TL la infrenta hamlaha

.

Jornal Nacional Diário

Sekretariu Jeral Ministeriu Agrikultura no Peskas (MAP), Cesar José da Cruz hateten, povu iha Timor Leste sei la infrenta hamlaha.

“Ha’u hanoin entermus de Timor Leste,   ita la dehan katak, ita hamlaha, maibe politikamente ita hanesan Comunidade Paises de Lingua Portuguesa (CPLP) ita tenki koalia kona-ba zero fome, (sei la iha tan hamlaha)”esplika Cesar José da Cruz ba Jornalista iha Ministeriu Negosius Estranjeirus no Kooperasaun (MNEK) Praia dos Coqueiros Dili, hafoin partisipa reuniaun agrikultura familiar CPLP Segunda (23/11).

Reuniaun agrilkultura familia ne’e partisipa husi delegasaun membru CPLP ninian, maka hanesan, Portugal, Brazil, Angola, Mosambique, Cabo Verde, Guine Bissau, São Tome Prinsipe,Timor Leste no Guine Equatorial .

Cesar José da Cruz, fo ezemplu iha Afrika ne’eba ema barak maka falta nutrisaun, falta ai han, entaun MAP hetan politika ida ne’e atu bele asegura ai han iha nasaun Timor Leste.

Kona-ba Timor Leste infrenta bai loron naruk, Cesar José da Cruz dehan, MAP iha nia tekniku sira prepara fini ne’ebe maka bele tahan moris. Maibe fini lolos   ne’e Sekretariu Jeral MAP ne’e la esplika sai.

“Maske bai loron maibe iha Timor Leste ne’e la’os loron manas hotu, maibe iha Munisípiu balun udan komesa tun ona,”dehan nia.Avi

.