Governu fasilita Eurico Guterres nian oan, PM Rui tenki investiga MS

.

Jornal Nacional Diário

Responsável Associação dos Veteranos Resisténcia (AVR), Aquilino Guterres “Ete Uku” informa, Primeiru Ministru (PM), Rui Maria de Araújo, tenki responsabiliza atu investiga Ministériu Saúde (MS), tanba fó dalan ba Ronaldo Guterres oan husi lider pro-autonomista Eurico Guterres hodi halo tratamentu saúde espesiál iha Singapura.

“Ita nia Primeiru Ministru tenki buka atu investiga Ministériu Saúde tanba fó dalan ba Eurico Guterres ninia oan mane ne’ebé maka halo tratamentu saúde iha Singapura. Nune’e konabá situasaun ida ne’e ha’u husu ba Governu katak povu ida ne’e ita haree katak povu ida que pasensia, maibé pasensia mós iha limiti ne’ebé la’os ita ameasa malu maibé ita krítika malu katak fó hanoin ba malu para saida maka ladi’ak ita tenki hadia, no saida maka di’ak ita hotu hamutuk hodi la’o ba dezenvolviemtu no sustentável ba nasaun Timor-Leste (TL),” informa Ete Uku ba Jornalista sira iha nia knaar fatin Balide-Díli, Tersa (26/07/2016).

Nia esplika, PM Rui nu’udar Xefi Governu no ezekutor orsamentu Estadu ninian iha responsabilidade atu husu esplikasaun husi MS katak liu husi prosedimentu saida maka sira autoriza tratamentu saúde espesial ba Eurico Guterres ninia oan Ronaldo Guterres.

“Tanba sá maka la fó prioridade tratamentu espesial ba ita nia manu aman veteranus FALINTIL sira ne’ebé maka uluk durante tinan 24 luta ba ukun rasik-an, ohin loron balun moras mós to’o mate hanesan saudozu Liter husi Munisípiu Baucau, Adjunto Mauputo husi Munisípiu Aileu ne’ebé maka agora moras boot no Samba 9 husi Munisípiu Liquiça ne’ebé maka agora moras psikolojia,” dehan Responsabel AVR.

Nia akresenta katak, ho veteranus sira maka ohin loron Timoroan barak maka tuur iha pozisaun di’ak iha kada ministériu no Organizasaun Não Govermentais (ONG) sira, nune’e sá espesial saida maka familia lideransa otonomista Eurico Guterres iha hodi ninia oan mane Ronaldo Guterres hetan lisensa husi MS halo tratamentu saúde espesial iha Singapura.

“Ita nia nasaun Timor Leste iha lei no ita nia prosedimentu legais hanesan mós ho nasaun sira seluk, nune’e tanba saida maka ita nia ema sira assuwa’in sira ne’ebé durante tinan 24 luta ba ukun rasik-an ohin loron moras ita la fó atensaun maibé fó atensaun fali ba Eurico Guterres ne’ebé que ema nasaun seluk ninia ema,” tenik Aquilino Guterres.

Governu mak selu Eurico Guterres nia oan

Governu Timor Leste, liu husi Ministeriu Saúde no Hospital Nacional Guido Valadares (HNGV) hasai karta autorizasaun hodi fasilita Eurico Guterres nia oan, Calistro  Guterres, ba halo tratamentu saúde iha Singapura.

Informasaun ne’ebe iha katak, Eurico Guterres nian oan ba halo tratamentu Saúde iha Singapura selu  husi Governu no prosesu Ronaldo Guterres ba halo tratamentu ne’e fasilita husi Governante balun ne’ebe iha relasaun besik ho Eurico nia ferik oan.

Governante ne’e halo esforsu hotu hodi trata Ronaldo Guterres, to’o hetan autorizasaun ofisial husi Ministeriu Saúde (MS) para bele ba halo tratamementu iha Singapura.

Eurico nia oan, Ronaldo Guterres ho nia inan mai hela iha Timor desde tinan 2004 no Eurico devorsio tiha ona ho Ronaldo nia inan hodi hola fali feto ki’ik.

Prezidente Comite 12 de Novembru, Gregorio Saldanha, senti konfuzaun tebes ho notisias Governu fasilita Eurico nia oan ba halo tratamentu saúde iha Singapura.

  “Hau mos rona no publika iha rede sosial Facebook dehan katak, Eurico nia oan ba halo tratamentu espesial iha hospital Singapura.  Hau la hatene buat ne’e los ka lalos, maibe hanesan Timor oan, se ne’e los maka la dun diak, tanba ema barak maka kontribui ba rai ida ne’e mas to’o agora seidauk hetan tratamentu espesial hanesan Eurico nia oan,” hateten Grigorio Saldanha, hodi responde JNDiário iha Sede Comite 12 de Novembru, Dili, Tersa (26/7/2016).

Grigorio husu ba Governu atu trata ema hotu hanesan, tanba ema hotu nia direitu hanesan iha rai ida ne’e. Mas, realidade ema barak moras susar tebes atu hetan trtatamentu espesial hanesan Eurico Guterres nia oan mane.

“Povu ne’ebe fo sira nia vida tomak ba rai ida ne’e presiza mos tratamentu espesial no tenke iha justisa ida ba sira. ita la bele fasilita deit ema balun mas ita ignora fali ema seluk,” afirma Grigorio Saldanha.

Nia senti novidade ne’e tristes boot no soke ida ba nia, tanba povu barak susar tebes atu hetan tratamentu espesial husi Governu, maibe fasil ba Eurico Guterres nia oan hetan tratamentus saúde espesial iha Singapura.

“Ita senti katak buat ne’e la justu, tanba ne’e, prezisa mos hadia sistema sira iha MS no HNGV tanba halo buat balun la diak ba povu ida ne’e no fasilita fali ema sira ne’ebe uluk lakohi ukun an sira nia familia hodi hetan tratamentu espesial,” afirma Grigorio Saldanha.

Husi sorin seluk, membru Parlamentu Nasional (PN), Domingos Carvalho, lamenta ho atitude Governu ne’ebe halo tratamentu saúde ba oan husi lider otonomista no milisia nia ulun boot Eurico Guterres.

“Problema ida ne’e seriu teb-tebes, aman hela iha fatin ida i oan sira hela iha fatin ida. Sira nega ona Timor depois o nia oan mai tratamentu i Governu maka tau osan ba halo tratamentu nusa maka lori ba Indonesia para Aman sira no ema sira nebe fo apoiu ba otonomi hodi fo tratamentu ba sira nia oan,” afirma Deputadu Domingos Carvalho.

Nia hatutan hanesan Deputadu la aseita tamba ema sira ne’e uluk pro otonomi nusa maka hela ketak ketak, lolos ne’e ema sira ne’e hela hamutuk para halo tratamentu iha Indonesia neba, hasai rasik osan.

“Hau mos koalia ona Vise Ministru Soidariedade Sosial (MSS), Miguel Manitelo atu bele tau atensun ba veteranu sira nebe to’o oras ne’e kartus sei iha isin lolon, nusa ita la tau atensaun ba ema sira ne’ebe sofre no tanis durante tinan 24 nia laran, ita ba tau atensaun ba ema nebe kontra rai ne’e atu ukun an,”  hateten Deputadu Domingos Carvalho.

Deputadu ne’e mos husu atu Ministeriu Saúde labele toma medidas ba ida nebe maka atu halo tratamentu ba Eurico Guterres nia oan tamba ema nebe luta ba ukun an ida ne’e mos barak maka sei moras hela no nunka hetan tratamentu espesial hanesan Eurico nia oan.

Iha parte seluk, Diretor Apoio  Diag& Terapiutica HNGV,  dr. Mendes Pinto, informa katak, Eurico Guterres  nia oan hetan autorizasaun halo tratamentu iha Singapura tanba nia dokumentu kompletu no priense kriteria hotu husi Governu.

“Eurico nia oan iha semana hirak liu ba haruka ba halo tramentu iha Singapura tanba nia dokumentus tama kriteria husi kriteria mediku ho kriteria sidadaun tama hotu,” hateten dr. Mendes Pinto.

 Eurico Guterres nia oan komprova dokumentus hanesan sertidaun baptismo, kartaun Bileti Identidade (BI), Passaporte, Sertidaun RDTL nomos kartaun  Eleitoral.

“Nia kriteria ne’e memenuhi, ne’e mak junta mediku sira tur hamutuk foti desizaun haruka ba iha Singapura  halo tratamentu,” informa dr. Mendes Pinto ba jornalista sira iha nia servisu fatin HNGV.

Nia hatutan Tuir konstitusaun RDTL  haruka katak Governu iha obrigasaun atu fo atendimentu ba sidadaun Timor oan hotu hanesan.

Maske nune’e, dr. Mendes Pinto, la esplika klaru ba jornalista sira kona ba Eurico Guterres nian oan ne’e moras saida.ves/lj1/nes/car

.

