Hakilar no baku meja maka marka arranke debate iha Parlamentu timoroan

.

Hakilar, baku meja no krítika ba prezidente Parlamentu Nasionál timoroan maka marka iha arranke debate parlamentar ne’ebé laiha presedente, insiste hosi partidu boot, CNRT, atu hili meza foun parlamentu nian.

Tensaun ne’e hahú mosu bainhira prezidente Parlamentu Nasionál, Vicente da Silva Guterres, Congresso Nacional de Reconstrução Timorense (CNRT), loke debate kona-ba rekerimentu bankada nian hosi nia partidu atu  substitui ka hala’o eleisaun ba prezidente Parlamentu Nasionál no Meza Parlamentu.

CNRT defende eleisaun ba  meza foun tamba lakon ona konfiansa ba iha prezidente  Parlamentu Nasionál (PN).

"Ba dahuluk iha istória PN nian no ba  República Democrática de Timor-Leste. Ida ne’e sai asuntu importante tebes ba Estadu, ho nia implikasaun ba vida povu nian", nia afirma.

Vicente da Silva Guterres husu atu debate ho "kalma no hakmatek" no afirma katak  rekerente sira tenki  funda ho " klaru" rekerimentu ne’e hodi fó tempu ba nia no membru sira iha  meza ne’ebé hakarak atu  intervein.

Komentáriu Vicente Guterres nian ikus mai hamosu krítika maka’as hosi bankada nia partidu, ne’ebé interrompe nia diskursu kritika komentáriu hirak ne’e, inklui ho baku meza.

Liliu bainhira prezidente parlamentu hatete katak ne’e responsabilidade hotu-hotu nian "evita golpe iha órgaun soberania PN , Governu, Prezidénsia Repúblika nomós golpe militar".

Husu fila fali atu "kalma no hakmatek no debate labele ho emosaun" maski iha kauza "asuntu sensível", tenta atu esplika  ida ne’ebé  konsidera faktu ne’ebé  kauza ba iha krize atuál.

"Ha’u iha kauza no hakarak koa’lia. Ita tenki fó tempu ba rekerente maibé tempu ne’ebé fó ba pelumenus sira ne’ebé haree karik bele halo deklarasaun ruma. Povu sira lakompreende no deputadu barak seidauk kompreende", nia afirma, bainhira deputadu barak hatete katak karik di’ak liu limite ba debate rekerimentu ne’e.

Liliu kona-ba komentáriu krítiku sira hosi  Prezidente Repúblika iha finál tinan kotuk, ne’ebé lori nia veto ba orsamentu, no desizaun ezonera xefe Estadu maiór jerál forsa armada (CEMGFA).

"Maibé razaun fundamentál hosi problema ho PR tamba saida hafoin ida ne’e nia kria kedas partidu polítiku ida. Iha kualkér atitude, kualkér pozizaun  PR nian, hahú senti katak ha’u fó vantajen ba partidu polítiu ne’e. Maibé ita tenki haree ninia faktu ", nia haktuir.

"Ha’u hetan akuzasaun iha jornál sira, rona no lee maibé ha’u laresponde. Ohin ha’u hakarak  uza tempu ne’e atu esklarese buat hirak ne’e hotu no responde buat ne’ebé koa’lia kona-ba ha’u, difamasaun ba ha’u hanesan alvu iha komunikasaun sosiál", nia afirma.

Natalino dos Santos, líder bankada CNRT, lee  fila fali rekerimentu ne’e, ho argumentu hodi hakotu bloku koligasaun ho Partido Democrático (PD) no hafoin  insiste iha lejitimidade atu  hili fila fali meza parlamentu.

"Ne’e laiha relasaun ho ezonerasaun ka kestaun hirak ne’e. Ne’e  rekerimentu ne’ebé hetan  assina hosi deputadu 29  partidu nian. Deputadu  sira assume kargu polítiku tuir desizaun partidu nian", nia haktuir.

"Karik iha asuntu polítiku atu debate iha partidu, hala’o debate iha bankada ka iha partidu. Iha ne’e ita debate  rekerimentu. No  plenáriu hanesan  órgaun soberanu, karik plenária deside, fó apoiu, kontinua prosesu ne’e ba eleisaun. Hanesan  prosesu ida  normál", nia konsidera.

Líder bankada CNRT ne’e insiste katak  Vicente Guterres "laiha ona  konfiansa hosi partidu no hosi deputadu bankada " no, tamba ne’e, "laiha ona autoridade".

"Karik laiha konfiansa oinsa maka  prezidente bele halo ninia servisu? Ha’u hanesan prezidente bankada mai no  sé ha’u nia kolega sira laiha ona konfiansa mai ha’u tenki resigna-an. Ha’u husu ba señor PR  bele foka ba rekerimentu no labele ba asuntu seluk", nia konsidera.

Adriano do Nascimento, hosi  PD no hanesan vise-prezidente parlamentu, insistie katak lakompreende  argumentu CNRT nian, afirma katak ninia partidu rejeita katak iha momentu balun sira  viola akordu koligasaun ho CNRT.

"Koligasaun lasignifika katak ami labele iha ami nia pozisaun. Maibé  sempre iha diálogu. Ami sempre diálogu ho CNRT no kontribuí hodi ultrapasa situasaun difísíl", nia hatete.

José Luis Guterres, líder hosi  bankada Frente Mudança, deklara katak ninia partidu apoiu iha mudansa, afirma katak  ninia partidu "kumpre misaun ba Estadu no povu" no konsidera"normál" prosesu mudansa iha lideransa.

"Ha’u iha konsiénsia hakmatek atu kumpre. Ita iha konjuntura foun, ho dezafiu internu ne’ebé maka’as no internasionál. Ita Presiza iha konsensu nasionál atu  luta ba harii Estadu ne’e , hodi defende direitu povu Timór nian", nia afirma.

"Tantu iha governu hanesan moos iha parlamentu ita tenki iha konsensu nesessáriu hodi iha  forsa no enerjia atu defende povu Timor-Leste. Apoiu eleisaun ba meza", nin afirma.

SAPO TL ho Lusa

.

Lei la fó dalan, Klamar Fuik-Koliati sa’e ba Jeneral

.

Jornal Nacional Diário - 28 de abril de 2016

Komandante Mar no Guerra, Pedro Klamar Fuik, bele lidera instituisaun Falintil Forsa Defeza Timor Leste (F-FDTL), maibé lei militar nian la permiti atu Pedro Klamar Fuik sa’e kedas to’o Jeneral.

Brigadeiru Jeneral, Filomeno Paixão informa katak, lei fó dalan atu forsa F-FDTL nia laran bele iha Brigadeiru rua, kuandu Pedro Klamar Fuik ho Koliati mak ba troka nia ho Jeneral Lere.

“Ha’u la domina hotu kona-ba leis iha militar nian, mas ha’u la’os dehan labele, ita haree dada’uk ezemplu iha Polisia nian, iha Brigadeiru rua, iha forsa mós bele iha Brigadeiru rua, mas iha antividade liu,” informa Filomeno Paixão ba jornalista sira iha Palácio Prezidensiál Aitarak Laran Dili, Kuarta (27/04).

Maski Filomeno Paixão esplika katak, lei militar mak la fó dalan, maibé Filomeno Paixão la esplika detalles konaba artigu no konteodu lei ne’e.

Nia esplika, ko’alia kona-ba Pedro ho Koliati, Pedro mak iha antividade liu, la’os Koliati.

Nia esklarese, proposta Governu nian ne’ebé fó ba Prezidenti ikus ne’e, Governu halo konsultas ho instituisaun F-FDTL.

Hatan kona-ba situasaun iha F-FDTL nia laran ne’e oinsa, ho desizaun Estadu nian ne’ebé atu halo reforma ba veteranus hotu ne’ebé mak iha F-FDTL laran, Filomeno Paixão dehan, laiha problema.

“Desizaun ne’e seida’uk sai, ita rona hotu ona iha últimu reuniaun ho Konsellu Superior Defeza Seguransa, iha loron 6 Maiu 2016, sei iha reuniaun final ida atu ko’alia kona-ba kazu ida ne’e,” tenik Filomeno Paixão.

Nia haktuir, situasaun iha F-FDTL nia laran buat hotu la’o di’ak, laiha problema ida atu akontese.

Iha okaziaun ne’e, Filomeno Paixão mós informa katak, veteranu sira ne’ebé sei ativu hela iha instituisaun F-FDTL, la aseita ho Diretor Institutu Masional da Defeza, Pedro Klamar Fuik ho Koliati ne’ebé Prezidenti Repúblika (PR), Taur Matan Ruak, hili ona atu lidera F-FDTL. Desizaun Xefi Estadu hodi hili Pedro Klamar Fuik no Koliati ne’e atu troka Xefi Estadu Maior das Forsas Armadas F-FDTL, Maijor Jeneral Lere Anan Timur no Brigadeiru Jeneral Filemono Paixão.

Brigadeiru Jeneral, Filomeno Paixão informa katak, ida ne’e problema veteranu sira nian, iha forsa nia laran, laiha problema buat ida.

“Situasaun la’o, simplesmente iha intendementu husi Governu mak haree kona-ba intervensaun oin ida, Prezidenti Repúblika nia oin ida, mas ikus mai ha’u haree lós ona tanba, proposta husi Governu ne’e, mais simplemente husi parte veteranu sira mak ladun iha aseitasaun,” informa Filomeno Paixão.

Filomeno Paixão informa katak, iha sorumutu ho Prezidenti Repúblika (PR) Taur Matan Ruak ne’e, ko’alia kona-ba dezenvolvimentu iha F-FDTL nia laran.

