Deskonfia membru BOP komete abuzu seksual – Bolu malu ba insultu no baku komunidade

.

Jornal Nacional Diário - 02 de fevereiro de 2016

Familia balun iha Ailok Laran, Suku Bairo Pite, Postu Administrativu Dom Aleixo, Munisipiu Dili, kondena maka’as hahalok membru Polisia Nasional Timor Leste (PNTL) ida husi Bataleão Ordem Publico (BOP) ho insial HM ne’ebe deskunfia komete abuzu seksual ba inan feton RG.

Liu husi konferensia imprensa iha Aldeia Moris Dame, Ailok Laran, Segunda (01/2/2016), vitima RG konta tuir kronolojia katak, iha kalan 16 fulan Janeiru tinan 2016, nia ho nia alin feto hakat husi uma ba sosa sate iha estrada Perumnas nian.

RG fo sasina katak, wainhira sira nain rua sosa tiha sate lao mai uma membru BOP ida inisial HM ho nia maluk lubun balun tuur hela iha estrada ninin hakat ba abuza sira no lolo liman buti kedas ba nia hirus matan.

Ho hakfodak RG no nia alin feton foti lia ba membru BOP ne’e hodi dehan, nusa maka malkriadu ida hanesan ne’e no heteke tan ba membnru BOP ne’e nia matan laran hodi sukit liman ba nia dehan tan atetude ne’e hanesan los animal asu ain hat.

“Ho tauk hau dehan ba buatamak ne’e katak o hakarak hau ba dehan ba hau nia maun sira tuun mai haree o,” RG hateten.

Rona tiha lia hirak ne’e, membru BOP ne’e ho isin besi ran manas hateten dehan, “o ba bolu o nia pae, o nia tiun no o nia maun sira hotu, hau nunka tauk ema ida.”

Ho nune’e, vitima la hanoin naruk hateten, “

Se o mane hein iha ne’e.” Mas, seidauk too tan uma RG hasoru uluk nia alin ida hodi konta tuir situasaun ne’ebe sira nain rua nia alin infrenta wainhira fila husi sosa sate.

Ho nervozu, RG nia alin mane tuun ba hodi husu tuir problema ne’e ba membru BOP ne’e. Maibe, membru BOP ne’e hatudu hikas atetude ne’ebe ladun familiar no baku hirus matan dehan, “hau maka ne’e, imi hakarak saida.” Ho nune’e, RG nia alin mane lansa tuku ida ba membru BOP ne’e monu kedas ba rai.

Liu tiha minutu balun nia laran, membru BOP ne’e ba konvida nia maluk sira iha Eskuadra UEP (Unidade Espesial Polisia) iha Bairo Pite, lalin malu mai baku lesuk vitima RG nia alin mane ne’e to’o grave.

“PNTL ida nia la uja farda ho motor atu soke hau mak hau ses maibe nia konsege soke duni alin depois nia gas hodi soke tan maibe alin hamrik tia tuku nia inus to’o ran depois nia kaer alin nia liman metin haruka lori ba sira nia eskuadra, maibe ami la fo, depois ami lori alin mai uma, mais sira tuir to’o uma no koalia barak hodi temi hein iha ne’e hau bolu hau nia maluk, ne’e mak ami hatan dehan ba ami la tauk,” haktuir vitima RG.

Liu minutu balun nia laran kareta 3 BOP nian nakonu ho membru BOP ho motor lubuk ida hakat mai buka problema no baku arbiru deit jovens sira to’o tolok no hasai lia fuan at ba komunidade sira Bairo Pite no Ailok laran.

Membru BOP sira asalta vitima RG nia uma hodi dada sai sira nia maun ida ne’ebe moras toba hela iha uma laran hodi rasta no baku to’o hakneak.

“Maun ho hau nia mãe dehan, ami nia oan moras atan lahatene problema maibe BOP sira baku nafatin, nune ferik hakilar dehan hau nia bei-oan ne’e la hatene buat ida, sira problema ne’e ba tiha kraik, maibe membru BOP sira hateke hodi hasai lia fuan tolok ba ferik no haruka nonok tiha,” hateten vitima RG.

Kalan neba RG ho nia alin feton ne’e mos hetan tolok husi BOP sira hodi baku tan stik iha RG nia kotuk laran hodi dehan tan, “mate ba ibun boot sira ne’e.”

Nia hatutan tan iha problema ne’e ami la bele koalia foin mak koalia BOP sira baku no tolok, depois membru BOP ida ho inisial CM mai ho sivil hodi gas motor ho lian makaas iha uma oin.

“Iha kalan ne’e katuas tau faru 12 de Novembru nian, depois membru BOP ida ho naran CM hateke ba faru hodi dehan imi milisia, mauhu depois nia sei dehan labarik sira iha uma ne’e nia konhese hotu neneik sei mate hotu, sira mos hasai liafuan mal edukadu hanesan tolok, dehan ba ami nia oan no fen katak atu sai ba sae halimar iha liur,” vitima RG hatutan.

Familia vitima husu atensaun ba aktu nebe membru PNTL husi BOP halo tamba kontra Lei no Ordem ba nasaun RDTL

“Ami familia sente la dun seguru ba hahalok nebe mak uluk rezime Soeharto implementa, tanba ne’e, husu ba Governo no Estaduatu tau matan ba ami familia vitima hanesan responsavilidade moral ba atetude nebe mosu, husu ba Governo atu fo atensaun ba aktu membro PNTL ho hahalok nebe hanesan klonialismo iha instituisaun PNTL,” hateten RG.

To’o notisias ne’e publika seidauk hetan klarifikasaun husi Komando PNTL, liu-liu komandante UEP sub unidade BOP. Nes

.