eleisaun antesipada mós la’ós Partidu FRETILIN nia kompeténsia atu deklara, so Prezidente Repúblika maka bele deklara Eleisaun Antesipada mezmu Dr. Francisco Lu Olo embora Prezidente Repúblika, nia mós prezidente partidu FRETILIN ne’ebé viola KRDTL artigu 78 kona-ba inkompatibilidade.

3. Bazeia ba juramentu husi Dr. Mari Alkatiri katak nia sei la fila fali ba PN atu aprezenta programa VII Governu nian maka automatikamente programa Governu nia chumba ona tanba bazeia ba KRDTL artigu 108 no 109 katak programa Governu nian tenke aprezenta husi Primeiru Ministru, ida ne’e reforsa husi Rejimentu Parlamentu Nasionál artigu 134-137.

4. Bainhira programa governu la pasa ona iha PN maka bazeia ba KRDTL Artigu 112 (2) Prezidente Repúblika sei hatán ba Parlamentu Nasionál hodi halo demisaun ba Governu hafoin konsulta ho Konsellu Estadu tuir KRDTL Artigu 91. Konsellu estadu ne’e kompostu husi eis prezidente sira, Prezidente atuál, Primeiru Ministru atuál, no Prezidente Parlamentu atuál, inklui sidadaun na’in 10 ne’ebé PN no PR nomeia.

5. Hafoin konsulta ho Konsellu Estadu, Prezidente Repúblika sei demite Governu no fila hikas ba KRDTL Artigu 106 hodi hare se iha partidu ka aliansa partidu sira ne’ebé prienxe kritéria atu forma Governu. Iha situasaun atuál iha ona Bloku Partidos Maioria Parlamentár ne’ebé kompostu husi Partidu CNRT, Partidu PLP, no Partidu KHUNTO. Ho ida ne’e maka Prezidente Repúblika sei nomeia Primeiru Ministru foun hodi forma Governu.

6. Bainhira forma ona Governu, maka Bloku Partidos Maioria Parlamentár sei aprezenta programa ne’ebé 100% sei pasa tanba iha apoiu maioria parlamentár iha Parlamentu Nasionál. Husi ne’e Governu sei aprezenta Orsamentu Jerál Estadu ne’ebé mós sei pasa tanba iha apoiu Maioria Parlamentár.

7. Parlamentu Nasionál sei haruka OJE ne’ebé aprova ona ba iha Gabinete Prezidente Repúblika atu promulga ka veta tuir KRDTL Artigu 88. Se karik PR deside atu veta, maka OJE sei haruka fila fali ba Parlamentu Nasionál atu konfirma fali OJE.

8. Bazeia ba KRDTL Artigu 88 sei presiza 2/3 husi deputadu prezente no iha konfirmasaun maioria absoluta atu bele haruka fali OJE ba PR. Iha ne’e maka sei loke posibilidade ba Eleisaun antesipada se karik deputadu sira husi F-PD la prienxe quorum.

Hare ba situasaun polítika ida ne’e, no tetu ba estabilidade RDTL nian, konsidera mós ba impaktu, vantajen no dezvantajen Eleisaun Antesipada, maka Prezidente sei tetu ho didi’ak atu promulga ka veta OJE ne’ebé VIII Governu husi Bloku Partidos Maioria Parlamentár forma. 

Ita hotu tuur hakmatek no akompaña prosesu demokrátiku ida ne’e, no husu atu prosesu tomak tenke la’o tuir korredór ita nia Lei Inan ka KRDTL nian.

.

Alkatiri nia arogansia no egoismu maka kria instabilidade politika iha rai doben

.

Oan Kiak

Fulan barak maka ami la hakerek ami nia opiniaun iha blog THND tanba ami hakarak eleisaun lao ho dame no lakohi ema dehan ami kria instabilidade ho ami nia opiniaun iha fatin ida ne’e.

Eleisaun hotu ona, tuir ami nia hanoin laiha vensedor ka vensidos iha eleisaun Jullu nian, apenas ita hetan surpresa balun ho partido rua liu-liu Partido Libertasaun Popular (PLP) tanba foin konkista terseiru lugar iha senariu politiku iha Timor-Leste. Hanesan partidu numeru 3 sira mos hetan lejitimidade hosi povu hodi ukun ita nia rai.

Partidu Maun Taur nian nakonu ho jerasaun foun no  ita espera katak bele deposita ita nia mehi tuan iha sira nia liman.

Partidu Fretilin manan duni eleisaun legislativa 2017, ida ne’e laiha duvidas tanba rezultadu oficial sai ona.

Maibe… Maibe…

Partidu Fretilin manan ho maioria simples, povu doben matenek ona no lakohi fo’o maioria ba partidu nein ida, povu hakarak líder hamutuk ukun ita hodi lori nasaun ida ne’e ba prosperidade maibe saída maka Dr. Alkatiri hakarak?