“Hanesan normalmente, Jeneral nestemomentu laiha, ha’u ko’alia ho Prezidenti Repúblika kona-ba dezenvolvimentu ne’ebé ami halo hanesan relatoriu semanal,” informa Filomeno.

Nia dehan, iha sorumutu ne’e, sira ko’alia kona-ba komponentes F-FDTL, liu-liu kona-ba komponente naval nian.

“Komponente naval ami iha problema oituan kona-ba manutensaun barkos nian, maibé iha ona esforsu husi Governu atu selu enjeneiru sira ne’ebé mak hadi’a roo sira ne’e,” Filomeno Paixão fundamenta.

Nia esklarese, roo hat sei mai tan atu fó ba forsa komponente naval sira hodi uza atu kontrola tasi Timor.

Antes ne’e mós, veteranu Lere Anan Timur konsidera desizaun Prezidenti Repúblika nian ne’e, halo diskriminasaun ba sira hanesan veteranus ne’ebé sei ativu iha F-FDTL laran.

“Governu nia planu mak ida ne’e, husik ba ha’u sei kaer to’o 2017, i depois halo tranzisaun neneik ba jerasaun foun, maibé Prezidenti hakarak tranzisaun radikal ida hanesan Xanana uluk halo iha 1984,” katak Lere.

Lere Anan Timur dehan, nia lori veteranus hotu ne’ebé mak sei ativu iha F-FDTL nia naran hanesan Komandante Aluk, Komandante Sabika, Komandante Maunana, Komandante Maubuti, Komandante Rairia, Komandante Falur ho Komandante Hikis, tanba veteranu sira ne’e mak sei ativu iha F-FDTL.

“Ha’u nu’udar veteranus, ha’u dehan katak, ha’u lakohi sai karik nusa, sé ha’u lakohi sai, sé mak atu haruka ha’u sai, uma ne’e ha’u nian, la’os ema seluk mak halo ba ha’u,” Lere koalia ho lia maka’as.cos

.

RUI ARAUJO AAT LIU SATANÁS

.

Vicente  Fernandes

Ha’u triste tebes uainhira ha’u haree situasaun politik iha ha’u nia rai doben, aat liu tan, haree saida mak Parlamentu Nasional no Governu halo ba ita nia aman boot, ba ita nia heroi nasional ida, Taur Matan Ruak.

Fulan balun liu ba ema ida hosi blog ida ne’e hakerek katak Rui sai malisan boot ida ba ita nia rai doben, ha’u mos hanoin nune’e maibe tuir ha’u nia hanoin, Rui aat liu Satanás.

Ita analiza took saida mak akontese hosikedas Rui Arauju hahu nia knaar hanesan Primeiru Ministru. Nia hanesan ema jerasaun foun ita iha esperansa boot katak politik foun sei hahu iha ita nia nasaun hodi dezenvolve hodi kombate kiak no mukit iha ita nia rai, maibe lae liu. Rui simu pose no instabilidade hahú kedas iha ita nia rai, kombate kiak no korupsaun sai nafatin mehi ka mehi aat ida ba Timor Oan.

Ho Rui ita nia rai asisti politik represaun, oho veteranu ida, perseguisaun ba media no kriasaun instabilidade boot iha ita nia rai. Rui konsegue duni tau veteranu (ita nia rikusoin boot ida) hirus malu, korupsaun nafatin, soe osan arbiru ba malu no povu kontinua nafatin sai penonton iha nia rai rasik. Rui laos malisan, tuir ha’u nia hanoin nia aat liu Satanás. Loron ida ha’u sei konta istória ida kona ba ema Ainaro ida ke servisu ba Apodeti to’o 1999, maibe agora laos importante, importante tebes mak ita loke ita nia matan no tenki kuidadu ho Satanás foun ke la’o hela iha ita nia rai no kria instabilidade iha Timor Oan nia leet.

Ema hotu foin hahu halo akuzasaun barak ba ita nia Prezidenti tanba Maun Taur hakarak halo mudansa jerasional iha komandu F-FDTL nian, ha’u konkorda ho ita nia Maun boot, to’o ona tempu ba ita nia katuas sira ba deskansa oituan, Maun Lere mos idade avansadu tebes, to’o tempu ona hodi reforma, Maun Lere ita hotu tenki hakruk duni no agradese ho fuan saida mak nia halo ba ita nia rai, ninia sakrifisiu iha ai laran no ninia kontribuisaun boot teb-tebes hodi ohin loron Timor-Leste bele hamrik iha mundu nia leet hanesan nasaun soberana no independenti.

Satanás foun iha Timor, Rui, tuir ha’u nia hanoin, nia halimar barak ona, sira halo jogadas foer tebes hasoru Maun Taur hodi nune’e sira bele hafoer Maun boot nia naran, maibe, tur tiha, la hetan, boy! Taur Matan Ruak mos ema ho “ulun toos” no hanoin ho ninia ulun rasik, laos hanesan Rui ke loron-kalan hatene de’it dehan, “Ya, Pak” ba ninia patraun Xanana. O la moe Rui? Karik lae duni.

Governu hatene ona katak Maun Lere labele ona asumi kargu Chefe de Estadu Maior Forsas Armadas nian no Maun Taur husu ba hadia lei organika maibe Satanás nia governu la rona no tuir lei kargu Chefe Estado Maior vale ba dala rua deit, labele liu tan.

Foin Satanás nia governu haruka naran rua ba Maun Taur nomeia, ida mak Maun Lere no seluk mak Pedro Klamar Fuik.

Maun alin doben sira, ita nia Maun boot hili Klamar Fuir (ha’u la dun konkorda ho Pedro hanesan lider F-FDTL nian) maibe afinal de contas, se mak kulpadu? Maun Taur ka Satanás nia governu? Se mak propoin naran Klamar Fuik nian? Saida mak ita nia Maun boot Taur bele halo? Maun Lere labele ona tuir lei, tanba sa Satanás nia governu la hadia lei organika? Sira ema kriminozu ke la iha respeito ba lei? Ka saida lolos?

Ema barak hirus Maun Taur maibe ha’u rasik sei la kompriende tanba sa imi la ba hirus Satanás no ninia governu? Tanba sa? Imi hotu hamutuk ho Satanás hodi hatun Maun Taur? Saida mak to’o ohin loron ita nia Maun boot halo hasoru ita nia rai ka ba ita nia povu? Husik ha’u dehan ba imi. Zero, Maun Taur nunka halo buat nein ida hasoru ita nia rai ka hasoru ita nia povu doben.

Rui Satanás mak hakarak divide ita hodi sira bele nafatin ukun tuir sira nia hakarak, hodi sira nafatin hanehan povu doben ida ne’e, hodi sira fakar povu nia osan ba projeitu ema bulak nian ke la fo’o vantajen nein ida ba povu, hodi sira tau osan kiik ba povu nia nesesidade baziku hanesan bee mos, saude no edukasaun. Ida ne’e mak sira hakarak no sira hatene katak sira tenke tau ba dook Maun Taur tanba nia la halo sira nia jogadas foer hodi sama povu.

Rui Araujo labele halimar ka kokotek  barak tanba nia laos Primeiru Ministru de jure nia sai Primeiru Ministru de facto tanba povu la hili nia (povu laos ema bulak) hodi nia tur hanesan bintang ida maibe povu hili duni Maun Taur iha eleisaun demokratika ida iha tinan 2012, Maun Taur manan ho votus barak tebes, kandidatu FRETILIN nian, kuitadu, lakon la halimar.

Maun Taur ninia lejitimidade hodi ukun boot liu Rui Satanás nian, ne’ebe diak liu Rui hatene tau nia aan hodi la hafoer tan ita nia rai nomos FRETILIN nia naran boot.

Rui Araujo karik moe oituan ba halo ninia servisu no hapara ona koko kria instabilidade, diak liu goza ona kargu PM nian tanba iha tinan 2017 povu ba foo reforma antesipada ba Satanás.

Moe laiha liu!

.

LA MUDA LEI PENSAUN VITALISIA, CNRT-FRETILIN SEI HETAN KASTIGU IHA 2017

.

Foto: Presidência da República de Timor-Leste, Facebook.

Jornal Nacional Diário - 26 de abril de 2016

Prezidenti Repúblika (PR), Taur Matan Ruak hateten katak, Partidu sira ne’ebé mak agora dadaun tuur iha Parlamentu Nasionál (PN), li-liu CNRT ho FRETILIN la muda lei pensaun vitalisia iha tinan ida ne’e, mak sira sei hetan kastigu iha 2017.

 Xefi Estadu ne’e esklarese, pensaun vitalisia ne’e ema husu iha fatin-fatin ejiji atu muda, no iha Dili foin dadauk universidade sira protesta. “Sira iha tinan ida atu muda, sé sira lamuda iha tinan ida ne’e, eleisaun besik ona, imi bele kastigu sira,” katak Taur Matan Ruak, hodi responde ba preokupasaun povu nian, liu husi dialogu komunitária iha Suku Uabubu, Postu Administrativu Ossu, Munisípiu Viqueque, Kinta (21/04).

 Taur Matan Ruak rekuñese katak, pensaun vitalisia ne’e, kontrariu oituan, tanba veteranu ida servisu tinan 24 iha ailaran, la simu hanesan ne’e, deputadu sira servisu tinan lima deit, hetan osan pensaun vitalisia. “Ida ne’e problema ida, ha’u mós kontra ida ne’e, maibé atu hasai lei,

Prezidenti labele halo, maibé ha’u ko’alia ona ho Parlamentu sira katak, sira prontu atu muda,” informa PR Taur Matan Ruak, hodi responde ba preokupasaun komunidade Hipolito da Silva nian ne’ebé kestiona mós konaba lei pensaun vitalisia ne’ebé mak to’o oras ne’e Parlamentu seidauk muda.