Luta nain nia oan terus ba moras, milisia nia oan sira hetan tratamento iha Singapore

.

Lalatak Moruk

Povo luta nain nia oan terus ba moras, milisia nia oan sira hetan tratamento saude spesial iha Singapore

Hospital Nacional Guido Valadares, Dili, iha semana ida ne nia laran sei evakua eis komandante milisi Aitarak, Euriko Guterres nia oan mane, Ronaldo Guterres, ba hospital Singapore hodi halo tratamento espesial hanesan level Ministru sira nian.

Informacao ne hetan hosi parte balun iha Ministerio saude naba, nemak realidade nebe’e agora lao dadaun iha ita nia rai. Pro otonomista sira hahu loke hikas liras, povo luta nain nia oan sira atu ba deit halo tratamentu iha Indonesia susar tebes no tenke presija tempu naruk, veteranos barak hein ba hein nunka ba, balun hein to mate tia deit maibe ida uluk nia aman traidor no lakoi timor atu ukun an, nia oan sira agora mai hetan fasilidade istimewa ba halo tratamento iha liur saida mak ida ne, governu liu hosi ministeriu saude fo liu preoridade ba UNTAS nia familia-traidor bot nia oan kompara ho povo nia oan rasik.

Timoroan sira labele toba liu hare loke matan buat balun hahu lao ladiak ona iha ita nia rai, uluk ita terus laos Euriko Guterres, Joao Tavares, Mariano Lopes, Armindo Mariano, Bader, Mateus Maia, Abilio Osorio, Gil Alves,  sira nia oan sira mak atu goza fali ukun an ne diak rahun tan dala ida ba depois hadia fali, demais liu ona!
.

.

Avo Nana Prepara Intelektual Otonomista hodi ukun TL iha futuru (II-remata) husi Joao Choque

.

Foto: Público

Husi: João Choque - Opiniaun

Nasaun ne ita atu lori ba ne’ebe maun Xanana, zona aman sira matenek to ba ida ne’ebe? Rezistensia nia ema lubun iha TL ne’e ita atu ba hatur iha ne’ebe? Sira halo ona saida durante periodu maun Boot ukun ne’e. Sekretariu Estadu nain rua mak back ground la klaru, ida un prinsip no ida seluk ignorante. Signifika imvolvimentu sira nian iha resistensia mamuk, lato ona sira mos laiha fuan atu hare sofrementu povou ne’e iha rezistensia. Ita boot fo kargu ba sira be sira atu halo saida ba povu ne’e. Sira nee Dr. animal maibe avo Nana obriga mai kurativo ema, dezastre.

Progresu iha ka durante sira kaer ukun ne’e?

Kargu rua mak vital tebes iha nasaun ne’e, Defesa no Siguransa, durante ema hirak be ignorante ho Unprinsipu ne’e kaer kargu ne’e, buat hotu lao diak sira set up programa mesak  furak e hadia hotu sistema administrasaun ne’ebe mak dala ruma falha hela. La hamosu disturbio iha PNTL no FDTL nia uma laran, maibe keta haluha Ministro iha Avo Nana nia liman. Ministru edukasaun iha Governo AMP agora akuzadu tanba diskonfia halo pratika korupsaun.

Sira sai cavalo mandadu ka?

Dala ruma avo Nana utiliza deit sira atu avo Nana bele manda tuir avo Nana nia hakarak tanba sira nia back ground, sira loyal i servicu diak liu i rona duke resistensia nia ema. Tebes sira rona duni e halo tuir buat hotu avo Nana hakarak no sira konta ba sira nia familia dehan sira mak konhese diak liu avo Nana duke rezistensia nia ema sira mak loron kalan lao lekun-lekun tama fatu kuak sai fatu kuak, sae foho tun foho, udan e loron manas, han fahe aifarina baluk, hetan atakes husi militar halai hamutuk subar iha kuak ida. Depois de hatun ema prinsipiu laiha ida, Avo Nana kontinua foti tan fali ema fuan laiha ida mak sae nafatin ba kaer kargo Ministru Defeza. Komik maibe ne realidades.

Politika rekonsiliasaaun.

Politika nebe mak ho objetivu bot atu rekonsilia fali povu terus nain atu hamutuk fali iha luhan ida no tenta atu uja pasadu hanesan referensia hetan progresu bot iha palku Internasional. Komunidades Internasional admira Povu TL ne’ebe terus iha tinan naruk, gerra sivil hahu kedan1975 to 1999 bele tur hamutuk iha meza ida hamnasa no koalia ba malu. Povu sira ne’e konta sira nia istoria pasadu maski nakonu ho mata wen maibe sira kontinua korazen atu koalia sai.

Sira intlektual otonomista mos iha direito  atu ukun Nasaun TL ka..?

Bele, soke problema mak ita mai ho konseitu deferente. ita husu pergunta nusa mak ema TL oan sira lahatene halo ahi kose ho daun? serake 24 anos ita integra obrigatoriu  ba rezime Soeharto intelektual Timor oan lubun mak kaer pasta politika iha Timor-Timur iha pozisaun estategiku hodi foti desizaun? (intervista oan ida iha Media balun mak publika iha tempo okupasaun Amo Belo koalia furak  katak” Orang Timor bukan bodoh tetapi tidak di beri kesempatan”. ita bele provas ona depois de ukun an joventude/ jerasaun foun hatudo ona ba ita, sira rihun ba rihun ba eskola iha ema rain, sira ba ho kondisaun minimu, halo remata eskola ho pontus nebe nabilan tebes. Atan hau hakarak analiza ho asumsi balun ne’ebe dala ruma sala  e laiha basik fundamentu ba siensia. Maibe kuandu ita akompanha didiak prosesu integrasaun ne’e lao ita nota  katak iha konspirasaun bo’ot hodi hatur povu iha situasaun ida ne’ebe beik hodi ukun nain intregrasionistas kontinua ukun ho durasaun naruk, sira utiliza razaun ne hodi halo diplomatika ba mundu tomak katak ”Timur-Timur  belum mampu berdiri sendiri”.  Sira disanima povu sira atu labele mehi ba ukun ann. Hanoin hanesan ema kolonialista ne’e ita fo fali tempu atu ukun povu TL? Sira  atu halo saida tan ba povu simples ne’e? Ema hirak mak laiha solidaridadees, unprinsip, egnoransia atu hodi povu ne’e ba ne’ebe? atan hau hakerek ona artigu ida uluk atu discobre sintimentu ema hirak ne’e nian ba hadomi povu ne to ba iha ne’ebe, tanba povu TL sorin sira hodi halai sai ba Indonesia sira  abandona hela iha ne’eba. Sira korazen koalia matan mean katak  rai ne’e mos sira nian e sira mos partense. Sira nia ema rasik mak sira influensia atu defende otonomia mak sira la preokupa tiha ona e pior ke ita hirak nee. (akompanha relatorio nebe Yayasan HAK ofrese ona ba Estado TL konaba situasaun eis refuziado Timor Oan sira iha Indonesia)

Atan oan sira avo Nana konsidera dehan intelektual ne’e ema mesak laiha fuan, ema hirak ne’e prekupa liu rai TL nia riku  duke povu, sira atu hodi povu ne’e ba ne’ebe?

Ita Timor oan hotu, preokupa ba futuru rai doben TL maibe envolvimentu emar hirak ne’e ba ukun iha TL sedu dimais. ’SEGA’  maun Xanana, lia fuan murak mak lider rezistensia suprior sira atu konsidera. Otonomista nia ema ida kaer ukun iha nasaun ne’e depois nia husik hela kargu nia kontinua hetan pensaun vitalisia ninian ho orsamentu ida mak bo’ot liu fali Veteranu no juventude loriku asuain sira. maluk joventude loriku asuain sira ita tengki esforsu makaas atu bele hetan justica sosial, kleur ou lalais. Ema sira ne’e simu osan hirak ne’e ho orgulhu, lori goja ho sira nian familia, la moe ka?

Hau aseita ho statemento maun Lere no maun Taur  konaba povu simples otonomista sira mak ho hakraik ann hakarak fila ba sira rain horik ba. “Divia ita simu mak povo sira nee laos intelektual sira nebe mak mai naklekar iha TL nee e kaer tan ukun. Dala ida tan simu mak povo simples otonomia sira  duke intelektual sira mak laiha fuan no prinsipiu,” Atu nune ita hatur lolos povu iha nia fatin, no intlektual otonomistas  sira iha nia fatin. Hatudu ba mundu katak imi superior resistensia fuan bo’ot no hatene lolos problema nia hun. intelektual otonomistas sira utiliza deit povu hirak ne’e ba sira nian intereses ukun no riku soin TL duke povo kuandu otonomista mak manan iha jajak pendapat 1999. Exelentisimo General Lere Anan Timor, ema ne’ebe mak lidera instituisaun ita bo’ot nian mai husi pasadu mak la klaru, foti medida emidiata hodi antisipa lalais. hau fo hanoin exelencia ho linguagen simples resistensia nian “matan moris neon nain. Hau ho Juventude rezistensia sira iha kedang ita bot nia kotuk. Viva Timor Leste, Viva povo maubere viva Falintil/FDTL.

