Observasaun: Kamarada Mari Alkatiri, Hanesan Figura Publiku, Lideransa Istoriu no Lala'ok Iha Media Social

.

Observasaun husi Sebastiao / Seba Makay Guterres

Kamarada Mari Alkatiri,

Haktuir fila-fali ba ita boot nia posting nu'udar hatudu iha ha'u nia 'posting' ne'e, hakarak atu halo argumentu katak, loloos ne'e, ita boot mak lori no/ga uza hela Fretilin ho ema rezistensia sira ne'ebe sei iha Fretilin laran para ita boot kanta netik, se atu ita boot mesak kontra Maun Taur hanesan ema independente nain 2, ita boot ema sei la hili no ita boot sei kanta uitoan karik!

Haktuir fila-fali ba ita boot nia deklarasaun iha ZEESM iha loron hirak liuba, hakarak atu kuriji buat ida, ZEESM nee la'os ita boot nian nen partidu A to'o Z nian. Ne'ebe kuandu ukun karik, ko'alia hodi povu nia naran no Governu Timor-Leste nian naran, tamba projetu ne'e Governu Timor-Leste maka halo investementu. 

Perguntas tuirmai: se maka dehan labele kritika ita boot, hanesan sidadaun baibain ida hakarak dehan katak, "lideransa ne'ebe de'it husi A - Z ne'ebe maka UKUN sala marese hetan koreksaun atraves observasaun publiku nian, hanesan, kritika konstrutivu ba melloramentu serbisu dezenvolvimentu ne'ebe maka hala'o iha Timor-Leste". 

Nune'e, Maun Taur Matan Ruak wainhira kritika ita boot sobre obras iha Oe-cussi, tamba iha lala'ok balun ne'ebe maka laloos, kuandu laloos dehan laloos duni, ga sala. Maun Taur iha momentu ne'eba hanesan Xefe Estadu nia iha direitu atu ko'alia hodi povu nia naran no lian. Aat liutan maka populasaun Oe-cussi rasik mai kesar iha Dili.

Pontu seluk hakarak atu hato'o maka katak, pesoalmente bele dehan katak, afinal ita boot nia Tetun mos laloos ida, liliu kuandu ita boot dehan Maun Taur halo fali kompara entre Maun Xanana Gusmao ba Soeharto. Loloos maka katak, Eis Prezidente Republika, Maun Taur Matan Ruak, iha momentu ne'eba kuandu ko'alia iha Parlamentu Nasional "konta tuir istoria" matebian eis Prezidente Indonezia nian, Soeharto, katak, nia familia mak hamonu nia Ukun.

Haree fali ba ita boot nia observasaun seluk sobre PLP, hakarak atu dehan katak, PLP Povu nian, sira mak hamutuk harii no hili Maun TMR sai Prezidente PLP atu kompete hasoru ita boot atu Maun Taur sai Primeiru Ministru Timor, 2017-2022. Mas, dehan fali lato'o bareira 4%, tempu sei hatudu, tamba Maun Taur Matan Ruak sei kompete hodi reprezenta povu nia lian no/ga interese. La'os hanesan ita boot kaer nafatin kargu Sekjen Partidu Fretilin maski periodu 3 ona, ema iha Fretilin mak ita boot deit ga?

Kamarada Mari Alkatiri kala sei hanoin hetan karik, uluk Maun TMR sei kaer kargu PR ne'e ita boot halo gosip iha FB dehan PR halo uma luxu iha foho leten uza osan estadu nian, maibe ikus ita boot kala moe to'o delete rasik tiha, tamba la-konsegue defende nia posting refere.

Agora, ita boot halo tan fali ona ida ne'e, labarik sira ga ema babain mak ko'alia hanesan ne'e sei logiku oituan. Mas, ita ne'e lideransa bo'ot ida, eis-PM, Atual Deputadus Fretilin, Presidente RAEOA, Presidente no SekJen Partidu bo'ot ida. Ita boot nia moe lakon tiha ona ga?

Kamarada Mari Alkatiri, buat kritika malu nee normal, no uza atu hadiak ita boot sira nia ukun. La'os atu tratamalu fali liu Facebook hanesan ita boot halo.

Ita boot nee Lideransa Istoriku Ida, mas lahatene sukat ibun hodi "RESPEITU" ema seluk, mas sai fali MAUSUKIT hanesan labarik, kuitadu liu!

APPARENTLY YOU ARE NOT AS GOOD AS WHAT MANY OF US THOUGHT.

MR. ALKATIRI PLACE YOURSELF AS A HISTORICAL LEADER & A PUBLIC FIGURE FOR US THE YOUNG GENERATION THAN BEING A PROVOCATOR YOURSELF.

.