No tuir Hipólito da Silva, lei pensaun vitalisia ne’e, habokur de’it grupu ida no hamate povu ki’ik sira.cos

.

Lere entrega petisaun ba PR Taur “Ami la sai husi F-FDTL”

.

Jornal Nacional Diário - 26 de abril de 2016

Xei Estadu Maior F-FDTL, Major Jeneral Lere Anan Timur, hamutuk ho veteranu ativu sira iha F-FDTL, Segunda (25/4/16), entrega petisaun ba Prezidente Republika Taur Matan Ruak.

Konteudu husi petisaun ne’ebe asina husi veteranus 49 ne’e mak hanesan, veteranus FALINTIL hein ho laran hakmatek, bainhira anunsia katak, Prezidente Republika atu ba koalia iha Parlamentu Nasional, kona ba polemika ida ne’e, hodi hanoin katak Prezidente Republika sei hatur lia los kona ba konstitusionalidade ka lae ba nomeasaun Prezidente Republika halo, ne’ebe la tuir proposta Governu nian;

Veteranus FALINTIL, hakfodak tebes, bainhira haree no rona Prezidente Republika koalia iha uma fukun Parlamentu Nasional’

Veteranus FALINTIL sente todan tebe-tebes bainhira hahú fali koalia kona ba ‘Xanana ho Mari Alkatiri’, hodi insulta lideres ne’ebe hahú Movimentu Libertasaun Patria desde 1974, bainhira Prezidente Republika rasik la envolvidu liu ka seidauk envolvidu tan;

Veteranus FALINTIL, mos hakfodak liu bainhira Prezidente Republika temi fali CMATS (Certain Maritime Arrangement of the Timor Sea) iha Parlamentu Nasional, tamba “Ami hotu hein Prezidente Republika atu koalia kona ba nomeasaun ba Xefia Militar”;

Veteranus FALINTIL, haree katak Prezidente Republika hakarak hatudu Prezidente Republika maka manda liu iha rai ida ne’e, hodi orsida simu tiha proposta ida, aban lakohi fali, no mos Prezidente Republika fo liu importansia haleu Suku sira;

Veteranus FALINTIL, hatene Prezidente Republika Prezidente Republika konkorda tiha ho proposta atu tranzisaun neineik, ba tinan rua, maibe semana ida liu tiha, fila fali husi Suku, Prezidente Republika lakohi fali;

Tanba ne’e no tamba koalia ho Prezidente Republika mos Prezidente Republika la konsidera ona, maka Governu fo proposta ikus liu, hodi buka fo hanoin ba Prezidente Republika atu tetu didiak, hodi foti desizaun ne’ebe razoavel, katak tuir ponto de vista politiku, la’os legalista;

Ne’e duni desizaun Prezidente Republika nian la’os tamba proposta Governu nian; Governu laiha dalan seluk ona atu hato’o ninia konsiderasaun ne’ebe liga ho Veteranus FALINTIL ninain;

Prezidente Republika labele kompara ho Prezidente Republika sai iha 2011. Prezidente Republika sai husi forsas, ba kedas Prezidente! Povu tomak hatene ida ne’e! Veteranus FALINTIL koñese nia kbiit no la hanoin atu hetan buat boot ruma tan iha nia vida;

Veteranus FALINTIL, ezije maka respeitu ba sira nia dignidade!

Iha petisaun ne’e mos haktuir tan katak, desizaun ne’ebe Prezidente Republika hasai, la’os kona ba Komandante Lere deit, desizaun ne’e afeta Veteranus FALINTIL. Prezidente Republika duni sai Veteranus FALINTIL hanesan ema seluk ema let.

Tan ne’e hotu maka Veteranus FALINTIL, ne’ebe sei iha F-FDTL la simu Prezidente Republika ne’ebe foin dadauk hasai.

Petisaun ne’e sita tan katak, “ Ami htene, ami militar, maibe uluk ami veteranus FALINTIL, ho amia nia estoria rasik iha tinan 24! Ami veteranus FALINTIL, la aseita  Prezidente Republika hasai Komandante FALINTIL hanesan trapu, la ho honra ne’ebe ami merese!”

FALINTIL maka hanesan faktor determinante iha prosesu lebertasaun Timor-Leste nian; kuandu haree ba veteranus FALINTIL, Prezidente Republika tenke sukat Prezidente Republika nia hanoin husi perspetiva politika, la’os husi persepsaun legalistika, simplista no akomodativa ba intereses ne’ebe la’os nasionais.

“Ami veteranus FALINTIL, hein Prezidente Republika, atu konsidera petisaun ida ne’e, hodi tetu didiak no invalida desizaun infantilista ne’ebe hasaitiha ona! Ami, Veteranus FALINTIL, sei la sai husi F-FDTL, a não ser tuir periodu tranzisaun ida hodi fo tempu ba formasaun ba sira ne’ebe sei simu knaar ida Xefia Estadu Maior F-FDTL nian.”afirma karta petisaun ne’e.

“Ami hakarak fo hatene ba Prezidente Republika katak, ami Veteranus FALINTIL, tau matan hela ba ema balun ne’ebe hakarak sobu estabilidade iha nasaun ne’ebe ami, uluk, fakar ran no terus atu liberta…,.”

Xei Estadu Maior F-FDTL, Major Jeneral Lere Anan Timur hamutuk ho veteranu ativu sira iha F-FDTL ne’e to’o oha Palasiu Prezidensial Aitarak Laran, Dili, mais ou menus ponteiru relójiu nian baku ba tuku 09:00 OTL. La kleur deit kareta ofisiál militar ida kor metan ho xapa kor mean matríkula fitun rua (**) ne’ebé mak akompaiña ho kareta militar nian husi oin husi kotuk dolar ho velosidade normal mai para iha uma kadunan mutin ne’e oin.

La kleur deit, ema ho hatais farda militar nian ne’ebé tur iha kareta marka fitun rua ne’e nia oin, tun husi kareta no loke odamatan husi klaran parte liman karuk nian.

Jornalista sira ne’ebé mak hein ona iha odamatan atu tama ba Palacio Prezidenti nian, desde tuku 08:00 Otl,  ne’e fahi matan hotu ba iha kareta ne’e.

Ho neneik oituan hatun ain husi kareta ne’e, mak Xefi Estadu Maior das Forsas Armadas, Maijor Jeneral, Lere Anan Timur.

Alénde ne’e iha mós membrus forsas armdas veteranus ativu balun mós akompaiña Lere Anan Timur, hanesan Komandante Mau-Nana, Komandante Mau-Buti, Komandante Rairia no Komandante Hikis, hodi hakat ba iha Palásiu Prezidenti laran, hodi hasoru malu ho Xefi Estadu Taur Matan Ruak. Maibé Brigadeiru Jeneral Filomeno Paixão ho Koronel Falur Rate Laek mak laiha.

Iha sorumutu ho Xefi Estadu ne’ebé mak lori oras balun nia laran ne’e, ho objetivu veteranus ativu iha F-FDTL ne’e, hato’o sira nia karta ba Xefi Estadu, maibé Lere Anan Timur lakohi esplika ba públiku inklui média konaba keonteodu karta ne’e.

“Ami hato’o ami nia surat ba Prezidenti Repúblika, kuandu Prezidenti Repúblika responde mak ami halo komentáriu, obrigadu” hateten Lere Anan Timur ba jornalista sira iha Palácio Prezidensial Aitarak Laran Dili, Segunda (26/04), hodi hakat dadaun ba nia kareta.

Maske komitivas Lere Anan Timur nian ne’e, mai iha Palásiu Prezidenti nian ho kareta militar, no hetan seguransa másimu husi forsas armadas, maibé forsa veteranus ativu sira ne’e la hatais farda militar maibé sira hotu hatais ropa sivil deit. Tanba sira la hatais farad? Karik sira sai duni ona vida sivil?

Bain-bain, wainhira Maijor Jeneral Lere Anan Timur hasoru malu ho Xefi Estadu sempre fordadu, no hatudu uluk nini oin midar ba seguransa sivil sira iha Palásiu ne’e molok hakat tama iha Palásiu laran no sai fali husi Palásiu, maibé iha loron ida ne’e ita haree katak espresaun Komandante Lere Anan nian la hanesan ho iha loron bain-bain. Lere Anan Timur hatudu hamnasa liu deit depois nonok no hakat tama tiha Palásiu no sai fali mai lakohi fó komentáriu barak hodi hakat kedas ba nia kareta ofisiál.

Antes ne’e mós Lere Anan Timur deklara ona katak, nu’udar veteranus hamutuk ho nia maluk veteranus ne’ebé sei ativu hela iha F-FDTL ne’e, la simu desizaun PR Taur Matan Ruak nian, kona-ba atu sai husi instituisaun F-FDTL, tanba desizaun PR Taur nian ne’e, hanesan diskriminasaun bo’ot ida ba sira hanesan veteranus.cos
.

Ramos-Horta husu atu Austrália negosia fronteira marítima ho Timor-Leste

.

Sapo TL ho Lusa - 26 de abril de 2016

Eis-prezidente José Ramos-Horta husu atu Governu australianu aseita pedidu Timor-Leste no komesa negosia fronteira marítima permanente entre nasaun rua ne’e.

"Austrália bele halo liu no bele halo di’ak liu", hakerek Ramos-Horta iha artigu ne’ebé publika iha imprensa australiana.

"Austrália trava beibeik Kualkér tentativa hosi ami-nia parte hodi negosia fronteira marítima, no lakohi to’o agora, maski ho lansamentu ami-nia esforsu konsiliasaun obrigatória liuhosi Nasoins Unidas. Ida ne’e bele evita atu habelar no sei han tempu narauk, ho kustu ba parte rua, halo akordu atu negosia agora", nia hakerek.