Mari Alkatiri la respeita povu nia vontade no hakarak ukun ho minoria maibe hakarak mos partidu seluk, oposição (maioria) ba hakruuk deit ba ninia vontade. Ho nia arogansia no egoismu Alkatiri assegura katak Fretilin mesak mak tur iha kadeira chave iha orgaun soberania hotu-hotu, Presidente da República Fretilin nia ema, Primeiru-ministru ema Fretilin no Presidente Parlamentu Nasional dala ida tan ema Fretilin 2000 ida. Entaun ita bele foti konkluzaun katak sira mesak bele ukun ita nia rai, los ka lae?

Oh, lae! Tanba sira nia hahalok hatudu katak sira nia arogansia bot liu sira nia forsa, tanba foin maka sira descobre katak sira mesak-mesak la consegue aprova sira nia programa, sira presiza PLP, CNRT no Khuntu nia votus hodi passa governo nia programa. Fretilin nia arogansia no egoismu maka kria instabilidade politika iha rai doben, karik sira fahe kadeira ho justisa no proporcionalidade ohin loron sira nia programa passa tiha ona iha PN, karik ho unanimidade.

Agora Fretilin tenki aguenta sira nia egoismu no arogansia rasik, lalika mai fo’o culpa ba partidu opozisaun sira, tanba partidu opozisaun laos ba servisu ba governu ka assegura katak imi nia programa ka imi OJE hetan aprovasaun, ida ne’e governu nia servisu laos opozisaun nia knaar, opozisaun nia knaar maka fiscaliza imi nia servisu no servisu hodi representa povu. Ita hotu tenki fo’o desculpa ba Fretilin tanba sira halo oituan konfuzaun ho governu no opozisaun, tanba bainhira sira servisu hanesan opozisaun sira defende deit sira nia patraun nia intrese no haluha povu nia intrese, foin maka kabeen boot koalia kona ba povu nia moris, bainhira sira opozisaun sira nonok, tan deit maun Xanana fo’o chupeta ida ba sira, projeto ZEESM.

Fretilin lalika mai hakilar intrese nasional ka ema kria instabilidade tanba ema nein ida kontra intrese nasional ka hakarak kria instabilidade, tanba hau la fiar iha hau nia fuan katak Maun Taur ka Maun Xanana hakarak halo krizi ida, pelu menus hau serteza absoluta katak Maun Taur hadomi nia povu no rai hodi la permiti krizi ida tan. Imi tenki hakmatek  iha imi nia fatin, husu imi nia kamaradas no liu-liu  imi nia juventude fanatiku Fretilin hodi hakmatek iha sira nia fatin no lalika propaganda baratu hodi hakfodak povu ho imi nia lian, intrese nasional no instabilidade, tanba lia bosok.

Demokrasia hanesan ne’e duni, opozisaun karik la konkorda ho governu iha direitu hodi dehan LAE ba imi, Alkatiri bele sae fundador (ita tenki respeita!) maibe lalika sura kolen ba povu, hau aman no maun mos Indonezia oho hodi ohin loron itaboot bele tur ida kadeira PM hodi ukun ita. Maun Mari mos lalika hatun jerasaun foun ke ohin loron tur iha PN tanba sira mos hanesan politikus jerasaun foun laiha obrigasaun hodi konkorda ho saida deit ke Maun Mari hakarak, ida ne’e akontese deit iha Maun Mari nia CCF, to’o ona, los ka lae? Ita lakohi harii jerasaun foun ida ke hatene deit doko ulun no dehan, “Yes, Sir”, ita hakarak ita nia jerasaun foun brani hodi dehan LAE uainhira sira la konkorda.

Maun Mari, uainhira ema la konkorda ho itaboot laos tanba vingança, vicio ka veneno, hanoin hanesan itaboot nian hanesan hanoin labarik sira iha eskola primaria, ema la konkorda hatene tanba sa Dr. Alkatiri? Tanba ema nia direito, tanba iha demokrasia ema iha direito ba dehan LAE no hau hanoin katak itaboot ema matenek hodi kompriende katak ema hotu la hanoin hanesan, iha CCF deit maka imi hotu hanoin hanesan tanba ditadura maka imi implementa iha imi nia partido laran, ema hotu fo’o viva ba xefi mesmu kuandu xefi la loos, hanesan oituan ho situasaun iha Koreia do Norte, militante Fretilin rona deit sira nia xefi no la hatene hanoin ho sira nia ulun rasik.

Povu doben, lalika tauk situasaun politika atual, ida ne’e normal iha demokrasia, lalika rona ema ke dehan katak situasaun ida ne’e kria instabilidade, lae. Ida ne’e demokrasia furak, ita nia Konstituisaun iha mekanismus hodi assegura estabilidade uainhira ka karik governu Alkatiri monu, rai sei la naben. Tanba ita nasaun foun, situasaun ida ne’e bele haforsa ita nia demokrasia hodi ita hotu aprende ho situasaun ida ne’e iha futuru.

Governu monu, governu seluk sei mai. Alkatiri no ninia equipa sei la salva mesak Timor, ita sei iha ema barak ke bele substitui sira no karik diak liu tan!

Governu presiza halakon arogansia no egoismu se lae…MONU!

Viva Timor-Leste!

.