Ita muda tiha lirik musika resistensia nian,” makikit naok ten buka di’ik funan, loriku rai nain fo fatin baa.

.

Bolseirus iha Brazil isin rua, PR Taur: Razaun ba públiku atu krítika Governu

.

Jornal Nacional Diário- 21 de julho de 2016

Prezidenti Repúblika (PR), Taur Matan Ruak preokupa tebes ho bolseirus Timor-oan na’in rua (2) ne’ebé mak Estadu iha Brazil deporta ona mai Timor Leste (TL) tanba isin rua.

PR Taur Matan Ruak dehan, problema sira hanesan ne’e mak durante ne’e públiku krítika maka’as Governu katak, bolsa estudu nia sistema ne’e ladi’ak.

“Bolsa estudu ita nian balun nain rua ba to’o iha Brazil ne’ebá isin rua tan tiha, haruka fila fali mai, entaun Governu hetan krítika barak katak, tanba saida mak la fó mai ami sira ne’e, ba fó fali ba ema sira ne’e,” dehan PR Taur Matan Ruak, bainhira diálogu ho komunidade iha Suku Saboria Suku Fahiria Tersa (19/07).

Taur Matan Ruak afirma, Estadu nia  problema kona-ba bolsa estudu ne’e bo’ot tebes, tanba balun dehan, haruka familia mak ba de’it.

“Maibé iha ema nia rai ne’ebá ne’e, ita lahatene sira haruka fila fali mai duni, sira lahatene katak, ida ne’e Prezidenti ka Ministru nia oan, ema presiza matenek,”katak Xefi Estadu ne’e.

Taur Matan Ruak fundamenta katak, problema hanesan ne’e, akontese bei-beik ona, la’os foin mak akontese iha Brazil.

“170 resin mak mala’e sira haruka ita nia bolsa estudu Timor-oan sira fila fali mai husi portugal, tanba lahatene,” relata Taur Matan Ruak.

Xefi Estadu ne’e afirma lia hirak ne’e hodi responde ba preokupasaun komunidade Suku rua ne’e nian ne’ebé hatete katak, bolsa estudu durante ne’e, povu ki’ik nia oan sira difisil atu partisipa.cos

.

DOM NORBERTO DÚVIDA HO ORSAMENTU RETIFIKATIVU

.

Jornal Nacional Diário - 21 de julho de 2016

Bispu Dioseze Maliana Dom Norberto do Amaral, senti dúvida ho Orsamentu Retifikativu (OR) ne’ebé Parlamentu Nasional aprova foin lalais ne’e, tamba Orsamentu Jeral Estadu seidauk ezekuta hotu.

“Ba ha’u pesoalmente, orsamentu rektifikativu ne’e kauza ne’ebé justu  bele halo, maibé hau hare buat ne’e iha hela de’it ratifikativu, maibé  Orsamentu  Jeral  do  Estadu  balun  ezekuta  la  hotu  tan,  nune’e  ratifika  osan  ne’e  ba  halo  saida, ne’e  la  tama  ita nia kakutak  no  halo  ita  ulun  moras,” dehan Bispu Dioseze Maliana Dom  Norberto  do  Amaral ba  JN-Diário  iha  Seminário  Minor  Balide,  Kuarta  (20/7).

Amo Bispu hatutan, tinan-tinan  Parlamentu  Nasional  aprova  Orsamentu  Jeral  do  Estadu  (OJE)  ho  montante  ida  ne’ebé  bo’ot, maibe ninia  benefisiu  ba  povu  laiha  nafatin.

“Ba  hau  nia  hare  konaba  progresu  dezenvolvimentu  iha  rai  ne’e  “tata  rai”mak  ne’e  de’it  ami  ba  iha  Zona  Espesial  Ekonomia  iha  Ambeno  Oe-cusse  ne’e  diak, nune’e  aban  bairua  projetu  ne’e  remata  allahamdulilah  sei lori  povu  Oe-cusse  ba  diak,  maibé  povu  tomak  oinsa,”tenik Dom Norberto.

Dom Norberto mos haktuir katak, uluk Prezidente  da  Repúblika  Taur  Matan  Ruak  nia liafuan dehan iha  Parlamentu  Nasional katak, Governu gasta osan arbiru ne’e iha  razaun, tamba  ita  soe  osan  arbiru  depois  ita  husu  osan  ratifikativu, osan  ne’e  povu  nian, maibé  gasta  la  ho  responsabilidade.

Tan ne’e nia sujere ba Governu, diak liu lalika iha projetu emerjensia, tanba halo ho ansi no laiha kualidade to’o ikus soe no abandonadu.

Iha parte seluk, reitor Unversidade Dili (UNDIL) Estevão da Costa Belo dehan, lolos Governu tenki tau orsamentu retifikativu bo’ot ba setor saude no edukasaun, tanba setor rua ne’e mak importante.

“Governu tenke aprova orsamentu ratifikativu barak liu ba area saude ho edukasaun, tanba setor ne’e mak importante, basa edukasaun mak xave dezenvolvimentu nasaun no saude diak mak nasaun forti,”dehan Estevão.

Tuir reitor ne’e katak, kuandu iha nasaun ida mak ema matenek menus, dezenvolvimentu lalao ba oin, tanba ne’e Governu tenke aprova OR barak ba setor refere. Nune’e kapasita dosente no profesores atu produs jerasaun ne’ebe kualidade.Tos/Eti

.

Avo Nana Prepara Intelektual Otonomista hodi ukun TL iha futuru husi Joao Choque (I)

.

Jornal Nacional Diário - Opiniaun

Sobrevivente Masakre Santa Cruz/loyalis Comandante em Sefi Kayrala X Gusmao

Hela iha Becora

Makikit naok ten buka diik funan, lorico rai nain la fo fatin.

 Kantiga resistensia mak ami lori lek- lekun iha let ida ba let seluk, atu spiritu joventude luta nain no terus nain kontinua firme iha sira nia fuan hodi kontra okupasaun ilegal. Kuandu ordem tun husi komando sa oras no tempo joven lubun ofrese ann  ezekuta. kalan e loron, udan e loro manas, hamlaha ou bosu, sira ho esforsu bo’ot hakerek espanduk lahun ladikin ho linguagen ne’ebe sira bele hanoin kona deit, naran katak kontiudu mak aserta ho resistensia nia hakarak ”mate ka moris ukun rasik ann. Joventude hirak ne voluntariamente halo tuir tanba ordem mai husi  ita bo’ot  komandante em Xefi Kay Rala Xanana Gusmao. Sira tun ba manifestasaun, sira barak ho hela farda eskola, sira husik eskola ho sira nia futuru no lakon let deit ho isin lolon tomak, to oras ne sidauk fila ba uma “imi oho ona sira, mate isin fo fila mai atu ami familia halo,ot”,  ita rona inan aman sira hakilar halerik. Inan aman sira sente mesak, e sente laiha emar ida mak tulun sira. Dalaruma sira sempre iha esperansa katak sira nia oan sira ne’e la mate, sira hamutuk hela ho sira nia maun Falintil iha Ailaran, so hanoin hanesan nune’e deit maka bele fo forsa ba sira hodi hasoru futuru ne’ebe nakonu ho misterio.

Comp. Gregorio Saldanha kontinua eziste iha nia pozisaun atu buka tuir joventude loriko asuain hirak ne’e nian paradeiro, esforsu hotu nia halo hanesan responsabel moral ninian ba povu maubere liu-liu ba saudozu sira nian familia. Maun Xanana, ema barak komesa mensiona katak ita bo’ot nia familia nein ke ema ida mos mate tanba resistensia naruk ne’e. Argumentu sira hanesan nune’e nakonu ho sintidu, buat balun karik lalos mak sira korazen koalia. Los ou lae ita bo’ot mak so bele hataan rasik, ami juventude hirak ne’ebe intrega an ba resistensia ne la hatene istoria pasadu 1975, ami so sente deit katak nasaun presiza ami nia tulun iha tempu ne’eba. Povu presija ami nia tulun atu lori sira sai husi situasaun nakukun ba naroman, povu sira moris la libre iha sira rain rasik direitu sira nia rezime Soharto kapa.