Lembra katak disputa kona-ba fronteira entre nasaun rua ne’e remonta ba tinan 60 sékulu liubá, Ramos-Horta insiste atu Kamberra la bele akuza Timor-Leste hodi hakarak muda fronteira, "tanba la iha fronteira atu muda".

"Austrália, ko’alia hodi nasaun rua ne’e, hatete katak atuál akordu funsiona hela. Timor-Leste hodi an rasik hatete katak akordu atuál la funsiona", nia relembra.

Líder istóriku timoroan ne’e relembra katak pozisaun australiana iha pasadu halo negósiu envezde diskute iha rezolusaun debate fronteirisu ho Nova Zelándia, Ilhas Salomão, Nova Caledónia, Papua Nova Guiné no Indonézia.

Tanba ne’e, "tanbasá ho Timor-Leste la’e", kestiona iha artigu kona-ba Austrália aproveita hosi postura "karik buat 'naïve' [injénua]" timoroan hodi aseita akordu temporáriu, "de boa-fé" ho konfiansa katak Kamberra sei fó apoiu ba tentativa timoroan nian hodi dada pipeline hosi Tasi Timór to’o nasaun.

No akuza Kamberra hakarak repete buat ne’ebé akontese iha kampu Laminaria-Corallina ne’ebé "Austrália esplora totalmente" maski kampu, karik iha fronteira, tama iha territóriu timoroan, "dala rua besik liu Timor-Leste duké Austrália".

Ramos-Horta hanoin hikas katak Governu australianu halo espionajen ba Timor-Leste durante negosiasaun hosi atuál akordu temporáriu entre nasaun rua ne’e no Governu timorense nein pelumenus hodi arbitrajen internasionál tanba Austrália retira hosi jurisdisaun internasionál iha material ne’e.

"Hetan permisaun? Loos, maibé lamentável", nia hakerek, no afirma katak Austrália tenke hatán halo negósiu ho Timor-Leste ho nune’e fó iis foun ba dezenvolvimentu projetu petróleu no gás naturál iha Tasi Timór ne’ebé kontinua la la’o.

.

Permanecem as incertezas em torno ao comando das forças de Defesa timorenses

.

Díli, 25 abr (Lusa) - Descontentamento entre alguns dos veteranos, dúvidas sobre o processo formal de transição e críticas do atual comando estão a marcar o processo de transição na liderança das forças de defesa de Timor-Leste (-FFDTL), adiado desde outubro de 2015.

Fontes das F-FDTL, do Governo, do Parlamento e da Presidência do Governo ouvidas pela Lusa nas últimas semanas confirmam a tensão em torno a este processo, que dividiu as forças políticas e as instituições do país.

Desde setembro do ano passado, quando terminaram os mandatos dos atuais comandantes das F-FDTL, o Presidente da República, Taur Matan Ruak, já anunciou duas decisões diferentes, ambas polémicas, apesar de nenhuma ainda ter sido formalmente aplicada.

A 09 de fevereiro, Taur Matan Ruak anunciou ter decidido exonerar o chefe do Estado-Maior General das Forças Armadas (CEMGFA), o major-general Lere Anan Timur, promovendo como seu sucessor o brigadeiro-general Filomeno da Paixão de Jesus, até então número dois.

A decisão acabou por não ser concretizada porque ia contra a proposta do Governo - que defendia a extensão do mandato de ambos - causando tensão entre a Presidência, o executivo e o Parlamento Nacional e levando mesmo a recursos do Governo para o Tribunal de Recurso, que foram rejeitados.

Taur Matan Ruak nunca formalizou a decisão e recebeu este mês nova proposta do Governo, a de nomear o capitão-de-mar-e-guerra Donaciano Gomes (Pedro Klamar Fuik) como chefe do Estado-Maior General das Forças Armadas (CEMGFA) e o coronel Calisto dos Santos (Coliati), como vice-CEMGFA.

Uma decisão conjunta do Governo e da Presidência que marcava uma "transição geracional" completa nas F-FDTL, apesar de Taur Matan Ruak reiterar que preferia "uma transição mais gradual".

Apesar do aparente consenso, dez dias depois da decisão continua sem haver data para a tomada de posse.

A 15 de abril, a Presidência explicou que "os pormenores relativos à promoção destes oficiais, bem como do chefe do Estado-Maior das F-FDTL e dos comandantes das Componentes, à promoção honorífica e saída dos oficiais atualmente em funções para a reforma e à organização da cerimónia oficial estão ainda a ser finalizados entre os serviços da Presidência da República e do Governo".

O assunto poderá ser hoje analisado na reunião do Conselho Superior de Defesa Nacional, que decorre na Presidência.

Lere, que aquando da primeira decisão, praticamente não a comentou, tornou-se agora uma das vozes mais críticas da opção do seu comandante supremo.

Em declarações a jornalistas timorenses afirmou que não aceita abandonar o cargo, que não concorda com a decisão e, em privado, garante que vai continuar no cargo mais dois anos, pelo menos.

Outras vozes no seio das F-FDTL questionam a transição geracional demasiado rápida na estrutura de comando de uma organização militar ainda muito ligada ao historial das forças de resistência à ocupação indonésia, as Falintil.

Questões sobre a capacidade de liderança de Klamar Fuik, que tem menos antiguidade que o seu número dois, Coliati, e até sobre o papel que o antigo comandante do componente naval teve durante a crise política de 2006 marcam o debate entre os veteranos timorenses.

Politicamente todo este processo decorre num cenário de tensão também entre alguns dos principais líderes do país, nomeadamente depois das críticas de Taur Matan Ruak a Xanana Gusmão, atual ministro e líder histórico da resistência, e ao líder da Fretilin, Mari Alkatiri.

Timor-Leste tem marcadas eleições legislativas em 2017 e, tudo indica, Taur Matan Ruak poderá candidatar-se a primeiro-ministro, apoiado pela nova formação política registada no ano passado, o Partido de Libertação do Povo (PLP).

ASP // MP

Lusa/Fim

,

TMR needs to avoid Gusmao trap

.

By Ted McDonnell - Ted McDonnell

LIKE a bit of trash put out for the garbage man, Timor Leste’s current Pm Dr. Rui Araújo is set to be discarded by the grand puppet master Xanana Gusmao.

Appointed PM in February 2015, PM Rui was hand picked by Gusmao as his replacement.
.

However, as Gusmao edges closer to rejoining Fretilin – he is also set to dump his “buddies” at CNRT – Dr Rui is no longer useful in Gusmao’s grand unpleasant scheme for the future of Timor Leste.

It is believed former head of Timor Leste’s defence forces Major General Lere Anan Timor is looking at stepping out of his formal military uniform and pursue a lucrative political career.

Gusmao is believed to be trying to entice Major General Lere Anan Timor to become the new leader of Fretilin and the once great political party looks to discard Mari Alkatiri and long time loyalist Lu Olo. Both will be forced to retire or step down by Gusmao’s heavies within the party.

The entire game concocted by Gusmao is to trap current President Taur Matan Ruak, who will run for Prime Minister in 2017.

The problem for TMR if he doesn’t resign as President soon Gusmao’s trap will isolate TMR and his chances of success in 2017 become all but impossible.

Major General Lere Anan Timor like TMR is popular with the veterans. By joining Fretilin Lere will force many loyal veterans to turn their backs on TMR.

If TMR resigns now he can officially start campaigning thus turning the tables on Gusmao, who wants to serve his well known “two of clubs” on TMR.

A close confidante of Mari Alkatiri and Lu Olo said Gusmao is trying to manipulate both Fretilin leaders for his own reasons.

"Mari and Lu 'Olo are scared of Xanana. He has done so much to so many people they are both scared. Xanana is using Lere and Lere is too dumb or greedy to take Timorense money to realise it."

Men who have received Gusmao’s “two of clubs” include long dead former commanders; Alfredo Reinado; Leopoldino Exposto and more recently Mauk Moruk.

It is believed Gusmao continues to play power games in Timor Leste to avoid any criminal sanctions from alleged corruption and the alleged involvement in the murders of a number of people.

 .

LEST WE FORGET - The Soul of Australia

.

J.H.M. - The Brisbane Courier, 25 April 1916

In the light of dawn, the break of day,

Through the waters chill they fought their way;

Like their sires of old, to the Motherland

They came o’er the sea, and they sprang to the strand;

And the blood of the Angles, the Scot, and the Celt

Grew hot in their veins as the war fire they felt.

In the light of noon, in the bright sunlight,

They fought up the cliffs from height to height;

And the sun shone down on that scene of strife

Where the ‘Soul of Australia’ came to life,

As the blood of Australians was shed on the sod,

For Australia, for Britain, Humanity, God.

Shall Australia mourn for the sons she has lost-

Should Australians weep? Nay! Great though the cost,

Joy mingles with grief, and pride mingles with pain,

For our boys died like heroes, and died not in vain.

And the ‘Soul of Australia’, new-born on that day

When her sons died at ANZAC, shall never decay.

.

Estatutu Militar La Fo Dalan Promove Korenel Ba Major General

.

Suara Timor Lorosae - 22 de abril de 2016

DILI- Estatutu Militar iha institusaun Falintil Forsa Defeza Timor Leste (F-FDTL) la fo dalan ba membru atu pomove koronel hakat liu ba iha major Jeneral, tenki promove tuir diviza nunee labele kria konfuzaun ba publiku.

Tuir Membru Komisaun B Asuntu Defeza, Seguransa no Negosiu Estranjeiru Deputadu Bankada Cesar Valente tuir lei militar nian la fo dalan korenel promove ba major jeneral, maibe governu no Prezidensia halo tiha ona nunee estadu mak dalan hodi rezolve.

