Povu Maubere la bele tenki ema seluk nia atan - Borja da Costa

.

Borja da Costa, in "Selecção de poemas, Klibur Dadolin"

Sei buka

moris

no koko

atu haluha-an
hodi servi povo.

Sei buka

luta

atu manán

hodi halakon

ta'ok

nu'dar atan.

Sei buka

rai ne'e

fui

ho kosar

ho domin

atu habokur.

Sei buka

povu  ne'e

hanorin

atu hatene

katak se hakarak

susu nia.

Sei buka 

halo

haburas

hosi rai ne'e

sama haneha

ema foun.

Sei buka

sobu

no halakon

ho todan

no hahalok aat

kolonialista nian.

SEI HAKILAR HO LIAN MAKA'AS

KATAK POVU TIMOR

POVU MAUBERE

LA BELE ATAN TENIK

EMA SELUK NIAN

EMA SELUK NIAN

EMA SELUK NIAN

EMA SELUK NIAN.

.