Resistensia nia lalaok mak hanesan nune’e ona, superior resistensia sira ema tane hanesan be,e iha kakun laran mak la fakar, e labele duni fakar, resistensia nia ema sira nunka moris iha zona komportable, e keta mehi atu moris iha zona ne’eba. Resistensiania nia ema sira loro-loron fera ulun hodi forma lia fuan atu hatan ba militar Indonesia hodi salva sira nia an karik dala ruma SGI (komando Spesial Militar Indonesia) kaer tanba redi klandestina kuak ou spiaun militar Indonesia halo kuak.

Iha tempo rezistensia fatin historiku mak labele lakon iha juventude no povu nian pensaun, SGI Colmera no uma piku iha Baucau (iha mos fatin seluk) fatin ne’eba fatin julgamenetu ba povu maubere, tanba kontra hahalok at  Indonesia no hakarak ukun ann.” laiha juis, laiha procurador, laiha Defensor. so resistensia nia ema mak sente lolos saida mak akontese e so maromak deit mak sai forsa loriku asuain no povu maubere nian esperansa ikus’. O deskobre lalais atividades klandestina ou hatudu falentil sira iha ne’ebe? Ou sira baku tortura o to mate kik ou mate liu depois hakoi subar, sei sorte iha sira husik ita fila uma mais kuitado ita nia isin la aproveita, ita nia fen ho aon sira simu ho tanis, amigos sira seluk nonok deit tanba sira hatene ita sei moris iha trauma laran. Manu kaldu ou aimoruk atu resistensia nia ema sosa, dala ruma sira aleiza to mate iha dalan klaran.

Intrudusaun hirak hakerek dadaun hodi loke hikas fali superior resistensia sira atu hader lalais iha tempo dader, no halo planu foun ba futuru nabilan TL no povu maubere terus nain ne’e

Motivasaun hakerek nain nian.

Depois de nasaun hetan  libertasaun pengecut sira barak koalia katak prego  mak halo nasaun ne’e ukun an, dala ruma resistensia nian ema laran moras. Sira haluha katak pregu mai husi prosesu naruk ida, sira barak mak nunka sente saida mak torturasaun no koalia naklekar hanesan prosesu to ba ukun an lao furak iha ambito dame laran ou  prezente ida mak Indonesia “fo ho laran murak ba povo maubere’. triste maibe ida nee mak realidades.

20 de maio 2002 mak loron  ita tomak legaliza Timor-Timur sai fali ba Timor Leste (TL), ohin halo ona ba tinan 14. Kuandu ita akompanha lolos situasaun iha rai laran dala ruma rezistensia nia ema sira triste soke laiha kbit atu espresa ho maneira elegante. Povo terus nain sira sente “afinal ema hotu-hotu hetan komportamentu hanesan, i dala ruma sira be nunka involve an iha rezistensia naruk ne’e hetan hikas sira nia riku soin no tur tan iha fatin diak hodi foti  desizaun  povu maubere nia destinu. Uma rai no riku soin otonomistas foti hikas no hetan garantia husi Estadu ne’ebe sira la partense ba.  Sira ne’ebe uluk moris iha zona komportable sei kontinua moris iha Zona refere. Rezistensia nia ema sira kuitadu, barak husi sira, uma ahi haan rabat to rai,  se mak sunu sira hirak nia uma , ema sempre hataan lalais Milisia pro Indonesia. dala ruma ita husu  tan, se mak forma milisia hirak ne? Militar Indonesia. ita nunka hanoin kona atu siik lolos ema hirak nee se mak haforsa? Intlektual otonomia sira kontinua iha zona aman, povu otonomia no milisia mak lori todan. sira balun naklekar ann iha Dili laran nee dehan hau otonomia mais la halo krimi, imi iha evidensia hodi ba tribunal, komik maibe realidades.

Kontiudu artigu ne’e.

Depois nasaun ne hetan krize Militar iha 2006,  partidu CNRT mosu ho lider resistencia maximo Kay Rala Xanana Gusmao halo povu TL hakfodak tanba zona komportable sira lubun iha laran. triste liu tan, ema ida mak tur iha kargu Sekretatio jeral Partidu nian istoria resistensia laiha. Dehan nia hetan fita Mean husi komandante L-7 L Foho Rai bot. Dalaruma hau hakfodak katuas L7 fo fita matebian sira nian kbi’it ne’e sem konsulta ho ami hirak mak simu ordem direita husi Comandante L7 iha tempo resistensia, karik Saudozu Rodak Teki Timur sei iha hau hakarak koalia ho nia, husi fuan ba fuan. maun Xanana kontinua hili no involve zona aman ne hodi kaer kargo refere. Kaderizasaun ka?  Povu kontinua sai povu, kiak kontinua kiak, e matenek nain sira kontinua matenek nain. Dala ruma ita laran moras haree sasan hirak liu-liu joventude no povu loyalista Avo Nana.

Saida mak spesial husi ema hirak ne’e?

Intelektual mak laiha Prinsipiu?

.

World watches as TL destroys freedom of speech

.

Ted McDonnell

PRESSURE is mounting on the Timor Leste government and Prime Minister Dr. Rui de Araújo with four international bodies calling on the controversial PM to drop criminal defamation against journalist Oki Raimundos and publisher of the Timor Post Lorenco Martins.

Under archaic Timor Leste criminal defamation laws, Raimundos and Martins could face jail and huge fines. Timor Leste is one of the few countries to have such “chilling effect” laws.

The defamation case comes at a time when the current coalition government prepares for the 2017 elections. Many believe the case is being used to silence criticism of the de Araujo government and almost a decade of alleged corruption under the previous PM Xanana Gusmao’s reign.

International Federation of Journalists; South East Asia Journalist Unions; Committee to Protect Journalists and Freedom House have each called on Timor Leste’s PM to drop the charges.

In its response to a letter from Dr. de Araujo the four media and freedom organisations state: “with great respect, is not the answer to this issue. The fact that the criminal law allows for the investigation and prosecution of journalists for inaccuracy or what may be regarded as unfair reporting points is, by itself, unacceptable in any modern democratic country. 

“It is all the more disappointing that Timor-Leste, a democracy, has such laws and highlights the need for urgent law reform.

“All our organizations have campaigned globally against criminal defamation and other laws that permit the jailing of journalists for their reporting. In fact, the global standard in functioning democracies is a strong move away from such oppressive laws.”

The letter concludes: “It is our belief that the criminal charges pending against journalist Oki Raimundos and the Timor Post threaten a wider chilling effect on the East Timorese media. 

“With reporting on issues related to your leadership and governance at the heart of this issue, we again strongly urge you to exercise the power of your executive office to drop these misguided and potentially damaging charges.”

Timor Leste’s Coalition government has spent almost a decade silencing critics; throwing out foreign judiciary; attempting to silence local and international media and attempting to shut down local political rivals. 

In August 2015, outspoken government critic Mauk Moruk was gunned down and killed at the behest of the current government. His family never received an autopsy report. Moruk corpse had at least 41 bullet wounds. 

Meanwhile, friends and family of the Gusmao and the de Araújo governments have become rich as Timor Leste remains a poverty stricken nation.

Critics of the government believe the government will try to silence Opposition prior to the next election by shutting down the internet and controlling telecommunications.

Reportedly, Xanana Gusmao’s favoured nephew Nilton is attempting to buy Timor Telecom – Timor Leste’s largest telecommunications company.  Nilton has been made rich by oil contracts signed by his uncle almost a decade ago. The contracts were supposed to be illegally signed, however, the have stood the test of time. Nilton is now one of Timor Leste’s richest men along with his uncle’s other friends and cronies.

Foreign investigators and judiciary were thrown out of Timor Leste in October 2014 as they were gathering evidence of corruption against a swath of politicians.

.

.

.

Estatua Nicolau Lobato nakfera

.

Jornal Nacional Diário - 20 de junho de 2016

Kondisaun estatua Nicolau Lobato iha fatin istóriku Aiserimou, Postu Administrativu Aileu Villa, Munisípiu Aileu, agora dada’uk komesa nakfera no halis  atu monu ona.

Monumentu Nicolau Lobato ne’e, foin mak harii iha tinan 2014, maibé agora dada’uk estatua ne’e hanesan tiha ona tinan 20 resin.

Prezidenti Repúblika to’o iha Suku Aiserimou, iha oras tuku 14:00 Otl, hodi diálogu ho komunidade iha Suku Seloimalere ho Suku Aiserimou.

Komunidade iha Suku rua ne’e, antusiaismu tebes hodi forma iha estrada ibun basa liman haklalak hodi simu Xefi Estadu ne’e ho nia komitiva.

Bainhira Xefi Estadu ne’e hakat to’o odamatan Jardim Monumentu Nicolau Lobato nian, Taur Matan Ruak simu husi lia nain sira ho ferik katuas sira ne’ebé baku tambor hodi bidu akompaiña Taur Matan Ruak tama ba fatin diálogu iha jardim monumentu Nicolau Lobato nian.