Lei Militar nian lafo dalan ita foti korenel ba liu major Zeneral maibe husi governu avansa ho lakunas no prezidente simu lakunas, agora estadu mak buka rezolve maibe problema mak mosu pro no kontra,” dehan Cesar ba STL Sesta (21/04/2016) iha Parlamentu Nasional.

Nia hatete atu rezolve lakunas neebe mak mosu sidadaun hotu fiar governu sei iha rezerva solusaun, hodi bele rezelve polimika neebe mak mosu ona tamba nee estadu mak tenki hare hodi ajusta lei.

Iha fatin hanesan Deputada Bankada Fretilin Josefa Pereira hatete tranzisaun iha F-FDTL bele iha maibe tenki gradualmente tuir Timor nia situasaun ho kondisaun, hodi hare espeilu patriotismu hanesan zerasaun tuan ba zerasaun foun. Informasaun kompletu iha STL Jornal no STL Web, edisaun Sabado (23/4/2016). Timotio Gusmao

.

Ramos Horta:“Ita tenke hakruk ba desizaun PR Taur” – Xanana la fo komentariu

.

Jornal Nacional Diário - 20 de abril de 2016

Eis Prezidente Republika, José Ramos Horta, husu  Timor oan  hotu atu hakruk ba desizaun Prezidente Republika, Taur Matan Ruak ba nomeasaun Pedro Klamar Fuik ba Xefi Estadu Maior Falintil Forsa Defesa Timor Leste (F-FDTL) ho Coliati ba Vise.

“Se Prezidente halo ona nomeasaun  ne’e ita hot-hotu tenke hakruk ba desizaun Prezidente nian,  ne’e normal. Balun simu balun la simu,”esplika José Ramos Horta hafoin fila husi Inglatera ho aviaun Silk Air  iha Aeroportu Internasional Nicolau Lobato Dili Tersa (19/04).

José Ramos Horta  relembra katak,  uluk eleisaun ba  Prezidente Republika nia manan deit 70%, 30% la simu, maibe buka servisu ho deit 30%,  portantu ne’e mak lalaok Estadu.

“Entaun se nomeia ema ida ba Xefi Estadu Maior balun la simu ne’e normal,   ne’e ita país livre demokrasia, tantu sira la simu tanbasa  ne’e maka ha’u  la hatene,  ne’e normal iha situasaun demokratiku  sira bele kritika,”tenik Ramos Horta.

Ramos Horta rasik simu nomeasaun husi Prezidente Republika ba Pedro Klamar Fuik ba Xefi Estadu Maior F-FDTL no Coliati ba nia Vise.

“Ha’u ema  ne’ebe Prezidente Republika halo desizaun ruma  ha’u simu, ha’u  laos la hateten fali la simu. Portantu Prezidente Republika halo nomeasaun nia sukat buat hot-hotu maka halo  nomeasaun ne’e, la’os deit kriteriu ida rua, maibe nia sukat buat hot-hotu tane  buat hotu halo desizaun ida,”haklaken Ramos Horta.

Nune’e, Ramos Horta, mos husu ba Pedro Klamar Fuik ho nia Vise Coliati atu garante konfiansa  ne’ebe maka Prezidente Republika fo ona.

 Relasiona ho kargu xefia Xefi Estadu Maior F-FDTL Pedro Klamar Fuik  ne’e, Jose Ramos Horta mos sei buka koalia ho Jeneral Lere Anan Timur.

“Ha’u sei koalia ho tiu Jeneral Lere para  nia  hatudu sentidu  nudar  veteranu, nudar ema Estadu, sentidu Estadu para  kolobora nafatin para hametin dame estabilidade  iha  forsas armadas nia laran, iha nasaun nian laran.  Lere ne’e ha’u konhese nia diak uluk kedas ha’u hatene nia halo  buat hotu para Estadu ne’e iha estabilidade,”haktuir premiadu nobel da paz 1996 ne’e.

Alende ne’e mos, eis Prezidente Republika  Jose Ramos Horta mos promete  sei buka koalia ho Amu Bispu  no Sosiedade Sivil para haree halo dialogu ho lider politika sira ba jogada politika  ne’ebe agora akontese iha nasaun ne’e, hanesan iha Bloku Koligasaun rahun no hasai Vicente Guterres husi Prezidente Parlamentu Nasional tanba la obedese ona ba Partidu CNRT.

“Ha’u hanoin konfiansa la iha problema, importante maka bele halo jogada politika, maibe keta  haluha fali Governasaun no ezekusuan orsmental, se lae lakon tempu deit ho joga karta politika  depois la halo Governasaun, mas  Primeiru Minstru Rui Araújo nia la halo jogu politika nia ne’e ema teknokrata, ha’u fiar sel-seluk halo jogu politika bai-bain maibe nia halo Governasaun ne’e maka diak,”dehan Ramos Horta.

Xanana la fo komentariu

Iha oportunidade  ne’e, Jornalista sira husi Media Imprensa no elektroniku ne’ebé ezisti iha Timor-Leste hein hela eis Komandante Em Xefi Falintil  aktual Ministru Planeamentu  Investimentu Estratejiku (MPIE), Kay Rala Xanana Gusmão, iha Aeroportu Internasional Nicolau Lobato Comoro, ho objetivu atu enterevista kona  ba asuntu Kargu xefia   Xefi Estadu Maior F-FDTL ne’e, hafoin fila husi Nasoens Unidas,   maibe  Xanana tun husi Aviaun Silk Air,  tuku 02:00 OTL ba sae kedas kareta privadu  ne’ebe maka eskoltu sira  lori no  hodi kedan Xanana ba nia rezidensia.avi

.

LERE ANAN TIMUR TANIS

.

Jornal Nacional Diário - 16 de abril de 2016

Xefi Estadu Maior das Forsas Armadas, Falintil Forsa Defeza de Timor Leste (F-FDTL), Maijor Jeneral Lere Anan Timur, la konsege ona trava nia matawen, wainhira koalia konaba ninia destiñu no nia maluk veteranus ativu iha Forsa Armada, ne’ebé Prezidenti Repúblika (PR) Taur Matan Ruak, desidi atu fó ona reformasaun ba sira.

Vetaranus ne’ebé mak luta durante tinan 24 nia laran hodi liberta rai ida ne’e, obrigadu tenki reforma, tanba sira nian tinan tama iha reformasaun nian, tuir lei estatutu militar nian.

Maibé Lere Anan Timur hamutuk ho nia maluk veteranus ativu sira konsidera desizaun Estadu fó reformasaun ne’e, la ho dignidade, no konsidera Estadu trata sira hanesan kriminozu, hodi nune’e Prezidenti hakarak hases sira lalais husi instituisaun F-FDTL laran.

Hafoin nonok oituan, hamos nia matan been ne’ebé turuk mai hanesan udan been habokon nia hasan ne’e, Jeneral Lere Anan Timur foti hikas fali hodi dehan, veteranu sira ne’ebé mak to’o agora sei ativu iha F-FDTL nia laran ne’e, elementu ne’ebé povu Timor Leste fó honra ba sira, no fó sira nia dignidade, hodi sira moris digñu iha instituisaun nia laran. Maibé ho reforma ne’ebé Prezidenti fó ne’e konsidera veteranus hanesan kriminozu.

“Reforma ne’ebé ke halo laiha dignidade ba ami, Prezidenti konsidera ami hanesan kriminozu ida, ne’ebé nia hakarak hases ami husi instituisaun,” deklara Lere Anan Timur ba jornalista sira liu husi konferensia imprensa ne’ebé hala’o iha nia hela fatin Farol Dili, Sábadu (16/04).

Lere Anan Timur haktuir, sira nia tempu to’o duni ona atu reforma, no ema hotu koñese sira ona hanesan veteranus.

“Ami na’in hira ne’e foin dada’uk imi rona katak, Prezidenti desidi ami ba hotu reforma. Prosesu reforma ne’e normal ba kualker instituisaun Governu, ami sira ne’ebé mak temi naran iha ne’e, ami nia idade to’o ona ba reforma duni, maibé ami la’os elementu bai-bain iha forsas armadas nia laran,” katak Lere Anan Timor.

Xefi Estadu Maior ne’e dehan, sira halo funu tinan 24 nia laran hodi harii nasaun doben ida ne’e, maibé nasaun ida ne’e harii ho ema rihun ba rihun nia ran no isin.

“Ami nia maluk rihun ba rihun, i li-liu ami nia mate mohu ba funu ida ne’e, maibé depois tinan 1999 ita ukun-an, ami prontu nafatin atu servi nasaun, servi Estadu to’o ohin loron,” relata nia.

Lere Anan Timur dehan, uluk iha ailaran, ema barak mak fó sira nia kontribuisaun hodi sira nia nai ulun ida bele moris, hanesan Xanana, Taur ho Lere.

“Imi (jornalista) husu tok, ita nia maun Xanana, husi loro monu to’o lorosa’e, ema hira mak la fakar nia ran para Xanana bele moris, husu ba Taur Matan Ruak, ema hira mak la fakar ran para nia bele moris para ohin loron nia bele sai Prezidenti, i ha’u mós alin barak mate tanba ha’u,” dehan Lere Anan Timur ho mata ben.

Tanba ne’e Lere dehan, nia lakohi nega buat ida ne’ebé mak nia alin veteranu sira halo ona ba nia moris to’o ohin loron.cos

.

LERE ANAN TIMUR: VETERANUS LA SIMU DESIZAUN PR TAUR

.

