Timor-Leste apoia konferénsia rekonsiliasaun iha Giné-Bisau ho euro rihun 225

.

Sapo.tl ho Lusa

Ohin Timor-Leste entrega donativu ho euro rihun 225 ba Giné-Bisau hodi nasaun ne’e organiza enkontru nasionál rekonsiliasaun nian, ne’ebé seidauk hatene loos bainhira, maibé iha ona komisaun organizadora ida mak simu pose horikedas fulan-maiu 2015.

"Ami hakarak tebes partisipa, kontribui ba rekonsiliasaun rai ne’e nian ne’ebé hanesan, timoroan, ami gosta tebes", refere Alberto Carlos, diretór Ajénsia Koperasaun Timor-Leste nian iha Giné-Bisau.

Dirijente ne’e ko’alia ohin iha serimónia entrega donativu nian mak hala’o iha sala komisaun organizadora ba enkontru rekonsiliasaun nian, iha edifísiu Assembleia Nacional Popular (ANP), iha Bisau.

"Futuru no moris-di’ak povu ne’e nian iha nia sidadaun sira-nia liman, ami fó apoiu de’it", nia hatutan.

Valór ne’ebé entrega ohin korresponde ho metade hosi fundu ne’ebé Timor-Leste promete iha meza doadór sira-nian ba Giné-Bisau mak realiza iha Bruxelas, iha fulan-marsu 2015.

Padre Domingos da Fonseca, ne’ebé prezide komisaun ho ema 32 mak sei servisu hodi prepara Konferénsia Nasionál, hahi importánsia hosi donativu ne’e.

Nota do blogue: Governo mos bele fo'o apoio ba familia ida ne'e ke hetan despejo ka lae, ezemplu iha foto ida deít, novembru nian, maibe agora Governu hasai ema barak, ajuda sira hetan uma ka lae? Molok fo'o osan ba nasaun seluk karik diak liu hadia ita nia uma laran uluk!!! Imi buka deit halo aan ho povu nia osan! MOE LAIHA!!!

.