Antes atu hakat to’o fatin diálogu, Xefi Estadu ne’e hakfodak tebes, tanba haree kondisaun estatua Monumentu Nicolau Lobato halis no nakfera ona.

Ho laran triste Taur Matan Ruak hateten ba Administrador no Xefi Suku Aiserimou katak, monumentu ne’e tenki hetan rehabilitasaun urjenti.

“Ha’u husu urjenti tenki hadi’a lalais estatua ne’e, tanba estatua ne’e harii seida’uk to’o tinan rua, maibé nakfera no halis dadauk ona, ita fakar osan saugati de’it, halo sasan sira ne’e laiha kualidade, estatua ne’e bele ba koa fali,” hatete Taur Matan Ruak bainhira haree direita estatua Nicolau Lobato ne’e, nia kondisaun, Segunda (18/07).

Xefi Estadu ne’e mos husu ba Xefi Suku sira no no Administrador sira iha Aileu atu tau matan no halo rekomendasaun lalais ba Governu atu hadia fatin refere, selae bele estraga.

Iha fatin hanesan, Xefi Suku Aiserimou, Ilidio Mau Felo mós hatete katak, estatua Nicolau Lobato ne’e, seida’uk to’o tina rua, maibé nia kondisaun ladik ona.

“Tanba ne’e, ami rekomenda ba Governu atu tau atensaun laalis ba estatua ne’e,” dehan Ilidio.cos

.

Folin kafé 0,33 centavos ne’e tolok Estadu

.

Foto: Presidência da República de Timor-Leste

Jornal Nacional Diário - 20 de junho de 2016

Prezidenti Repúblika (PR), Taur Matan Ruak hateten katak, kafé Timor Leste (TL) nia folin agora dada’uk ne’e, tolok Estadu TL, tanba kafé nia folin ne’e 0,33 centavos de’it.

“Iha Ermera sira dehan, di’ak liu kafé ne’e Governu mak sosa, tanba malae mak sosa ne’e, sira tolok fali ita, sira tolok ita nia abon, ita nia inan aman ita nia Estadu mos sira tolok lakon, tanba kafé nia folin ne’e, 0,33 centavos de’it,” dehan Taur Matan Ruak bainhira dialogu ho komunidade iha Suku Lahae, Postu Administrativu Aileu Villa, Munisípiu Aileu, Segunda (18/07).

Taur Matan Ruak haktuir, kafé Timor nia folin iha, maibé kafé na’in mak seida’uk hatene mekanismu di’ak ba sira nia kafé.

“Tanba ita adopta merkadu livre, ida ne’e problema ida ne’ebé aban bainrua presiza hadia, tanba kafé iha nasaun seluk ne’e, folin maka’as,” katak Taur Matan Ruak.

Xefi Estadu ne’e esklarese lia hirak ne’e, hodi responde ba preokupasaun komunidade Hermegildo Mesquita nian kona-ba kafé nia folin ne’ebé tinan ba tinan nafatin de’it.

“Ami hakarak atu husu ba Prezidenti Repúblika Taur Matan Ruak katak, Governu tenki hasa’e folin kafé nian,” katak Hermenegildo.

Nia mós husu ba Governu atu halo irigasaun ba sira iha Suku refere, tanba iha Suku Lahae ne’e, iha natar barak, i nia mós ejiji ba Governu atu ajuda trator ba povu agrikultor sira iha Suku refere.

Alénde ne’e, nia mós informa ba PR Taur Matan Ruak katak, ema kbi’it laek iha Suku refere barak, maibé seida’uk hetan atensaun husi Governu.

“Ami husu ba Governu ne’ebé dehan katak, atu halo uma ba ki’ak sira, maibé iha Suku ida ne’e laiha. Ami iha Suku ida ne’e, ferik ho katuas barak liu mak seida’uk hetan osan terseira idade,” relata nia.

Hatan kona-ba uma ba ki’ak sira ne’e, PR Taur Matan Ruak dehan, uluk Governu hahú ho uma lima ba Aldeia ida, maibé to’o ikus Governu muda fali ba uma MDG.

“Uma MDG iha fatin barak, povu soe tiha, tanba kualidade laiha, iha maibé iha fatin balun ema uza,” katak Taur Matan Ruak.cos

.

Tenki priense rekezitus, Wainhira otonomista hakarak sai sidadania TL

.

Jornal Nacional Diário - 20 de junho de 2016

Tuir lei hateten katak Timoroan hotu-hotu tantu iha rai laran no iha nasaun ne’ebé de’it iha direitu atu hela no sai sidadaun Timor-Leste (TL), nune’e wainhira maluk Timoroan sira ne’ebé maka uluk integra-aan ba Indonesia hakarak mai fali TL tenki prense rekezitus ne’ebé vigora iha República Democratica de Timor-Leste (RDTL).

“Sé Timoroan sira ne’ebé maka hili autonomia no integrasaun ba Indonesia hakarak fila fali mai TL hanesan Timor ninia oan mai rekoñese Estadu TL hanesan Timor independente ona ne’e bele tanba povu hili tiha ona, tanba Timor ne’e ita hotu nian bele mai dez de que ita hakarak kumpri rekezitus tanba rekezitus ne’e tuir lei legal RDTL ninian, nune’e karik balun uluk iha problema ne’e lei maka hatene no autoridade sira ne’ebé maka iha ligasaun maka hatene,” Prezidente Komite 12 Novembru, Gregorio Saldanha ba jornalista sira iha salaun dos Direitus Umanus Farol-Díli, Tersa (19/07/2016).

Nia esplika, Timoroan ne’ebé maka iha TL no balun ne’ebé maka iha Timor Osidental ne’e iha relasaun familia ne’ebé maka la kotu tanba sei familia ba malu hela, i sé sira mai hamutuk hodi dezenvolve TL ba futuru ne’ebé maka povu hili tiha ona ne’e laiha buat ida.

“Ha’u koalia jeral de’it katak hanesan Timoroan TL ne’e ita hotu-hotu ninian, nune’e tantu nia uluk hili autonomia ou integrasaun ba Indonesia hakarak mai fali TL ho hanoin diak, la taka dalan ba kualker Timoroan hirak ne’ebé maka fó apoiu ona Indonesia ba Indonesia iha tempu rezistensia ninian,” dehan Prezidente Komite 12 Novembru.

Nia fundamenta katak, tanba realidade agora iha TL Timoroan ne’ebé maka uluk apoiu Indonesia ou hili opsaun autonomia agora dau-dauk hela no servisu iha TL, tanba ne’e maka Governu tenki kria régras ida atu nune’e Timoroan hirak ne’ebé maka hakarak fila-fali mai tenki tuir rekezitus ne’ebé iha, nune’e buat hotu bazeia ba lei.

“Rai ida ne’e ema iha ne’ebé-ne’ebé de’it uluk ate que la hili no la preokupa direitu no destinu Timor ninian mós agora dau-daun hela iha TL, só que ha’u dehan ne’e iha pengecualian ba asuntu balun, tanba kazu balun konaba lei ninian ne’e imigrasaun maka hatene, porque atu tama mai TL ou la tama ne’e kompetensia autoridade sira hanesan imigrasaun, Polisia Nasional Timor Lorosa’e (PNTL) no tribunal maka hatene ema ne’e bele tama ka lae,” tenik Gregório Saldanha.ves

.

PREZIDENTE REPÚBLIKA PARTISIPA IHA FUNERÁL VETERANU GERMENINO DOS REIS AMARAL “LEKISERA”

.

Presidência da República de Timor-Leste

Dili, 19 Jullu 2016 – S.E. Prezidente Repúblika, Taur Matan Ruak iha sesta semana kotuk partisipa iha serimónia funerál membru Konsellu Estadu no eis portavós kandidatura kampaña prezidensiál nian iha tinan 2012 ba atuál Xefe Estadu, matebian Germenino dos Reis Amaral “Lekisera” iha Suku Poetete, Postu Administrativu Gleno, Munisípiu Ermera.

Antes atu bá haloot iha matebian nia moris-fatin Suku Poetete, dahuluk matebian nia isin-mate lori uluk ba iha Kapela Gleno hodi halo misa requiem.

Hafoin remata misa requiem, Xefe Estadu iha nia mensajen hatete, matebian Lekisera fó nia kontribuisaun boot ba Timor-Leste la’ós de’it iha tempu luta ba ukun rasik-an maibé mós iha tempu ukun-an nia laran.

Xefe Estadu apresia tebes ba kontribuisaun matebian nian liuliu wainhira apoiu atuál Xefe Estadu nia kandidatura ba Prezidente Repúblika hodi sira na’in-rua la’o hale’u territóriu laran ko’alia kona-ba mehi no hanoin ba Timor.