Jornal Nacional Diário - 19 de abril de 2016

Xefi Estadu Maior Jeneral das Forsas Armadas Falintil Forsa Defeza Timor Leste (F-FDTL), Maijor Jeneral Lere Anan Timur ho reasaun maka’as deklara katak, veteranus ativu iha forsa armada F-FDTL, la simu desizaun Prezidenti Repúblika (PR) Taur Matan Ruak, hodi fó reformasaun ba forsa veteranus ativu, hanesan Lere, Meno Paixão, Falur, Sabika no selu-seluk tan.

Lere konsidera desizaun PR nian ne’e, hanesan halo diskriminasaun boot ba nia maluk veteranu sira ne’ebé mak terus no mate hodi luta ba independensia Timor Leste (TL).

Ho matan been, Lere Anan Timur afirma katak, veteranus lasimu desizaun Prezidenti Repúblika nian ne’e, la’os tanba nia hakarak sai Jeneral nafatin, ou sira seluk hanesan Koronel, hakarak sai Koronel nafatin. Maibé hakarak atu fó nafatin kontribuisaun ba instituisaun F-FDTL no Estadu ida ne’e to’o iha 2017, mak foin bele troka.

“Agora ami labele dehan katak, ami simu ou lasimu desizaun Prezidenti Repúblika nian, ami seidauk simu. Enkuantu ami seidauk rona ami nia maun bo’ot Xanana, ami seidauk simu, ami nia pozisaun mak ida ne’e. Maibé ami nia maun bo’ot Xanana Gusmão sei moris, nia fila mai, ami sei aprezenta ami nia situasaun ne’e ba nia,” hateten Lere Anan Timur liu husi konferensia imprensa iha nia rezidénsia Farol Dili, Sábadu, (16/04), ne’ebé partisipa husi veteranus ativu hanesan, Rai-ria, Maunana no seluk tan.

Lere Anan Timur dehan, veteranus sei hein Kay Rala Xanana Gusmão fila husi estranjeiru, hodi sira aprezenta problema ne’e ba Xanana atu Komandante em Xefi ne’e bele rezolve, tanba Xanana mak veteranus hotu nia aman.

“Agora ha’u hateten ba ita nia juventudi tomak, ita nia komunidade katak, ami nia pozisaun mak ne’e, ami seidauk simu desizaun Prezidenti Repúblika, Taur Matan Ruak ninian, nu’udar veteranu, la’os nu’udar Jeneral ka elementu instituisaun,” Lere Anan Timur akresenta.

Nia  esklarese katak, Konsellu Ministru no Konsellu Superior Defeza mós halo ona  reuniaun dala barak hodi buka solusaun ba kargu xefias iha forsa nia laran, maibé Prezidenti la fó konsiderasaun ba esforsu hirak ne’e, tanba Taur Matan Ruak Prezidenti.

“Governu nia planu mak ida ne’e, husik ba ha’u sei kaer to’o 2017, i depois halo tranzisaun nei-neik ba jerasaun foun, maibé Prezidenti hakarak tranzisaun radikal ida hanesan Xanana uluk halo iha 1984,” katak Lere.

Maibé Lere dehan, situasaun iha ailaran ne’e oin seluk, lahanesan ho situasaun agora, tanba iha ailaran ne’e, Timor-oan mesak de’it, maibé agora malae barak mak hamutuk ona ho Timoroan.

Lere Anan Timur haktuir, nu’udar veteranus la simu hodi konvida média sira atu deklara sai sira nia pozisaun nu’udar veteranus ba Prezidenti Repúblika nia desizaun.

“Ami atu deklara ami nia pozisaun nu’udar veteranu, ami la deklara ami nia pozisaun nu’udar ofisial forsas armadas ninian,” Lere Anan Timur afirma.

Tanba ne’e, Lere dehan, sira hanesan veteranus, hakarak hatudu mós sira nia pozisaun ba  Prezidente Repúblika Taur Matan Ruak nia pozisaun ne’ebé mak halo ba sira.

Lere Anan Timor dehan, nia lori veteranus hotu ne’ebé mak se ativu iha F-FDTL nia naran hanesan Komandante Aluk, Komandante Savika, Komandante Maunana, Komandante Maubuti, Komandante Rairia, Komandante Falur ho Komandante Hikis, tanba veteranus sira ne’e mak se ativu nafatin iha F-FDTL nia laran.

“Ha’u hein de’it desizaun Governu ninian, ha’u hatete ona, uluk halo funu ema ida la husu ha’u, agora mós ha’u nu’udar veteranus, ha’u dehan katak, ha’u lakohi sai karik nusa, se ha’u lakohi sai, semak atu haruka ha’u sai, uma ne’e ha’u nian, la’os ema seluk mak halo ba ha’u,” lamenta Lere.

Nia dehan,  durante ne’e,  nia ho PR Taur Matan Ruak nunka iha problema,hodi Prezidente hatudu hahalok hanesan ne’e ba nia.

“Hatete momós ba imi katak, ami nain rua iha problema ida iha 1988, maibé ida ne’e la’os problema ida kona-ba komanda funu, maibé problema tanba de’it kilat musan. Nia (Taur Matan Ruak) hakarak kontrola kilat musan, ha’u dehan laiha, ha’u nia kilat la kontrola, agora se o hakarak kontrola kilat musan, supermi semak atu kontrola, ami nain rua nia problema mak ida ne’e de’it,” tenik Lere.

Nia haktuir, Taur Matan Ruak ho Xanana i Saudozu Coni Santana mak iha problema oit oan kona-ba kondusaun funu nian.

Lere esklarese, iha tempu Timor Leste ukun rasik an ne’e mós, nia ho Taur Matan Ruak nunka iha problema, tanba hirarkia military nian ne’e, disiplinadu tebes, elementus sira nunka atu bele ko’alia hasoru sira nia Jeneral.

Lere: “Ha’u sei koalia sai Taur ne’e sé”

Xefi Estadu Maior das Forsas Armadas, Falintil Forsa Defeza Timor Leste (F-FDTL), Maijor Jeneral Lere Anan Timur hateten katak, bainhira nia tama ona iha vida polítika, nia sei fakar sai istória lolos ailaran nian, tanba istória ailaran nian kona-ba luta libertasaun seida’uk los.

“Asuntu sira seluk kona-ba ami nia relasaun pesoais, ami nia istória, Taur se, ha’u se, Xanana se, Mau-Nana se, Mau Buti se, kuandu ha’u ba vida polítiku, ha’u sei ko’alia,” dehan Lere Anan Timur ba Jornalista sira liu husi konferensia imprensa ne’ebé hala’o iha nia hela fatin Farol Dili, Sábadu (16/04).

Lere afirma, istória ailaran ne’ebé durante ne’e ema barak konta ona ne’e, inventa mak barak, tanba ne’e, bainhira nia tama vida polítika, sira sei konta istória ne’ebé los.

Nia esklarese, kuandu konta istória loloos, veteranu sira ne’e lahanesan, no veteranu sira ne’ebé partisipa iha funu mós lahanesan.

Lere dehan, uluk iha ailaran, ema balum lori sanan hodi fó sira nia kontribuisaun ba funu ida ne’e, no balun kaptura kilat hodi fahe ba nasaun tomak.

“Ida ne’e la’os tempu para ha’u atu ko’alia, ha’u kuandu tama vida polítiku mak ne’e, ita konta istória loloos, sé mak sé. Ha’u sei ko’alia, konta istória kona-ba, Taur se, Lere se no Xanana se, ema sei koñese,” Lere Anan Timur fundamenta.

Lere Anan Timur hatutan tan katak, agora nia vida sivil ona, entaun nia mós sei ko’alia polítika hanesan ema seluk agora dada’uk halo, no ema ida sei lataka ona nia ibun.

Lere Anan Timur akresenta tan katak, nia tama vida polítika la’os atu manan eleisaun hodi ukun, maibé buat importante ba nia mak boa-governasaun.cos/eus

.

PN husu desizaun dignu ba Lere – Tilman: Kulpa Governu

.

Jornal Nacional Diário - 19 de abril de 2016

Parlamentu Nasional (PN) husu Estado atu hasai desizaun dignu ba Xefi Estado Maior das Falintil-Forsa Defeza Timor-Leste (F-FDTL), Major General Lere Anan Timur.

Membru PN husi  bankada FRETILIN, Osorio Florindo hateten, ba hili Maijen F-FDTL nian ne’e kompetensia Governu no Prezidente Republika (PR), Taur Matan Ruak.

“Hau hanoin ne’e kompetensia Governu no Prezidente Republika nian, nasaun ne’e funu na’in sira mak ukun hela, foti desizaun ne’e tenke ho dignu atu nune’e hot-hotu bele sente kontente labele sorin triste ita sorin basa liman, hanesan hakarak halo deit politika,” hateten deputado Osorio Florindo liu husi sesaun plenaria, Segunda (18/04/2016).

Deputado bankada FRETILIN ne’e dehan tan, nia preukupa liu maka veteranus sira ne’ebe mak durante luta hamutuk tinan rua nulu resin hat iha ailaran atu sai husi F-FDTL.

“Hau preokupa tanba komandante guerileiru iha forsa sei sai hotu, ne’e la fo impaktu ba F-FDTL?, hau husu para desizaun saida deit mak Estado foti labele fo implikasaun ba povu nia hakmatek, tanba forsa ativo sira ne’ebe mak luta 24 anos ne’e maka derepente sai deit oinsa situasaun, bot sira iha seguransa no hakmatek no ki’ik mak sofre, no tinan-tinan gasta osan hodi halo rekoperasaun,” dehan Osorio Florindo.

Iha fatin hanesan deputado bankada CNRT, Cesar Valente “Pilotu”, dehan, nudar reprezentante povu hakru’uk tomak ba desizaun Prezidente Republika (PR), Taur Matan Ruak, ho deklarasaun Majir Jeneral Lere Anan Timur nian, Sabadu foin lalais ne’e.

