Taur: Ha’u Mak PM La Lori Jornalista Ba Tribunál

.

Independente - Ligia Noronha - 02 de junho de 2017 - Transcrição de José Salvação para o Timor Hau Nian Doben

DILI: Eis Prezidente Repúblika, Taur Matan Ruak hateten, jornalista nia papél importante tebes ba nasaun tanba lori sira mak Timor hetan ukun rasik-aan.

“Ha’u mak Primeiru Ministru sei la lori jornalista ba tribunál tanba nia la’ós ho intensaun atu atinje, maibé nia aprende. Ha’u hatete ida ne’e tanba jornalista nia papel ne’e importante tebes”, dehan nia, iha Bebonuk, horisehik.

Taur dehan, Timor nia luta ba independénsia jornalista mak fó sai, maibé kazu ne’e tama ona ba tribunál labele atu ko’alia kona-ba ida ne’e, maibé fó tan oportunidade karik iha kazu seluk liu-liu polítiku sira fó oportunidade ba sira tanba sira sei aprende.

Nia dehan, ba jornalista nia ema militár iha prinsípiu ida hanesan rota ida ne'ebé sai inan ba vitória.

“Ohin Ó manan ha’u ne'ebé labele hanoin katak ida ne’e halo ta'uk ha’u, maibé halo ha’u barani liu tan, maibé ha’u hatene imi jornalista forte tanba ita nia nasaun iha liberdade espresaun”, tenik nia.

Timor hetan apresiasaun husi nasaun seluk kona-ba liberdade imprensa tanba foin tinan lima adopa ona ida ne’e, maibé desizaun tribunál foti tenke kumpre no nia tama prizaun Taur sei ba vizita nia tanba nia hadomi.

.