 “Ami na’in-rua mehi ida de’it, mak Timoroan sira tenke kontribui. Nasaun ne’e hanesan mós família, labele ema ida de’it mak fó nia kontribuisaun maibé ita hotu-hotu hosi beik to’o matenek, hosi kiak to’o riku, hosi foin-sa’e to’o ferik-katuas, hotu-hotu fó nia kontribuisaun mak nasaun ne’e bele la’o ba oin”, dehan Xefe Estadu hodi hanoin memória Lekisera nian.

Xefe Estadu mós aproveita enkoraja oan-kiak sira atu hela, kontinua banati tuir sira-nia aman nia mensajen ne’ebé husik hela ba sira.

Ikus, Xefe Estadu hodi nia naran rasik, família no mós povu Timor-Leste nian naran agradese ba família matebian Lekisera nian, ba matebian nia kontribuisaun ne’ebé fó ona Timor-Leste.

Antes hetan moras stroke, matebian hanesan Prezidente Cooperativa Café Timor (CCT) ne’ebé parseira ho NCBA hosi Estadus Unidus Amerika hodi sosa kafé agrikultór sira-nian.

Entretantu ba matebian nia kontribuisaun iha luta ba Libertasaun Nasionál, maka iha tinan 2009 Estadu rekoñese matebian ho kondekorasaun Ordem Nicolau Lobato Grau II.

Matebian Germenino dos Reis Amaral ”Leksiera” moris iha loron 24 fulan-Novembru, 1949, no mate iha loron 13 Jullu 2016 iha Ospitál Nasionál Guido Valadares tanba sofre moras stroke besik tinan 3 resin. Matebian husik hela oan na’in-sia (9), mane na’in-neen (6) no feto na’in-tolu (3).

Foto: Presidência da República de Timor-Leste, Facebook.

.

SOSIEDADE SIVIL HUSU PR TAUR VETO OR US$ 390,7 MILLOENS

.

Jornal Nacional Diário

Sosiedade Sivil sira husu ba Prezidente  Republika (PR), Taur Matan Ruak, atu veto tiha Orsamentu Retifikativu (OR) ho montante US$ 390,7 milloens, ne’ebe aprova ona ho unanimidade husi Parlamentu Nasional.

“La’o Hamutuk sujere  ba PR atu  veto  OR 2016 atu  bele salva sustentabilidade  fiskal, sustentabilidade fundu petroliferu,  bele  salva futuru jerasaun sira liu husi  la gasta osan arbiru,”esplika peskizador La’o Hamutuk, Juvinal Dias ba jornalista  iha nia kna’ar fatin Bebora Dili, Segunda (18/07).

Tuir Juvinal Dias,   OR ne’e la’os maioria ba dívidas, maior parte ba  projetu infraestrutura hanesan Supply base ho Portu Tibar inklui  drainazen  iha Dili ne’e.

“Ponto de vista Sosiedade Sivil maka ami hanoin la nesesariu  atu  iha tinan ida ne’e iha OR,”hateten Juvinal Dias.

 La nesesariu tuir Juvinal Dias katak, Portu Tibar, lolos ne’e Governu tenki preve ida ne’e iha orsamentu original  tinan 2016 antes, tanba sira halo predisaun antes, maibe sira finji lakohi tau.

“Tanbasa maka ami dehan OR  labele iha tanba  iha mos projetu supply base, projetu supply base nian kontratu Tribunal la fo vistu,  ita  agora seidauk iha follow up husi Tribunal de Contas,”dehan Juvinal Dias.

 Juvinal Dias hatutan, kompañia Koreana Hyundai rasik  sira sai ona husi kontratu ida  ne’e, signifika katak,  la iha kontratu ba kompañia ida ne’ebe maka manan kontratu, entaun  la iha razaun tau OR ba  projetu supply base, impossivel ba Governu atu halo tenderizasaun lalais liu ba projetu supply base.

“Ami hanoin katak, ladun lejitimu  atu halo tenderizasaun  ne’ebe maka  lalais liu dentru fulan  ida ne’e nia laran,  depois  implementa lalais  iha tinan ida ne’e nia laran. Se Governu seriu ba implementasaun projetu supply base,  sira tenki halo re-avaliasaun ba kustu projetu, benefisiu projetu,   wainhira sira serteza kuandu projetu ne’e fo benefiu duni, entaun   orsamentu  bele aprova  iha tinan 2017 nian. Infelismente projetu sira ne’e la iha analiza sosial,  la iha analiza ekonomia no ambiental  ne’ebe klean,   entaun ami nafatin duvida projetu ne’e fo benefisiu,” hateten Juvinal Dias.

Nia hatutan, maske polemika politika bele akontese  maibe  ne’e maka dehan  valor  demokrasia.

 “Importante maka ita tenki salva  interese povu Timor Leste,  la’os interese partidaria nian ka grupu ida nian ba eleisaun tinan 2017 mai,”dehan Juvinal Dias.

Juvinal Dias afirma, kona ba Kompañia Hyundai retira husi projetu supply base, Tasi Mane, tanba  projetu ne’e laiha serteza ba kontratu.

 “Kompanha ida labele gasta sira nia tempu  sira nia enerjia ba projetu ne’ebe maka la klaru, kompanha nia objetivu maka buka osan, la’os mai hein, se sira hein deit iha  ne’e ba tinan ida, sira lakon rekursu,”esplika Peskizador La’o Hamutuk, Juvinal Dias.

Juvinal hateten, buat ne’e akontese tanba  Estadu  nia planeamentu ba projetu supply base ne’e komplikadu, sira la honestu ba publiku, sira inventa dadus  kustu bo’ot liu,     sira koko atu subar husi publiku  la transparante,    depois  sira asina kontratu nein media ida hatene.

“Taka ba publiku,  sira iha intensaun ne’ebe maka ladiak ba projetu  ida ne’e. Depois sira involve kompañia ida ne’ebe iha kazu mos, kazu ba korupsaun lubuk  iha Korea mai halo fali projetu ida ne’e,” hateten Juvinal Dias.

Juvinal Dias dehan, tuir  La’o Hamutuk nia opiniaun, bainhira  kuandu kompañia sai ona husi kontratu ba projetu supply base  ne’e,  diak liu labele tau osan tan.

Iha parte seluk, Diretora  Interina  Forum  Tau  Matan  (FTM)  Zelia Fernandes konsidera, orsamentu ne’ebé mak  tinan-tinan  Parlamentu Nasional  (PN)  aprova  ho  montante  bo’ot ne’e,  balun  tama  ba  ministru  no  sekretariu  Estadu  sira  nia  bolsu, tamba  ne’e mak mosu dividas.

 “Ha’u  haree ezekusaun orsamentu kada tinan fraku tebes  iha  jestaun, tamba  maioria  ezekuta  osan  la  tuir  planu  ne’ebé  mak  iha  no  osan  hirak  ne’e  ba  ema  balun  nia  bolsu  de’it, hodi  hariku  an depois Estadu mak selu fali,”hatete Zelia  Fernandes.

Tuir nia, tenki halo investigasaun klean ba membrus  Governu, hodi hatene tanba sa mak dividas ne’e iha hela deit, nune’e  povu  bele  hatene.

Nia mos konkorda ho eis Primeiru Ministru atual sekretariu  Jeral  Partidu  FRETILIN  Mari  Alkatiri katak, wainhira  hala’o  investigasaun ba  membru   ho  sekretariu  Estadu  sira  mak  iha   sala  ruma  tenki  prosesa  tuir  justisa  ne’ebé  mak  iha  katak,  sala  tenki  ba  toba  iha  hotel  Becora, tamba  osan  ne’e  povu  nian.

Nia akresenta, iha  tinan  ida  ne’e  total  orsamentu  ho montante  $1.5  bilioens  ne’ebé  aumenta  tan  ho  orsamentu  retifikativu  konta  dehan  katak, hamutuk  $1.9  bilhoes  ne’ebé  husi   orsamentu  ne’e  konta  sei  laiha  dividas, maibé  realidade  iha  dividas nafatin.

Nia mos sujere ba  ministerio  sira  katak,  wainhira  halo  planu  tenki  tuir  kapasidade  ne’ebé  mak  iha, labele  husu  osan bo’ot, maibe ezekuta  fraku  iha  jestaun.avi/tos

.

Timor oan 570 hetan HIV-SIDA, Maioria joven ho idade produtivu

.

Jornal Nacional Diário

Sekretariu ezekutivu Comissão Nacional  de  Combate  ao  HIV-SIDA, Daniel Marçal, informa, dadus  estatistika  Ministeriu  Saude  (MS)  hatudu, Timor  oan nain 570 mak hetan ona moras HIV-SIDA, husi numeru ne’e ema nain 67 mak mate ona no nain 212 hala’o  hela  tratamentu.

HIV-SIDA ataka ema nain 570 ne’e, maioria joven  feto  ho  mane  ho  idade  produtivu   tinan  15  to’o  25 no tinan 44.

