Ema deskoñesidu sona mate joven ida iha Tasi-Tolu

.

Jornal Nacional Diário - 01 de dezembro de 2015

Ema deskoeñesidu sona mate joven ida ho naran Vital iha area Tasi Tolu nian iha loron Sesta (27/11/2015) madrugada tuku 03; 29 Otl, no mate isin ekipa Forensik Polisia Nasional Timor Leste (PNTL) evakua ba Hospital Nasional Guido Valadare (HNGV) hodi halao Autopsia.

Segundu Komandante Munisipiu Dili Superintendente Euclides Belo dehan, akontesementu ne’ebe makaa hamate joven ida ne’e, Polisia kaptura ona suspeitu nain tolu, ne’ebe maka diskonfia involve direita iha akontesementu ne’e.

“Sira nain tolu ne’ebe maka ita diskonfia iha ona Polisia nia liman. Iha prosesu nia laran maka foin ita hatene sira ne’e makaa nudar autor principal ou keta iha tan sira seluk,” dehan Euclides ba Jornalista iha Kaikoli, Sesta (27/11).

Nia hatutan, kronolozia ne’ebe maka parte Polisia hetan makaa Vitima ne’e hamutuk ho nia kolega nain rua ba Festa, iha festa ne’e maka vitima hetan sona husi Suspeitu.

“Ha’u seidauk fo detallu kona ba informasaun ne’e, depois prosesu lao maka foin bele fo sai klaru liu tan kona ba akontesementu refere,” dehan Komandante ne’e.

Akontesementu ne’e akontese iha area Tasi Tolu, sesta (27/11) madrugada, bainhira vitima asiste festa kolega nian makaa hetan sona husi suspeitu, vitima ne’e mai husi Munisipiu Bobonaro. Eus

.