CNRT Haruka Karta Divorsiu PD Ba PM, VI Governu La Monu

.

Suara Timor Lorosae

DILI-Partidu CNRT haruka ona karta divorsiu ofisial ho Partidu Demokratiku (PD) ba Primeiru Ministru Rui Maria de Araujo, ho objetivu CNRT la konta ona PD iha bloku koligasaun neebe halo sestu governu konstitusional la manu too iha 2017.

Tuir membru Konseilu Diresaun Nasional Jurifikasaun Partidu CNRT atual Vise Prezidente Parlamentu Nasional Aderito Hugo katak, atu garante estabilidade governativa sestu governu konstitusional too remata 2017, CNRT la sura ona ho PD ninia apoiu iha Parlamentu no Governu.

Konseilu Politku Nasional (CPN) halo karta hodi haruka  ba Primeiru Ministru, karta nee hanesan  informasaun formal ba Primeiru Ministru kona ba desizaun partidu CNRT neebe  la konta ona PD iha Parlamentu no Governu,” dehan Aderito ba Jornalista Kinta (17/03/2016) iha PN.

Hatan kona ba PD sai husi bloku koligasaun, Sestu governu sei monu, Hugo hatete governu la monu tamba kuandu governu monu karik iha tinan 2013, tan nee governu sei lamonu too iha 2017.

Hugo esplika konjuntura foun neebe mak iha, publiku akompaina komesa iha tinan 2012 pozisaun firme husi bankda Fretilin neebe mak afirma konjuntura foun fo sira nia suporta ho koperasaun ba governu neebe lidera husi CNRT.

Iha fatin hanesan Deputadu PD Paulino Monteiro hatete Sestu Governu Konstitusonal hari husi partidu hat, tamba fretilin mos tama tan nee partidu hamutuk hat alende PD, Frente Mudansa no CNRT. Timotio Gusmao

.