Daniel Marçal esplika, kauza sira ne’ebé  kontribui  direta  no  indireta  ba  transmisaun  HIV ne’e mai  husi  ransu  no  sexu  livre. Dala barak joven feto no mane lori malu ba namora iha jardin Motael, Jardin  Largo, Jardin 5  de  Maio  no  tasi  ibun to’o halo relasaun seksual, ikus  mai  tenki  kaben sedu, isin rua  sedu, soe  oan  no  para  eskola.

Iha parte seluk, diskoteka no fatin kumu isin barak  iha  Dili  laran, ne’ebé  hanesan  fatin  diak  ba  joven  no  kaben  nain  balun  hodi  halo  ransu  livre  no  negosiasaun sexual, nune’e mos aktividade  prostituisaun  feto  ho  mane  no  mane  ho  mane.

“Tuir  dadus  ne’ebé  iha,  feto  Timor  oan  1.000  resin  mak  hala’o  vida  prostituisaun, seidauk  konta  ho  feto  estranjeirus  hanesan  China, Indonesia  no  sira  seluk tan,” dehan nia.

Tantu asaun konkretu ne’ebe Comissão  Nacional  de  Combate  ao  HIV-SIDA halo hodi hamenus  numeru  moras  HIV-SIDA  mak,  kontrola  fatin hirak  ne’ebé  sai  potensia  no  forsa  makas  ba transmisaun moras ne’e, hanesan fatin kumu isin sira no jardin públiku.

Nia mos fo hanoin katak, moras HIV-SIDA laos moras babain, ne’ebe tenki prevene agora. Joven mak  hun, rin  no  futuru   nasaun  ida  ne’e, tan ne’e tenki kuidadu an, atu  labele  sai  vitima  ba  HIV-SIDA, laos tanba deit domin no direitu ne’ebe tenki implimenta relasaun seksual.

Ikus nia dehan, Comissão  Nacional  de  Combate  ao  HIV-SIDA kria ona uma rekoperasaun saude ba  ema  ho  virus  HIV-SIDA iha  Tibar, hodi bele halo tratamentu ba vitima hodi hemu aimoruk rutina, bainhira rekopera tiha mak sira fila fali ba sira  nia  hela  fatin  hodi  kontinua  sira  nia  moris.

Nia realsa, Timor  oan  ne’ebé  hetan  ona  moras  HIV-SIDA no konsege  rejista  ne’e  mak hamutuk 570,  seidauk  konta  ho  sira  ne’ebé  mak la’o lemorai iha  liur.Tos

.

Caravanas através de Díli celebram vitória portuguesa ao nascer do sol

.

Díli, 11 jun (Lusa) - O nascer do sol saudou hoje, em Díli, longas caravanas com milhares de timorenses e portugueses, em todo o tipo de veículos, aos gritos de "Portugal" e "Portu", em celebração da vitória portuguesa no Euro 2016.

Ainda não tinha soado o apito final e já se começavam a ouvir nas ruas as primeiras motas, num sinal idêntico ao que ocorreu depois dos outros jogos, com a emoção do grito ecoado em Timor-Leste, quando do golo de Éder, a ouvir-se depois em toda a cidade.

O jogo foi transmitido em direto para vários pontos da capital timorense, e também para vários pontos de todo o território, com as redes sociais a encherem-se de vídeos de celebrações em todo o país.

Uma multidão de bandeiras portuguesas, numa grande celebração e em jeito de apelo à seleção nacional: com tanto apoio, diziam hoje vários timorenses, se calhar a seleção nacional deveria vir a Timor-Leste mostrar a taça.

As celebrações prolongaram-se ao longo de todo o dia de domingo, numa festa que se alargou durante a madrugada - o jogo foi transmitido às 04:00 locais - com muitos a concentrarem-se no Centro de Convenções de Díli, para acompanhar o encontro.

A saída de Ronaldo provocou uma onda de tristeza e de preocupação entre os muitos timorenses ali presentes, à semelhança do que aconteceu com portugueses e timorenses que se reuniram em vários pontos da capital.

Mas a saída foi 'vingada' com uma vitória que, em Timor-Leste, está a ser vivida, nesta manhã de segunda-feira, como se fosse uma grande festa nacional.

ASP // MAG

Lusa/Fim

Foto: Sapo.tl, Facebook.
.

Portugal campeão europeu de futebol

.

Foto: Miguel Medina-AFP

Público - 10 de julho de 2016

Portugal conquistou neste domingo, pela primeira vez na sua história, o título de campeão europeu de futebol, ao derrotar a França, em Paris, na final, por 1-0, já no prolongamento.

 Um golo de Éder, ao minuto 109', garantiu a conquista do título a Portugal que ainda se viu privado do seu capitão, Cristiano Ronaldo, a partir do minuto 24 da primeira parte, por lesão.

 A França acertou uma vez nos postes da baliza portuguesa, mas o mesmo fez a selecção nacional.

.

Timor prepara festa sem precedentes para ver a final

.

Foto: Zizi Pedruco

Díli, 10 jul (Lusa) - Timor-Leste está a preparar uma festa sem precedentes para acompanhar a final do Euro2016, com o apoio à seleção portuguesa a levar à instalação de locais para a transmissão em direto do jogo em mais de 50 pontos.

Um apoio à seleção nacional visível com várias faixas gigantes, incluindo uma colocada nos muros centrais do Palácio do Governo, em Díli, onde se pode ler "O povo de Timor-Leste deseja a Portugal a taça nesta grande final do Euro2016".

Nas ruas são visíveis várias bandeiras portuguesas, em muitos locais, e são vários os carros, motas e microletes (os tradicionais transportes públicos locais) com bandeiras portuguesas.

Xanana Gusmão, vestido com uma camisola do Boavista Futebol Clube de Timor-Leste - mas garantindo que à noite virá com uma camisola do SLB - está a comandar uma iniciativa que, insiste, não é do Governo mas "de todo o país".

"Isto não é do Governo, é de todos, de empresas, da sociedade civil em apoio à seleção", explicou à Lusa.

Um grande ecrã está a ser preparado no Centro de Convenções de Díli onde estarão, a partir das 00:00 (quatro horas antes do jogo) "as pessoas mais importantes".

O mesmo ocorre em todo o território, onde o jogo será acompanhado em direto em vários locais.

No caso de Díli, haverá musica e a transmissão de resumos dos jogos de Portugal e França até à final, "para animar e entreter as pessoas".

A comunidade portuguesa, por seu lado, deverá dividir-se entre o CCD e pelo menos dois pontos onde têm sido transmitidos os jogos anteriores, nomeadamente o espaço da Doce Tentação, na sede do Sport Dili e Benfica, e no Hotel Timor.

O debate entre muitos é se começam a festa hoje, aguentando até à hora do jogo, ou se se deitam umas horas para estarem 'mais frescos' às 04:00 locais.

Portugal procura hoje esquecer o 'trauma' de 2004 e conquistar pela primeira vez um Campeonato Europeu, numa final na qual terá de contrariar a tendência negativa contra a anfitriã França, no Stade de France, em Saint-Denis.

ASP // CSJ

Lusa/Fim

.

Timorenses celebram vitória de Portugal em festa sem precedentes

.

Foto: José Ramos-Horta, Facebook.

Díli, 06 jul (Lusa) - Milhares de timorenses aos gritos com "Viva Portugal", coloridos com milhares de bandeiras portuguesas dominam desde o final do jogo de Portugal contra o País de Gales nas ruas de Díli, numa longa caravana que parece não ter fim.

Em motas, carros, camiões de caixa aberta e até a pé, famílias inteiras gritavam "Portugal" e "Porto" (diminutivo utilizado pelos timorenses para falar do país que hoje se apurou para a final do Europeu de Futebol de 2016), os timorenses celebravam como se a vitória também fosse deles.

Uma longa caravana de festejos começou praticamente assim que se ouviu o apito final do jogo, em cenas com poucos precedentes em Timor.

Em multidões que fazem recordar as grandes caravanas para o referendo de 1999, as celebrações estão a marcar o amanhecer em Timor-Leste, onde hoje é feriado porque se assinala o fim do Ramadão.

A seleção portuguesa de futebol qualificou-se hoje para a final do campeonato da Europa de futebol de 2016, ao vencer o País de Gales por 2-0, na primeira meia-final da prova, disputada em Lyon.

Cristiano Ronaldo, aos 50 minutos, e Nani, aos 53, apontaram os golos da formação portuguesa, que vai disputar domingo a segunda final da sua história, 12 anos depois do desaire por 1-0 com a Grécia, em Lisboa, no Euro2004.

No domingo, pelas 21:00 locais (20:00 em Lisboa), Portugal vai encontrar no Stade de France, em Saint-Denis, o vencedor do embate entre a anfitriã França e a detentora do título mundial Alemanha, que se defrontam na quinta-feira.

ASP/ALU // SB

Lusa/Fim

.

