PR TAUR TRISTE, NCBA HATERUS POVU ERMERA

.

Foto:Presidência da República de Timor-Leste, Facebook.

Jornal Nacional Diário

Kompañia NCBA, haterus povu iha Suku Caterai Leten no Caterai Krai, Suku Guololo no Suku Eraulo, Postu Administrativu Lete-Foho, Munisipiu Ermera,  tanba NCBA ateru fali estrada ne’e ho rai hodi halo estrada ne’e sai aat liu tan iha tempu udan hanesan agora.

Estudante Novenha de Deus hatete katak, estrada refere antes ne’e kondisaun di’ak hela maske kuak, maibé depois NCBA ateru tiha, halo kareta sira ne’e mout arbiru, no motor sira ne’e atu liu difisil tebes.

“Kompañia NCBA ne’ebé ateru dalan husi Eraulo to’o Guololo, ateru de’it ho Rai hodi halo estrada sai aat liu tan,” relata Novenha de Deus bainhira dialogu ho PR Taur Matan Ruak iha Suku Caterai Leten no Kraik, Kuarta (29/06).

Alende ne’e, komunidade Agostu mós informa katak, atu atinji povu nia ekonómia iha rai laran ne’e, persija hadia mak estrada, tanba estrada iha Suku refere aat tebes.

Purtanto, Xefi Suku Caterai Kraik,  Carlos de Deus informa katak, Suku refere nia luan  km 24 ho total populasaun 1924, xefi falimia 207, kompostu husi aldeia 9.

Maioria popolasaun iha Suku ne’e, moris ho vida agrikultura. Produtus agrikultura mak hanesan, kafe, batar, fehuk, aifarina, kontas talas, modo tahan no seluk tan.

“Ami Suku ne’e, iha 2013 halo ona Postu Saúde ida, mais to’o agora seida’uk intrega mai ami. agrikultura, estensionista ida, funsionário permanente 7,” relata nia.

Nia haktuir, Durante ne’e iha Suku refere laiha komflitus, povu iha kooperasaun di’ak ho Estadu.

Nia hatutan, povu Suku Caterai iha esperansa bo’ot katak, ho vizita PR Taur nian ne’e, ba futuru preokupasuan povu iha Suku refere, Governu sei responde.

Purtanto, Xefi Suku Caterai Leten, Teotonio de Deus Araújo mós informa katak, total Aldeia iha Suku Caterai Leten ne’e iha  7, Xefi familia 658, total Populasaun 3041.

Maioria povu iha Suku Caterai Leten, moris ho vida agrikutura. Produtu agrikultura mak kafe, fehuk, hudi, aifarina, talas Batar no seluk tan.

Hatan kona-ba  ida ne’e, Prezidenti Repúblika (PR), Taur Matan Ruak hatete katak, Estrada ba Hatubuilico, tama ona iha planu, ida ne’e la’os Timor mak halo, maibé estranjeiru mak halo.

“NCBA tate estrada lori fali rai, ida ne’e ami haree duni, estrada nia kondisaun ladiak, se ita la kuidadu kareta bele monu tu’un ba rai naruk,” katak Xefi Estadu ne’e.

Nia hatutan, Eletrisidade ne’e probelema oit oan, maibé la’os iha Suku ne’e de’it, iha fatin barak mak seida’uk asesu ba eletrisidade.

“Ha’u husu ita bo’ot sira atu kontinua pasiensia, tanba eletrisidade ne’e sei mai to’o imi, ita nia Estadu la halo balu ba anak emas, no halo balu ba anak tiri, hot-hotu hanesan,” katak Taur Matan Ruak.cos

.