LURO-Presidente Republika Taur Matan Ruak hatete, diak liu gasta osan hodi halo visita ba hare povu iha suku sira, duke gasta osan ba visita iha rai liur.
PR Taur afirma, foin lalais nee nia rona deputadu CNRT dehan presidente gasta osan, uluk sei iha Jeneral sira halo karta ida ba dehan juta sia, too agora nein ba kadeia.
"Hau prevere gasta osan ba visita povu, duke gasta osan ba hare ema nia rai iha liur, ita Timor gosta dehan gasta osan, maibee la husu dehan o halo saida, osan hira mak gasta ona, PN lahusu osan nee atu halo saida, nee lahalo, hau mai vizita povu, hakbesik aan ba sira laos mai elisaun mak mai," dehan PR Taur bainhira halo dialogu ho komunidade suku Cotamutu, Postu Administrativa Luro, Municipiu Lautem, Tersa (19/01/2016).
Iha fatin hanesan veteranus Laletek hateten ”Hau hakarak hatete Presidente Republika mai rombongan hanesan nee osan Estadu gasta ka lae, tamba saida hau hatete hanesan nee se Presidente Republika mai mesak hau labele hatete hanesan nee, maibee mai rombongan nee gasta osan estadu ka, sira nia salariu lor-loron nee mak gasta mai hare ami suku Cotamutu,” dehan Laletek.
Entertantu xefe suku Cotamutu Leopoldo da Conceicao, orgullu ho vizita Presidente Taur Matan Ruak iha sira ninia suku, tamba durante nee foin iha Presidente ida mak hakarak tun direitamente ba hare povu nia terus no susar.Carme Ximenes
Foto de Presidência da República de Timor-Leste, Facebook.
Foto de Presidência da República de Timor-Leste, Facebook.
.
Sem comentários:
Enviar um comentário
Nota: só um membro deste blogue pode publicar um comentário.