Dom Basilio Duvida Benifisiu ZEESM ba Timor Tomak

.

Suara Timor Lorosae - 05 de julho de 2016

DILI- Bispu Deoseze Baucau Dom Basilio do Nacimento duvida benefisiu Direita no Indireita, projeitu pilotu Zona Ekonomia Espesial Sosial Merkadu (ZEESM) ba Povu Timor tomak.

Dom Basilio hatete Prozeitu nee sei taka aan maske sira hatene hodi dezenvolve, maibe duvida ZEESM nia benefisiu direitu ho indireitu ba Timor Tomak, maske benefisiu ba Oe-cusse oituan deit.
.

ZEESM buat neebe hau hare halo diak ba Oecusse Balun ita hare komesa iha, agora buat neebe ba hau sai nafatin pontu interogasaun Benefisiu ba timor tomak mak ida neebe,” dehan Dom Basilio ba STL Tersa (05/07/2016) iha Salaun Igreja protestante, Bebora.

Iha fatin ketak Deputadu Bankada Frente Mudansa Jorge Teme katak alokasaun orsamentu ba projeitu ZEESM husi Inisiu too agora kuaze milaun 260, nia rezultadu ejekusaun sei kestiona, tan nee presiza Justifikasaun neebe real ba publiku.

Nunee mos Deputada Bankada CNRT Albina Marcal hatete Bezeia lei numeru 3/2014 neebe hari reziaun Administrativa Oe-cusse, tan nee konkorda bolu Prezidente ZEESM esplika nia progresu iha plenaria Parlamentu.Timotio Gusmao.

.

Sosa Saham TT Governu Lakon ho Emprezariu Lokal, Rikusoin Estadu Labele Ema Ida Mesak Mak Akomula

.

Bankada Fretilin - 04 de julho de 2016

Deputadu Bankada FRETILIN liu husi plenaria Parlamentu Nasional (04/07/2015) preokupa makas desizaun governu hodi lakohi sosa saham Timor Telecom tanba  governu lakon iha avaliasaun finansas ho emprezariu lokal.

Deputadu Ossorio Florindo foti kestaun  ne’e tanba nia lakohi Timor oan ida mesak mak atu akomula fali rikusoin iha TL.

 “Hau la orgullu bainhira ita akomula rikeza estadu ba grupu ida, ne’e ba sedeit, ba grupu se deit, ne’e hau la orgullu ida,” dehan Osorio ho lian makas.

Osorio dehan, iha nasaun ne’ebé mak iha avaliasaun finansas estadu bele lakon fali ho emprezariu lokal ida.

“Se situasaun ne’e akontese hanesan ne’e duni entaun nasaun ne’e ema ida nian duni ona, (heroi) sira ne’ebé mate ne’e saugate duni ona, tebes duni nasaun ne’e (sai) ema ida nian ona,” dehan Osorio

Tanba ne’e, Ossorio ejizé atu Primeiru Ministru, Ministru Finansas, Ministru Obras Públika tenki esplika iha Parlamentu Nasional tanba  diskusaun iha Konsellu Ministru mos ideia la hanesan.

Governu nia razaun, Ossorio dehan, avaliasaun tekniku governu  bele sosa saham TT nian maibé avaliasaun finansas dehan labele ida ne’e sai pergunta boot, tanba saida mak estadu lakon emprezariu lokal.

“Hau nia perguntas? Avaliasaun finansas nasaun ne’e  (nian) lakon ho avaliasaun finansas emprezariu ida nian, serake ida ne’e bele akontese?,” Ossorio kestiona.

Se governu hakarak fó deit ba individu ida ne’e deklara deit iha publika dehan fó deit ba individu refere, se lae entaun tenki loke oportunidade ba emprezariu  Timor oan hotu atu investe.

“Nasaun lakon ho ema individu!  ita hotu la hatene prosesu ne’e lao nusa? serake TT nia divida kuaze $9 milloens ida ne’e ita atu lulun ba ema ida,” dehan Ossorio.

Osorio kritika  jestaun governu nian  ne’ebé ladiak to’o ohin loron Estadu kontinua iha tusan. 

“Ita kria tiha ona orgaun outonomo ba komonikasaun nia funsaun iha ne’ebé? kontrola sasan iha ne’ebé? Derepente Timor oan ida manan (sosa asoens TT) hau orgullu Timor oan bele manan maibe hau la orgullu Timor oan (ida mesak) mak atu akomula rikeza estadu nian,” lamenta Osorio.

Koalia konaba  TT laos konaba telekomonikasaun deit maibe buat barak liga ho segredu nasaun nian ne’ebé tenki kontrola.

Iha fatin hanesan Deputadu FRETILIN Manuel Castro mos lamenta tanba ne;e nia ejizé governu tenki esplika iha PN.

“Hau husi Primeiru Ministru, Ministru Obras Públika Transporte Telekomonikasaun no vice Ministru ne’ebé tutela tenki mai esplika razaun saida mak labele sosa,” dehan Castro

.

ONG alerta ba iha sustentabilidade hosi konta públika Timor-Leste ne’ebé bot

.

Organizasaun la’os-governamentál La’o Hamutuk ohin halo alerta ba Governu nomós ba parseiru internasionál sira kona-ba risku sustentabilidade hosi konta públika Timor-Leste nian ne’ebé as, no antesipa katak bainhira laiha mudansa, maka Fundu Petrolífera sei hotu iha 2012.

"Karik polítika hothotu lamuda drastikamente, maka Governu sei ko’a Orsamentu Estadu besik 90%. Ho gastu anuál menus hosi dolár milloens 300, no dalaruma sei fornese serbisu importante ba ema milloens 1,4”, kestiona ONG timor-oan ne’e.

Alerta ne’e fó sai iha testu ne’ebé La’o Hamutuk fahe ba parseiru internasionál sira ne’ebé mai hasoru malu iha Dili, hodi analiza futuru hosi koperasaun ho Timor-Leste, ne’ebé hala’o wainhira Parlamentu Nasionál mos halo hela debate kona-ba orsamentu retifikativu ba tinan ne’e nian.

Iha edisaun 2016 hosi enkontru parseiru dezenvolvimentu nian sei konta ho reprezentante hosi nasaun oioin, ajénsia ho organizasaun internasionál, deputadu, membru sosiedade sivil nomós organizasaun la’os-governamentál.

La'o Hamutuk dehan katak kontributu hodi doadór internasionál ba konta públika tuun iha dékada ikus, tanba tinan ne’e menus 10% hosi Orsamentu Estadu.

ONG haktuir hikas katak 82% hosi orsamentu Estadu mai hosi Fundu Petrolífera (FP).

Ho orsamentu retifikativu, ezelutivu sei hasa’i FP tinan ne’e nian besik dolár rihun milloens 1,28, liu tiha valór sustentável ne’ebé hamutuk milloens 545.

“Tuir dadus ne’ebé iha ekonomia Timor-Leste la’o ladun di’ak. No fatia bot hosi orsamentu 2016 aloka ba iha projetu infraestrutura ho retornu ne’ebé ladun los, no fó benefísiu ba de’it empreza estranjeira sira, emves de ba povu Timór”.

"Timor-Leste sei lakonsege alkansa dezenvolvimentu sustentável karik ita-ninia polítika fiskál lala’o ho di’ak”, nia hatutan tan.

ONG ne’e apela ba parseiru dezenvolvimentu hothotu atu “enkoraja Governu”, ba iha apoiu jestaun ekonómika sustentável no evita fó apoiu ba estratéjia hirak ne’ebé simplemente “halo dependénsia maka’as ba iha mina no gastu hirak ne’ebé fó de’it benefísiu ba ema balun”.

ONG ne’e mos hakarak atu iha investimentu barak, hodi halakon pobreza, tanba “labarik 1.200 ho tinan menus ho lima maka mate kada tinan, tanba problema ne’ebé bele prevene” no joven rihun 30 maka to’o ona idade laborál maibé lahetan serbisu.

Fó apoia tan ba indústria kiik no ba iha setór agríkola bele ajuda hamenus pobreza iha rai laran, dehan. Organizasaun ne’e mos defende kona-ba alterasaun modelu konsumu, hodi hatutan katak défise komersiál la’os petrolífera Timor-Leste nian hamutuk dolár milloens 2.080, ho “dependénsia esterna hodi halo halo nasaun sai ki’ak liu”.

Aposta ba iha projetu infraestrutura sustentável ho benefísiu públiku maka sai mos objetivu seluk hosi ONG ne’ebé kritika insiativa nu’udar dezenvolvimentu hosi rejiaun espesiál Oecusse ho projetu Tasi Mane (dezeñu no konstrusaun Baze Apoiu Suai, ne’ebé Governu konsidera importante ba esplorasaun petrolífera iha Tasi Timór).

SAPO TL ho Lusa

.