“Hanesan sidadaun Majen Lere iha dereito atu espresa hanoin no  sentimentu ba publiku ne’e normal halo para bele loke hotu nia hanoin bele konvida publika ninia opniaun para bele kontribui ba prosesu ida, ita hare prosesu ida bele dehan katak defisil oitoan mais la’os imposibel para ita atu hakat liu. Jeneral ema ne’ebe veteranus kompleta 24 anos lidera rezistensia lidera Falitil hanesan komandante operasional iha funu ne’ebe responsabiliza iha rejiaun ponta leste, hau partilha sentimentu ida ne’ebe klean tebes mos ba nia. Ita sei presija duni jeneral hanesan Lere pelu menus iha periodu ida tan para prepara tranzisaun ba ofesiais foun, maibe kontrario ho desizaun PR Taur nian,” dehan deputado Pilotu.

“Iha krizi 2006, hau mos ativo iha forsa armadas hau hatene situasaun hirak ne’eba, hau lahatene los keta Prezidente Republiak mak la hatene situasaun sira ne’e karik, hot-hotu hatene katak iha tempu ne’eba  situasaun halo lakon tiha sira nia responsabilidade. Ita labele hare deit ba oin ne’ebe sei sai misteriu hela, mais hare ba prezenta no pasadu ne’e saida mak demonstra hanesan ofesiais ida hodi bele hasoru dezafius oi-oin,” dehan Pilotu.

Xefi bankada PD, deputada Maria Lourdes Bessa, dehan katak, Maijen Lere konserteza iha ninia komentario nune’e Prezidente Republika mos iha ninia rajaun para hodi opsaun ida ne’e.

PD husu atu parte rua tur hamutuk hodi buka desizaun ida ne’ebe hot-hotu bele simu no labele hodi povu ne’e tama iha konflitu.

“Hau hanoin katak kualker tranzisaun tenke halo pasu por pasu, nune’e mos kualker tranzisaun lalais ka derepente deit mos lalos, maibe tranzisaun ne’e tenke neneik, mais tranzisaun ne’e tenke halo duni,” hateten Deputada Maria Lourdes Besa.

Vise Prezidente PN, Aderito Hugo da Costa, esklarese katak PR Taur ejerse ninia kompetensia tomak, tanba ne’e maka nia ejerse ona ninia kompetensia hodi nomeia xefi Estado Maior F-FDTL nian foun.

“Hau hanoin Prezidente Republika ejerse ninia kompetensia tuir konstitusaun haruka, ne’ebe parte PN nia hare deit desizaun sira ne’e tuir duni konstituisaun ka lae, se tuir duni ne’e maka desizaun,” dehan Aderito.

Tilman: Kulpa husi Governu

Nune’e mos, jurista Timor oan Manuel Tilman, afirma katak, desizaun Prezidente Republika, Taur Matan Ruak la hili Lere Anan Timur atu kontinua lidera F-FDTL ne’e, sala husi Governu,  tanba proposta  kargu Xefia ba Xefi Estadu Maior F-FDTL ne’e la liu husi Konselhu Superior Defeza.

“Ha’u hanoin konflitu mosu dadauk  ne’e, kulpa husi Governu, la rona  konselhu superior da defeza, ne’e duni  ha’u husu barak, Jeneral Lere Anan Timur labele konflitu fali ho Prezidente Republika, tanba  proposta ne’e laos Prezidente Republika nian, proposta ne’e Governu nian,  karik  Komandante Lere Anan Timur ataka karik  proposta ne’e, ataka maka Govenu,”haklaken Tilman ba  JN-Diário iha Hotel Beach Garden Praia dos Coqueiros, Dili, Segunda (18/04).

Tuir artigu 86 Konstituisaun Republika haktuir katak,  Prezidente Republika maka    iha  komptensia atu  nomeia  Xefi Estadu Maior Jeneral  Falintil Forsa Defesa Timor Leste (F-FDTL) no  nia Vise, maibe  hateten  mos   iha konstituisaun katak,  tenki  liu husi proposta Governu.

Iha fali lei militar defesa   ne’ebe defini promosaun no nomeiasaun  forsa  armadas nian dehan katak,  kona-ba  asuntu ida Komandante Jeral Forsa Armadas no nia Vise  no mos Xefi Estadu Maior Ezersitu Marina signifika tenki rona uluk Konselhu Superior Defesa.

“Ha’u  la hatene propsota rua ikus ne’e Primeiru Ministru lori ba Prezidente Republika  antes Governu  aprova  iha Konselhu Ministrus atu  halo fali propsota foun hodi nomeia Komandante forsa armadas rona Konselhu Suprior Defeza  ka lae? Ida atu rona konselhu superior ne’e liu husi  Ministru Defeza,  ha’u nia admirasaun maka, Ministru Defeza  parese  la iha, no nunka koalia liafuan ida deit, diriji duni reuniaun ho Konselhu Superior Defeza ka lae,”esplika  Manuel Tilman.

Prezidente Partidu Klibur Oan Timor Asuain (KOTA) ne’e, realsa katak, lei obriga  proposta Governu nian  tenke  hetan uluk pareser  favoravel ida  husi Konselhu Superior Defeza.

“Ha’u depois rona tiha informasaun  ida katak,  Prezidente Republika simu segunda proposta  haree  ho admirasaun rezultadu konferensia imprensa   husi Jeneral forsa  armadas  Lere ida ne’e signifika katak, Ministru Defeza la rona  Konselhu Superior  Defeza, tanba Konselhu Superior Defesa ne’e,  militar  sira maka tuur iha  ne’eba lidera husi Komandante forsa armadas, komandante Lere, halo   fali oinsa maka proposta Governu, depois resposta husi Prezidente Republika, forsa  armadas sira dehan la simu fali, ida ne’e kunfuzaun bo’ot,”tenik Tilman.

Tilman afirma hikas, lei obriga Governu antes aprezenta  proposta ba Governu tenki  rona  uluk Konselhu Suprior Defeza. Agora reasaun  mai husi  forsa armadas, Komandante Lere nian ne’e, singnifika katak,   Governu la rona sira, rona karik antes aprezenta proposta ba Prezidente Republika  hateten uluk lai pareser forsa armadas  nian  maka saida? labele  pareser forsa armadas atu la simu fali desizaun Prezidente nian no  fim lae ida, lei hateten antes  para labele  iha konflitu.

Desizaun PR ho Governu

Nune’e mos, Prezidenti Partidu Demokratiku, atual  Primeiu Vise Prezidente Parlamentu Nasional (PN), Adriano do Nascimento hatete, troka  Xefi Estadu Maior Jeneral Forsas Armadas Falintil Forsa Defeza Timor-Leste (F-FDTL), Major Jeneral Lere Anan Timor ho Brigadeiru Jeneral Filomeno Paixão ba fali Capitão de Mar e Guierra, Donaciano Gomes, alias Pedro Klamar Fuik no Coronel Calisto dos Santos ‘Coliati’, ne’e desizaun Prezidenti Republika ho Governu nian.

“ Kestaun ida ne’e, kompetensia Prezidenti Republika ho Governu nian, ne’e hela ba orgaun rua ne’e atu desidi, ida ne’ebe mak sira desidi, hanesan sidadaun, hanesan lider partidu politiku ami submete, maibe ami como hanesan partidu laiha kompetensia atu koalia kona ba buat ne’e, ne’ebe fiar ba Prezidente, ba Governu no fiar mos ba instituisaun F-FDTL katak, se deit mak sai lider, lider ba nasaun ida ne’e, hodi asegura ba estabilidade rai ida ne’e nian,” hatete Prezididente PD ne’e ba Jornalista sira, hafoin hala’o konsolidasaun ba estrutura PD nian iha Postu Administrativu Lautem, Domingo (17/04).

Adriano hatutan,  nudar lider politiku kualker desizaun ne’ebe orgaun kompetente hanesan PR ho Governu hola, simu deit tanba ne’e sira nia kompetensia.

“ Ha’u  hanoin veteranos sira iha responsabilidade moral atu haree no tetu hamutuk tanba sira maka lori ita hotu, komanda ita hotu hodi hetan ukun rasik an, tanba ne’e maka sira iha responsabilidade atu hatete liafuan balun ba lider sira ne’ebe hola desizaun hodi Estadu nia naran, nune’e rai ida ne’e bele moris hakmatek,”nia hatete.Mia/avi/Des

.

DESIZAUN PR TAUR BAZEIA BA PROPOSTA GOVERNU – LERE TENKE HAKRUK BA LEI

.

Jornal Nacional Diário - 19 de abril de 2016

Prezidenti Repúblika (PR), Taur Matan Ruak hateten katak, nia desidi hili Capitão de Mar e da Guerra, Pedro Klamar Fuik, hodi troka Xefi Estadu Maior das Forsas Armadas, F-FDTL, Maijor Jeneral Lere Anan Timur, tanba bazeia ba proposta Governu nian.

Proposta Governu ba kargu Xefias F-FDTL ne’e iha rua, proposta ida Governu mantein kompozisaun anterior hanesan Lere Anan Timur kontinua ba Xefi Estadu Maior das Forsa Armada F-FDTL, no Filomeno Paixão hanesan Vise Xefi Estadu Maior.

Proposta segundu, Governu aprezenta fali Pedro Klamar Fuik hanesan Xefi Estadu Maior, Coronel Calisto dos Santos ‘Coliati’ hanesan Vise Xefi Estadu Maior no Komandante Naval, Eugenio das Neves hanesan Koronel.

Nune’e tuir kompeténsia konstitusionál Prezidenti hili proposta ida husi proposta rua ne’ebé mak Governu aprezenta. No desizaun Prezidenti nian monu ba iha proposta segundu.

