Governu Sei Rekore Desijaun TR Hasoru PR Taur

.

Suara Timor Lorosae - 08 de março de 2016

DILI – Maske Tribunal Rekursu haruka fila ona rekursu neebe mak governu hatama relasiona ho desizaun Prezidenti Republika ba nomeasaun Maijor jeneral F-FDTL foun, maibe Governu kontinua firme, hodi mantein pozisaun hodi haruka fila rekursu nee ba Tribunal Rekursu.

Deklarasaun nee fo sai husu Xefi Governu, Rui Maria de Araujo, ba jornalista sira liu husi konferensia neebe mak halao iha salaun enkontru Aeroportu Nicolao Lobato, wainhira fila husi vijita ba Santa Se, Tersa (08/03/2016).

Pozisaun Governu nian nee firmi no governu agora sei estuda argumentu husi Tribunal nian nee para atu rekore fila fali tanba governu sei iha direitu atu rekore ba resposta neebe mak mai husu Tribunal Rekursu,” hatete PM Rui.

Nia hatutan Tribunal deside katak asuntu neebe mak governu koloka ba TR atu deside lolos nee TR lakohi atu deside ho rajaun laos kompetensia TR nian nomos asuntu nee laos asuntu administrative, maibe asuntu politiku konstitusional.

Laos nee deit tuir PM katak antes nee governu nia pedidu neebe mak haruka ba TR nee iha rua, ida husu ba TR atu deside labele fo pose no sigundu husu ba Tribunal Rekursu atu anula desijaun neebe mak Prezidente da Republika foti tanba tuir governu desijaun nee la tuir prosediemntu neebe mak iha.

Iha fatin ketak tuir Diretor Ezekutivu Luta Hamutuk, Mericio Akara, hatete desizaun neebe mak governu foti hodi lori desizaun PR ba Tribunal Rekursu normal, maibe governu ansi liu no lolos rejolve ho ulun malirin wainhira rona malu no konsidera diferensia idea nee hanesan prosesu demokrasia normal.

.