Maibé Prezidenti Repúblika Taur Matan Ruak dehan, hanesan Xefi Estadu, atu iha diferensa oinsa mós, sei la sobu estabilidade nasionál.

Maibé depois Prezidenti anúnsia tiha desizaun ne’e, hetan reasaun deskontente husi Lere Anan Timur no mós veteran sira ativu iha F-FDTL.

Maski mosu deskontentamentu husi Lere Anan Timur ho nia maluk sira, maibé Xefi Estadu Taur Matan Ruak, hateten katak, maski iha diferensias hanoin maibé sei la afeta ba estabilidade nasionál.

“Foin dadauk Governu haruka fali proposta mai ha’u dehan, ok sé Prezidenti lakohi Lere, entaun veteranu sira iha F-FDTL nia laran ne’e tenke sai hotu. Ha’u dehan di’ak, entaun ha’u hili fali ita nia foinsa’e ida,” dehan Taur Matan Ruak liu husi diálogu Komunitáriu ho komunidade iha Suku Bukoli, Postu Administrativu Baucau, Munisípiu Baucau, Segunda (19/04).

Xefi Estadu ne’e esklarese, agora nia hili ona joven na’in rua ho tinan 40, hanesan kapitaun Angkatan laut, Klamar Fuik ho Coliati.

“Hanesan Prezidenti Repúblika, garante ba imi katak, sei la fahe ita, fahe ita ne’e kecil, halibur ita mak bo’ot liu,” katak Taur Matan Ruak.

Nia esplika, foin dadauk ezonerasaun ne’e, iha diferensa duni, tanba  Prezidenti Repúblika hakarak Jeneral Filomeno Paixão, maibé Governu hakarak Lere nafatin.

Xefi Estadu ne’e hatutan, ida ne’e sai polémika bo’ot, to’o Taur Matan Ruak tenke ba to’o Parlamentu Nasionál (PN).

Taur Matan Ruak afirma, nia defende tranzisaun, tanba tuir régras militar nian, tinan to’o tenke reforma.

“Sira balun dehan, Jeneral Lere lakohi, Jeneral Lere tenke kumpri lei, iha ailaran mós lei iha, nusa mak nasaun ukun-an tiha, lei laiha,” katak Taur Matan Ruak, hodi responde ba preokupasaun komunidade nian kona-ba ezonerasaun ne’ebé Xefi Estadu ne’e halo ba Jeneral Lere Anan Timur.

Komunidade Carlos Baptista hateten katak, tanba saida mak Governu ho Prezidenti la rona malu kona-ba kargu Xefias iha F-FDTL nia laran.

“Rai ne’e presiza paz no estabilidade, maibé situasaun jeral iha ita nia rai, ne’ebé tuir loloos ami labele sente ona, maibé buat ne’e mosu nafatin. Problema ezonerasaun ne’e, tanba saida mak sai hanesan ne’e,” katak Carlos Baptista.cos

.

MANUEL TILMAN AFILIA BA PLP

.

Timor Post -18 de abril de 2016

AINARO—Durante ukun án to’o agora kontinua mosu injustisa iha nasaun ida ne’e, tanba ne’e maka Partidu Libertasaun Populár (PLP) mosu hodi bele liberta povu hosi injustisa sosiál.

 “Ita haree durante ne’e ita ukun án tinan 15 nia laran ona ita kontinua hasoru injustisa sosiál ne’ebé maka kontinua la’o. Katak, espíritu partidarizmu no familiarizmu maka maka’as ne’ebé la hadi’a povu nia moris. Tanba ne’e maka PLP mosu hodi hadi’a sasán hirak ne’e. Sé lae, problema boot ba jerasaun tuir mai,” Vise Prezidente  PLP, Sabino Soares ‘Guntur’ dehan liu-hosi nia deskursu ba seremónia lansamentu estrutura PLP iha Munisípiu Ainaro, Sábadu (16/4).

Nia haktuir katak durante ne’e partidu barak maka manán no kaer governu nunka hadi’a povu nia kondisaun povu maibé hadi’a de’it família no partidu nia di’ak, Tanba ne’e maka PLP hamriik hodi halakon tiha espíritu sira hanesan ne’e.

Iha fatin hanesan, Koordenadór PLP Munisípiu Ainaro, Ernesto da Silva tenik katak eleisaun jerál 2017 mai ne’e PLP sei manán absoluta iha Ainaro. Agora dadauk, foin la’o fulan tolu ami hetan ona kartaun eleitorál apoiantes 3.500 ona. Ne’e hatudu katak PLP sei manán iha Ainaro.

Nia dehan katak nia tama PLP ho objetivu atu dezenvolve nasaun ida ne’e tanba durante ne’e laiha dezenvolvimentu ne’ebé maka di’ak liu-liu ba ema ne’ebé maka hela iha área rurais.

Entretantu, Prezidente  Partidu Klibur Oan Timor Aswain (KOTA), Manuel Tilman, afilia ona ba PLP. Nia hatete  nia ba hamutuk ho PLP tanba liufuan ida katak “hikis kosar ba moris di’ak”. Tanba ne’e maka nia hakarak hamutuk ho PLP hodi hikis kosar ba povu nia moris di’ak.

“Ha’u mai tanba liafuan “hikis kosar ba moris di’ak”. Ida ne’e maka bolu ha’u atu ita mai hamutuk fó liman ba malu ita dezenvolve rai ida ne’e,” Tilman informa.

Nia haktuir durante ne’e laiha partidu ka ukun na’in ida ne’ebé maka tane no haree nia povu nia terus to’o baze maibé PLP mosu ho liafuan libertasaun populár ne’e partidu ida ne’e maka povu ninian. (way)

.

LERE LA KONKORDA PR TAUR NIA DESIZAUN

,

Timor Post - 18 de abril de 2016~

DILI—Xefe Estadu Maior Jenerál FALINTIL-Forsa Defeza Timor-Leste (F-FDTL), Maijór Jenerál Lere Anan Timur, la konkorda ho desizaun Prezidente Repúblika (PR), Taur Matan Ruak nia ezonorasaun hodi foti fali Koronel Pedro Klamar Fuik ba Xefe  Estadu no Coliaty ba Vise Xefe  Estadu.   

                                         

“Reformasaun ne’ebé maka fó mai ami veteranu la ho dignu. Ami hanesan fali kriminozu ida ne’ebé nia tenki hasees ami hosi instituisaun. Maibé, ami nia Maun Boot Kay-Rala Xanana Gusmão sei moris nia ba ona serbisu, sé fila ami sei aprezenta ami nia situasaun ida ne’e,” dehan Lere ba jornalista sira iha nia rezidénsia Farol, Sábadu (16/4).

Nia hatutan katak sira seidauk dehan atu simu ka la simu desizaun Prezidente  Taur nian ne’e, bainhira sira nia Maun Boot Xanana seidauk fó esklaresementu ruma ba sira.

“La’ós katak ha’u sai jenerál ne’e jenerál nafatin ou ha’u nia alin sira koronel ne’e koronel nafatin. Tempu to’o ona ema bolu katak ami boot ona, ema jenerál Indonézia sira koñese ami, koñese ha’u, ne’e tanba ami nia dignidade nu’udar veteranu. Ami hatete  ba juventudi tomak katak ami seidauk bele simu desizaun Prezidente  Repúblika, Taur Matan Ruak,” Lere tenik.

Nia esklarese katak kuandu Maun Xanana fila nia tenki rezolve problema ne’e. Nu’udar military, nia informa, sira rekoñese Taur Matan Ruak hanesan prezidente  repúblika no komandante supreme forsas armadas no nu’udar veteranu rekñese Xanana hanesan sira nia maun, mestre no komandante en-xefe .

Maibé, nia husu ba Forsas Armadas no Polísia Nasionál Timor-Leste (PNTL) túr hakmatek no nia kontenti bainhira sai hosi militár.

Lere haktuir iha ailaran, nia ho Taur laiha problema. Sira só problema kontrola kilat musan de’it, maibé Taur, Xanana ho Saudozu Konis maka iha problema.

“Ita hatene katak Pedro Klamar Fuik maka troka ha’u haksoit ba Fitun rua ne’e problema ida. Tuir mai maka Coliaty, prezidente  konfia ne’e maka tau nia. Ha’u rona prezidente  la konfia ha’u. Ha’u ida uluk ita rua han hamutuk no mate hamutuk o la konfia maibé laiha buat ida,” Lere lamenta.

Nia salienta katak nia sai ba ona vida polítika. Nia sei ko’alia polítika laiha ema ida maka atu taka nia ibun, maibé nia la temi atu ba partidu ida ne’ebé.

Antes ne’e, tuir fonte konfirmadu iha Palásiu prezidensiál dehan prezidente hili ona opsaun foun ne’ebé maka governu hato’o hosi proposta rua; ida mantein ho proposta tuan kontinua ho xefe  Estadu Maior Jenerál, Maijór Jenerál Lere Anan Timor no ida fali opsaun foun, PR hili opsaun foun ne’e.

“Opsaun foun ne’e maka Pedro Klamar Fuik ba Xefe  Estadu Maior Jenerál, ho Coliaty ba Vise Xefe  Estadu Maior, Brigadeiru Jenerál,” dehan fonte ne’e.

Tuir informasaun ne’ebé  maka diariu ne’e hetan katak, Xefe  Estadu Maior Jenerál, Maijór Jenerál Lere Anan Timor hetan promosaun ba Tenente Jenerál no Brigadeiru Jeneraá Filomeno Paixão promove ba Maijór Jenerál, ho Koronel Falur Rate Laek promove ba Brigadeiru Jenerál maibé laiha kargu. (way) 

.